(Zawgyi)
" မသွားပါနဲ့...."
" မင်း ငါတို့ကို ကတိပေးထားတယ်လေ...."
" မင်းမှာ လုပ်စရာတွေရှိသေးတယ်...."
" မင်း ငါတို့ကို မေ့သွားပြီလား....."
" မသွားနဲ့နော်....မင်း သွားလို့မရဘူး ...."
" ကူညီရမယ်လေ ငါတို့မှာ မင်းပဲရှိတာလေ...."
" မယုံဘူးနော် မင်း အိမ်နဲ့လိုက်သွားရင် ငါတို့ကို ဘာမှ လုပ်ပေးနိုင်မှာမဟုတ်ဘူး ...."
" ငါတို့ကို သစ္စာမဖောက်ပါနဲ့ ..."
" တောင်းပန်ပါတယ်နော် ငါတို့ မင်းကို စောင့်နေခဲ့ကြတာလေ ...."
" ငါတို့အတွက် အချိန်ပေးပါနော် ငါတို့ကို ကတိပေးခဲ့တယ်မလား ...."
" မသွားရဘူးနော် လုံးဝမသွားရဘူး မင်း သွားလို့ရမှာမဟုတ်ဘူး မသွားရဘူး ...."
" အား....."
ဝိုင် သည် ခြောက်ခြားလာသည့် စိတ်အစုံနှင့် အသံနက်နက်ကိုကြုံးအော်ပစ်လိုက်သည်။ထိုအခါမှသာ ဝိုင် အိမ်မက်ဆိုးမှ နိုးထလာခဲ့တော့သည်။နားတစ်ခုလုံး ဆူဝေနေလျက် ဝိုးတဝါးအသံတွေသည် နီးသွားလိုက်ဝေးသွားလိုက်နှင့်ပေ။
" အမလေး သားလေး သတိရလာပြီ...သားလေးရယ် မသေကောင်းမပျောက်ကောင်း..."
မေမေသည် စိုးရိမ်ရသည့် အခြေအနေကြောင့် ရှိုက်ပြီးငိုနေသည်။တည်ကြည်က ချက်ချင်း ဆရာဝန်ခေါ်သည့် ဘဲလ်ကို နှိပ်လိုက်သည်။ဖေဖေကတော့ မေမေ့ပုခုံးကို ညင်သာစွာပွတ်ပေးနေသည်။
ဝိုင်ကတော့ နားနှစ်ဖက်ကို လက်နှစ်ဖက်လုံးနှင့် ပိတ်ပစ်လျက် အပြင်ဘက်အထိ ခုန်ထွက်လာမလိုရှိနေသည့် ရင်ခုန်သံကို လျစ်လျူရှုဖို့ ကြိုးစားနေမိ၏။
ဘာအသံတွေလဲ။
ဝိုင် ဘာကြောင့် ဘာမှမမြင်ရပဲ အေးစက်စက် အသံတွေကို ကြားနေရတာလဲ။အရိပ်ပေါင်းများစွာသည် ဝိုင် သွားမည့် လမ်းကို တားနေကြသည်။အသံပေါင်းများစွာသည် ဝိုင့်ထံ ချဉ်းကပ်လာနေကြ၏။
ဝိုင် စိတ်ရှုပ်သည်။စိတ်တွေညစ်သည်။
ဆရာဝန် နှင့် သူနာပြုမလေး နှစ်ဦး ကပျာကယာနှင့် အခန်းထဲဝင်လာပြီးနောက် ကစဉ့်ကလျားဖြစ်နေသည့် ဝိုင့်ကို ချက်ချင်းစမ်းသပ်သည်။ဝိုင် အသိစိတ်က သိနေသော်လည်း နားနှင့်မျက်လုံးထဲတွင်တော့ တဝီဝီအသံများနှင့် အမှောင်ထုကြီးတွေသာမြင်သည်။
YOU ARE READING
I Can Hear Your Voice (Completed)
HorrorThe boy, who had been in a coma for three years due to an accident, woke up to hear the voice of the spirits.What will happen when a ghost comes to his house? I Can Hear Your Voice Horror Romance# Bl Version# Zawgyi & Unicode Completed
