ဒဏ္ဍာရီထဲက ဖူရှင်း အပိုင်း(အပိုင်း၉၆၀ မှအပိုင်း ၁၁၆၀ထိ)

အပိုင်း (၉၆၄): ဒီထက် ပိုပြင်းပြင်း တိုက်နိုင်မလား...

ဒဏ္ဍာရီထဲက ဖူရှင်း
စာစဉ်(၆၆)
အပိုင်း (၉၆၄): ဒီထက် ပိုပြင်းပြင်း တိုက်နိုင်မလား...
ရှားရှင်းယွန်ကား တဖန် ပိတ်ဆို့ခံရပြန်သည်။ သူမက ရီဖူရှင်းအား ကြည့်သည်။ ကြည့်ရသည်မှာ ပြည်နယ်ကိုးခု၌ တန်ခိုးအဆင့်တူအတွင်း သူမကို ရပ်တန့်နိုင်သူတစ်ဦး ရှိနေသည်။ လှံရှည်ထံမှ အလွန်အားကောင်းသော အာကာသဓာတ်တစ်ခုအား ခံစားမိခဲ့၏။
ထိုအခိုက်တွင် ဟောင်ကျူဂီကား ရန်ဟောင်အမွေအနှစ်ကို ဆက်ခံခဲ့ပြီးဖြစ်ကာ သူ့ထံမှ ရောင်စဉ်များ လင်းလက်နေသည်။ နန်းတော်ရာက တုန်ခါနေပြီး လှပသော အလင်းများ တိုက်ခိုက်နေသော သဏ္ဍာန်နှစ်ခုပေါ်သို့ လာရောက်ဖြန်းပက်၏။ အုတ်ဂူအပြင်ဘက်တွင်လည်း လူတိုင်းက ကောင်းကင်နှင့်မြေကြီး တုန်ခါနေသည်ကို ခံစားကြရသည်။ လောက၌ ရန်ဟောင်အမွေအနှစ်မှာ တဖန် ပေါ်ထွက်လာခဲ့ပြန်၏။
သို့သော် မည်သူ ရရှိခဲ့သနည်း။
အခြေအနေကား မင်းသမီး ဝင်သွားပြီး မကြာခင် အပြောင်းအလဲဖြစ်ခဲ့ရာ အမွေအနှစ်အား သူမ ရရှိရန် များပေသည်။ သို့သော်လည်း ထိုအရာကလည်း ထူးဆန်းသည်တော့ မဟုတ်။ အတွင်း၌ ရှန့်ထိုနှစ်ပါးရှိသော်လည်း သူတို့က ရှားရှင်းယွန်နှင့် မည်သို့ ယှဉ်ပြိုင်ရဲမည်နည်း။ ရီဖူရှင်းနှင့် ဟောင်ကျူဂီတို့မူကား သူတို့ တိုက်ခိုက်လိုလျှင်ပင် ထိုသို့ စွမ်းရည်ရှိပါမည်လား။
ပြည်နယ်ကိုးခုမှာ အင်ပါယာရှား၏အုပ်ချုပ်မှုအောက်တွင် ရှိသည်။ ရှေးနန်းတော်ရာမှာ ဟောင်ကလန်ဘိုးဘေးများ ချန်ထားခဲ့သော အရာဖြစ်သော်လည်း ထိုအရာမှာ အင်ပါယာရှားပိုင်ဆိုင်လိုသည်ဆိုလျှင် မည်သူ ငြင်းဆန်ရဲမည်နည်း။
သူတို့အားလုံးက အလွန်မာနကြီးသော ရီဖူရှင်းကို တွေးမိကြသည်။ သူ၏စိတ်နေသဘောထားဖြင့် ရီဖူရှင်းကား မင်းသမီးကိုပင် လှည့်စားရဲ၏။ သူက မင်းသမီးကို အမှန်တကယ် တိုက်ခိုက်ရဲလောက်ပေသည်။ သူက အုတ်ဂူထဲမှ ထွက်လာနိုင်မည်လား သူတို့ မသိပေ။
အားလုံး ခန့်မှန်းသလိုပင် ရီဖူရှင်းကား အမှန်တကယ် တိုက်ခိုက်နေသည်။ သို့သော်လည်း ရီဖူရှင်းကား သူကိုယ်တိုင်အတွက် တိုက်ခိုက်ခြင်းမဟုတ်ပေ။ သူကား ဟောင်စီနှင့် ဟောင်ကျူဂီတို့အတွက် တိုက်ခိုက်နေသည်။ ရှားရှင်းယွန်က အင်ပါယာရှားနာမည်သုံးကာ ဖိနှိပ်ပါက သူနောက်ဆုတ်မည်။ ဟောင်ကျူဂီက အမွေအနှစ်ကို ရရှိပိုင်ဆိုင်ခဲ့ကာ သေဆုံးခဲ့ပါက ရှားရှင်းယွန်ကား သူမပေးခဲ့သော ကတိကို ကိုယ်တိုင် ချိုးဖျက်ရာ ကျပေမည်။ ထို့ကြောင့် သူကား သိပ်မစိုးရိမ်ပေ။
အင်ပါယာရှားက ပြည်နယ်ကိုးခု၌ အဘယ်ကြောင့် အုပ်ချုပ်ရေးယန္တရားအား တည်ဆောက်ထားခဲ့သနည်း။
ရှားရှင်းယွန်က အဘယ်ကြောင့် ကောင်းကင်ရွေးချယ်ခံများအား သတ်မှတ်ခဲ့သနည်း။
လှံရှည်အား လက်တွင် ကိုင်ထားရင်း အလင်းများ ရီဖူရှင်းကို ရစ်ပတ်လာခဲ့၏။ သူက ရှားရှင်းယွန်ကို လှံဖြင့် ချိန်ရွယ်လျင် တိုက်ခိုက်ရေးစိတ်ဆန္ဒများ ပြင်းထန်စွာ ဖြစ်ပေါ်လာသည်။
ရှားရှင်းယွန်ကို ပိုမိုအားကောင်းသော ဓားအသိများစီးဆင်းလာခဲ့၏။ ဓားအသိကား ကဒ်ဘေးများဖြစ်စေလောက်အောင် ကြောက်မက်ဖွယ်ဖျက်ဆီးအားကို ပိုင်ဆိုင်သည်။ သူက ဓားအသိကို ခံစားမိကာ ဓားအသိမှာ သူ၏စိတ်ဝိညာဉ်အား ဖျက်ဆီးတော့မည့်အလား ထင်မှတ်ရ၏။
ဓားအသိမှာ တဖြည်းဖြည်း အားကောင်းလာခဲ့ကာ စူးရှသော အသံများ လေထဲတွင် ဖြစ်ပေါ်လာသည်။ ဓားအသိများ ကောင်းကင်တခွင်တွင် လှည့်ပတ်စီးဆင်းကြသည်။ ထိုအရာက နေရာတိုင်းတွင် ရှိနေသည့်အလားထင်မှတ်ရ၏။
ရှားရှင်းယွန်က ရှေ့သို့ တက်လာလျှင် ကြောက်မက်ဖွယ် ကဒ်ဘေးဓားက ရီဖူရှင်း၏စိတ်ဝိညာဉ်သို့ ထွင်းဖောက်လာဟန်ရသည်။ သို့သော်လည်း ရီဖူရှင်းကား သူ၏စိတ်နယ်ပယ်ကို ကောင်းကောင်းကာကွယ်ထားရာ ပြဿနာသိပ်မရှိပေ။ တချိန်တည်းမှာပင် ကောင်းကင်မှ ဓားတစ်လက် လျှပ်စီးတန်းအလား ကျဆင်းလာသည်။
ဘုန်း... ကျယ်လောင်သောအသံတစ်ခုနှင့်အတူ ရီဖူရှင်းအား ကြယ်တာရာအရံအတားတစ်ခု လာရောက်ရစ်ပတ်သည်။ သူက ကောင်းကင်နှင့်မြေပြင်၏စွမ်းအားများကို အသုံးပြုရာ၌ အကန့်အသတ်ရှိသော်လည်း သူကိုယ်တိုင်အတွက်မူ အားကောင်းသော အားနယ်ပယ်တစ်ခု ဖန်တီးနိုင်စွမ်း ရှိနေဆဲဖြစ်သည်။ ထိုနယ်ပယ်ထဲ၌ အချိန်ပင် ရပ်တန့်သွားဟန်ရသည်။ အရာအားလုံးမှာ နှေးကွေးသွားသော်လည်း ဓားက သူ၏လောကဓာတ်နယ်ပယ်အား ဖောက်ထွင်းကာ ကြယ်တာရာအရံအတားကို ထိမိပြီး အက်ကွဲသွားသည်။
ရှားရှင်းယွန် ရှေ့သို့ တက်လာသည်။ အကယ်၍ တစ်စုံတစ်ယောက်သာ သူမ၏ရှေ့၌ လာရပ်ပါက သေချာပေါက် ဖိနှိပ်ခံရမည်သာ။ သူမ၏ဓားအသိကား အားကောင်းလွန်းသည်။ သူမက ဓားကို ဆုပ်ကိုင်ကာ မြန်ဆန်ပြင်းထန်စွာ ခုတ်သည်။ နောက်ထပ် ကျယ်လောင်သောအသံတစ်ခုနှင့်အတူ အရံအတားက ပိုမိုအက်ကွဲလာခဲ့သည်။
ပိုမိုများပြားသော ဓားများ ပြင်းထန်စွာ ကျဆင်းလာကြ၏။ ဓားတစ်ချက်စီက အလွန်အားကောင်းသည်။ အရံအတားကား ပြိုကျတော့မည်ကဲ့သို့ပင် ဖြစ်လာ၏။ ထိုအခိုက်တွင် ရီဖူရှင်း၏သက်စောင့်ဝိညာဉ်ပေါ်လာကာ နတ်လူဝံက မာန်သွင်းကာ ဗုဒ္ဓသန့်စင်ခန္ဓာအဖြစ်ပြောင်းလဲပေါင်းစပ်သွား၏။
ဘန်း...
အရံအတား ကြေပျက်သွားကာ ဓားက ဆက်လက်ကျဆင်းလာခဲ့၏။ နတ်လူဝံက အော်ဟစ်ကာ လက်ဝါးဖြင့် ရိုက်ထုတ်လျှက် ဓားကို ကာကွယ်သည်။ မြေကမ္ဘာပြိုလဲမတတ် ပြင်းထန်သော ပေါက်ကွဲမှုများဖြစ်လာသည်။ သို့သော်လည်း ရှားရှင်းယွန်က ထိုအရာအား မြင်ဟန်ပင် မရပေ။ သူမ၏အေးစက်သော မျက်လုံးများမှာ အနည်းငယ်မှပင် မပြောင်းလဲပေ။
ပိုမိုသော ဓားများ ပေါ်လာခဲ့ကာ ရီဖူရှင်း ရှိနေသော နေရာမှာလည်း ပြိုလဲတော့မည်ကဲ့သို့ဖြစ်လာသည်။ စုစုပေါင်း ဓားအစင်းပေါင်း ၃၀၀၀ ဖြစ်သည်။ သိဒ္ဓိဝင်လက်နက်အား အသုံးမပြုဘဲ ရှန့်ထိုအဆင့်အောက်မှ မည်သူမဆို ထိုတိုက်ခိုက်မှုအား အံတုနိုင်မည်မဟုတ်ပေ။
လူဝံကြီးက ပြင်းထန်စွာ တိုက်ခိုက်၏။ သူ၏တိုက်ခိုက်မှုတိုင်းက လေထုကို တုန်ခါစေသည်။ နတ်လူဝံ၏တိုက်ခိုက်မှုအောက်တွင် ကောင်းကင်နှင့်မြေပြင်မှာ ပြိုကျတော့မည်ကဲ့သို့ ထင်မှတ်ရ၏။ သို့သော်လည်း သူ၏တိုက်ခိုက်မှုက ကဒ်ဘေးဓားများကို မဖျက်ဆီးနိုင်ပေ။ ဓားအများအပြားက လူဝံကြီးကို ကျဆင်းလာခဲ့ကာ များစွာသော ဒဏ်ရာများအား ဖြစ်ပေါ်စေခဲ့၏။
သိပ်မဝေးသောနေရာ၌ ထိုင်နေသော မှန်နန်းတော်သခင်မပင် တိုက်ပွဲကို ကြည့်ကာ တုန်လှုပ်ရသည်။ သူမကား အင်ပါယာရှား၏သမီးဖြစ်သည်။ သူမက အဆင့်နိမ့်ကွန်းရှီဖြစ်သော်လည်း ပြည်နယ်ကိုးခုရှီအဆင့်မှ တစ်စုံတစ်ယောက်ကပင် သူမအား အနိုင်ရမည်ဟု အတတ် မပြောရဲပေ။ ယခု သူမနှင့် တန်ခိုးအဆင့်တူ ရီဖူရှင်းက သူမအား တန်းတူ ရင်ဆိုင်တိုက်ခိုက်နေသည်။
ကြည့်ရသည်မှာ နတ်လူဝံ၏ခန္ဓာမှာ ဆက်လက်၍ ခံနိုင်ဟန်မတူတော့။ ထို့ကြောင့် ရီဖူရှင်းက လက်မြောက်ကာ လှံရှည်တစ်လက် ဖန်ဆင်းလိုက်သည်။ ဒြပ်မှုန်လောကဓာတ်များ ဖြစ်ပေါ်လာကာ လှံကို ရစ်သိုင်း၏။
ရွှေရောင်အလင်းများဝင်းလက်သွားကာ နတ်ငှက်တစ်ကောင်ပေါ်လာ၏။ လေလောကဓာတ်များ သူ့ကို လာရောက်ရစ်ပတ်၏။ ထိုအခိုက်တွင် ရီဖူရှင်းကား စစ်နတ်ဘုရားအလား ထင်မှတ်ရသည်။ ပြင်းထင်သော လေများ တိုက်ခတ်လျှင် ရီဖူရှင်းက မူလနေရာမှ ပျောက်ကွယ်သွားပြီး ရှားရှင်းယွန်ထံသို့ ရွေ့လျားသွားသည်။ ရှားရှင်းယွန်ကလည်း မြန်ဆန်စွာ ရှေ့သို့ လက်ညိုးထိုးသည်။ ဓားစွမ်းအင် ကွဲထွက်လာကာ အရာအားလုံးကို ဖျက်ဆီးလျှက် ရီဖူရှင်းထံသို့ ဦးတည်သည်။
ဝှီး... ဝုန်း...
ရီဖူရှင်းက လှံရှည်ဖြင့် ထိုးနှက်လိုက်ကာ ကဒ်ဘေးဓားကို ရိုက်ထုတ်လျှက် သူ၏အတောင်ပံများကို ခတ်ကာ လေဟာနယ်ကို ခွင်းလျှက် တစ်ဘက်လူထံသို့ တိုးဝင်လာခဲ့သည်။ သူ၏စွမ်းအားများ ပိုမိုအားကောင်းလာနေသည်။
ရှားရှင်းယွန်ကား တောင်တစ်လုံးအလား လှုပ်ရှားခြင်းကင်းသည်။ ဓား၃၀၀၀က သူမအား မုန်တိုင်းအလား ရစ်ပတ်ထားကြသည်။ သူမကလည်း ရီဖူရှင်းထံသို့ ဆက်လက်တိုးဝင်လာခဲ့သည်။
နတ်လူဝံက အော်ဟစ်သည်။ သူ၏သွေးကြောမ ခုနစ်ခုပွင့်လာခဲ့ကာ သူ့အနီး၌ ပုံရိပ်ယောင်များပေါ်လာခဲ့သည်။ ပုံရိပ်တစ်ခုစီက လှံရှည်တစ်လက်ကိုင်ဆောင်ထားကြကာ နောက်ဆုံးတွင် ပုံရိပ်များက ပင်မခန္ဓာ၌ လာရောက်ပေါင်းစပ်ကြပြီး ရှားရှင်းယွန်အား ထိုးနှက်သည်။
ဓား၃၀၀၀ မှာ သူ့ထံသို့ ဦးတည်လာခဲ့သော်လည်း လှံရှည်က အလယ်ဗဟိုမှ ထွင်းဖောက်ကာ ရှားရှင်းယွန်ပေါ်သို့ ကျဆင်းလာခဲ့သည်။ ထိုအခိုက်တွင် ရီဖူရှင်းမှာလည်း ပြင်းထန်စွာ တိုက်ခိုက်ရိုက်ခတ်ခံရသလို ရှားရှင်းယွန်မှာလည်း နောက်သို့ တဖန် လွင့်စင်သွား၏။
ဖျက်ဆီးအားမုန်တိုင်းမှာ လှုပ်ရှားနေဆဲဖြစ်သည်။ ရီဖူရှင်း၏ဗုဒ္ဓသန့်စင်ခန္ဓာမှာ ပျက်စီးသွားပြီး သူ၏သက်စောင့်ဝိညာဉ်မှာလည်း ဒဏ်ဖြစ်သွားသည်။ သူ၏လည်ပင်းမှ ပျို့တက်လာသော သွေးများအား သူက အတင်းပြန်မျိုချ၏။
ရှားရှင်းယွန်သည်လည်း ကောင်းမွန်သော အခြေအနေ၌ မရှိပေ။ သူမ၏အဝတ်အစားများမှာ ရှုပ်ပွနေပြီး ဆံပင်များမှာ ပြန့်ကျဲနေ၏။ လေပြင်းများ ရိုက်ခတ်လျှင် သူမကား အမှန်ပင် မိန်းမဆန်သောပုံစံထင်မြင်ရ၏။
ရီဖူရှင်းက သူမအား ဤသို့သော အခြေအနေဖြစ်စေမည်ဟု ရှားရှင်းယွန်ကား တစ်ခါမှ မထင်မှတ်ခဲ့ဖူးပေ။ သူမက ရန်ဟောင်အမွေအနှစ်အား ဂရုမစိုက်တော့။ သူမက ရီဖူရှင်းကိုသာ ကြည့်သည်။
သူမကား အင်ပါယာရှားနယ်မြေ၌သာ ပြိုင်ဘက်ကင်းသည်မဟုတ်ပေ။ သူမ ငယ်ရွယ်စဉ်အခါက သူမ၏အဖေသည် သူမအား တခြားရန်ဟောင်ဘုံများစွာသို့ ခေါ်ယူသွားလာခဲ့ကာ လောကအတွေ့အကြုံများကို ပေးသည်။ သူမသည် အလွန်ငယ်ရွယ်သေးသော်လည်း နေရာမျိုးစုံ ရောက်ဖူးကာ များစွာသော စွမ်းအားမြင့်တန်ခိုးရှင်များအား မြင်ဖူးသည်။ တခြားဘုံများတွင်ပင် သူမအား တန်ခိုးအဆင့်တူအတွင်း ယှဉ်နိုင်သူ မတွေ့ခဲ့ပေ။ ယခု အောက်ဘုံရှိ ပြည်နယ်ကိုးခုတွင် သူမက တစ်စုံတစ်ယောက်အား တွေ့သည်။
“ ရှင် ဒီထက် ပိုပြင်းပြင်း တိုက်ခိုက်လို့ရသေးလား။ ” ရှားရှင်းယွန်က မထင်မှတ်ထားစွာ ပြောသည်။
ရီဖူရှင်းက အံ့အားသင့်သွားကာ ပြောသည်... “ မင်းသမီး တိုက်ခိုက်နိုင်သရွေ့ ကျုပ်တိုက်ခိုက်နိုင်တယ်။ ”
ဘေးတွင် မှန်နန်းတော်သခင်မအား ဆွံ့အနေသည်။ သူတို့က သည့်ထက် ပိုပြင်းပြင်းထန်ထန် တိုက်ခိုက်ဦးမည်လား။
ကျောက်ပြည်ထောင်ဘုရင်ကား တိုက်ပွဲကို မျက်လုံးဖွင့်လျှက် ကြည့်နေသည်။ သူက ရီဖူရှင်းအား သတ်ဖြတ်လိုသော စိတ်ဆန္ဒမှာ ပိုမိုပြင်းထန်လာခဲ့သည်။
“ ဒါဆိုလည်း ကြည့်ရအောင်... ” ရှားရှင်းယွန်က ဖြည်းညင်းစွာ ပြောသည်။ သူမ၏သက်စောင့်ဝိညာဉ်မွေးဖွားလာခဲ့၏။ အလွန်လှပသော ရွှေကြာပန်းတစ်ပွင့် မွေးဖွားလာခဲ့၏။
ရှားရှင်းယွန်က ရွှေကြာပန်းထက်သို့ တက်လိုက်လျင် အဆုံးအစမဲ့သော နတ်ဘုရားအလင်းများဖြာထွက်လာသည်။
ရှေးနန်းတော်ရာမှာ ပိုမိုပြင်းထန်စွာ တုန်ခါလာသော်လည်း သူမက ဂရုမစိုက်ပေ။ ယခု သူမကား ရန်ဟောင်အမွေအနှစ်ထက် ရီဖူရှင်းသည် ပိုမိုစိတ်ဝင်စားဖွယ်ကောင်းနေ၏။