قانون جدي

بات١٨

#قانون-جدي

................................

نفتح باب البيت طلع فارس وخالها لرثي وحبوبتها
شايليها بيدهم ول وعساها توكع وطيح

صعدو بسياره فارس ضنتي هو يوصلهم
نزلت ومشيت ليهم
نار تمشي بدمي شنو اسوي وقليل بحقهم لو اذبحهم هم ميرفلي جفن
اخذت نفس فتحت لباب صفرت وسبلت عيونها
..اسمعي يبنت عمي انتي من هاي لحضه طلعتي من حياته ماريدج ولا نريد نسمعج خبر
كل لصار تنسينه انتي نزلتي روسنه وشوفين هاذ لبيت شلون عامر
انتي نزلتي بسوايتج هاي
تعرفين شكد جنت متندم على اذيتج وغيابج بس طلعت غلطان اثاريج انتي ماتستاهلين هل تعب ولشكه
امشي وروحي ميسره بدربج
اخر كلام وياج ماريد اشوفج ولا نسمع صوتج حتى خلقتج ماشوفها بديرتنه
ظربت بابها وصرت جار ابوي
شغل فارس ومشى بيهم

-وصلت بغداد وروحي مفرفحه وصوابي بعده حار اباوع لبيبي عيونها تنط ودموعها تجري حيل نهضمت من لصار هاي اهانه الها بهيج عمر وبعد سنين يجون يغلطون عليها وينزلون منها
فوك كل هاذا كسرتي اني لمتتصلح
ضربهم الي لو حجي فهد لو من صاح جدي بي يضربني جن هم وجان عليهم
اني ما جرمت ولا زنيت ولا سويت مصيبه
كل لصار غصب عني نتجيت على لجامه دموعي تجري
وصلنه للبيت نزلت ساعدني خالي ولزم ايدي
بس نزلنه من لسياره فرها بساع فارس وطلع حتى ما حجه شي
ظلت سياره خالي هناك واكفه بابهم
دخلوني بلكوه امشي متكسره احس جسمي كله يون عليه
فتحت لباب رزان شافتني وصرخت موقفها وصدمتها خلت رجليه تموع واوكع بلكاع
ما صحيت اله وجدو ورزان فوكايه يضربون بوجهي على اصحه
عدلت كعدتي شربت لمي وجوهم تسالني شصاير
كعد خالي يحجيلهم جانت رزان يمي
حاضنتني حيل
هوه يحجي واني نعاد عليه لصار كله
ليله كلها منايمه من خوفي منه على ساعه جان يدخل يخلص عليه
دموعي ما وكفت ضاج جدي حيل منهم وعصب بس مابيده شي شيريد يسوي كدامهم وهمه اسود محد يكدرلهم
مرت يومين واني ما اتحرك كلشي يجي يمي
من بعد لصار كرهت ذاك لبيت ودخلته
لهدوء عم على بيت جدي كلها مقهوره عليه
بلصدقه لصبح من كعدت شفت روحي اكدر اكوم شويه جسمي سكن وجعه
كمت لميت شعري ورحت للحمام
اغسل رفعت راسي بساع شهكت
اتلمس وجهي بي ندبات ضربه من جان لابس محبس ضاربني بحاجبي
واني اكول ليش هيج يوجعني
رزان خالتلي لاسق ابيض قوي يم لجرح بس مع هاذا مبين وشكله واضح عيني مورمه وصايره طوبه
غسلت على كيف ومشيت جوه
كعدت وياهم من شافوني حبو يطلعوني كتلهم اريد ازور
رحنه كلنه لضهر زرت ورجعت
مرت كم يوم عاديه وحياتي شويه ستقرت بس احلم بكوابيس تموتني
لو جدي يرمي عليه لو فهد يركض ورايه وهيج
يوم لسبت لعصر غسبت ملابسي وكويتهن لان الاحد دوام عندي
بعد سبوع اجازه مرضيه
داومت لصبح
لمدرسه بعد مسافه عن لبيت اروح وحدي ومن ارجع اني وصديقاتي
شافوني وتخبلن شلون هيج كتلهم وكعت وسديت لسالفه