JB3: The Governor's Secret[ PUBLISHED UNDER ETLUX OC PUBLISHING INC]

8

Denisse Gonzales
-Present Time-

"Oh, so you're the dad? You're a gay couple? That's cute." Matamis ang pagkakabigkas ni Shanice sa bawat salita but I know she's faking it. "By the way, I'm Shanice Tamayo."

Tinanggap naman nito ang kamay ni Miggy at matamis na ngumite rito.

"Shanice Tamayo. If I'm not mistaken you're a former Miss Universe."

"Yes, I am. I'm also an advocate for the LGBTQ community and I'm so glad to meet a same-sex couple here."

Kung hindi ko siguro kilala si Shanice sa totoong buhay ay malamang at napaniwala na rin ako sa mga pinagsasabi nito sa harap ng kamera. Kung hindi lang ako naging sentro ng pangbu-bully niya at mga alipores nito noong elementary ako ay baka naninawala na ako.

"Thanks. I just came back from England para kunin ang asawa at mga anak ko and I'm happy that we'd get to meet such prominent people here before we go."

Napansin ko ang bahagyang pagdilim ng mukha ni Jonas habang nakamasid kay Miggy.

Nagseselos siguro ito sa huli dahil sa pakikipag-usap kay Shanice. Sana ay matapos na si Miggy dahil hindi ko na talaga kayang manatili pa sa iisang lugar na kasama sila.

Nakipag-kilala muna ito kina Mr. and Mrs. Juariz at mga anak nito bago si Jonas.

"Governor Juariz, thanks for taking care of my family. It's an honor to meet you, sir." Nakangiti....no. Nakangisi si Miggy habang sinasabi iyon kay Jonas. Mas lalong sumama ang tingin na ibinibigay ni Jonas kay Miggy habang nakikipag kamay dito. Kung nakakamatay lang ang tingin, malamang at matagal ng nakabulagta si Miggy.

"Daddy...let's go home na po." Sabi ni Janisse habang nakayakap sa paa ko at nakatingin sa dalawa. Sabay pa silang napalingon sa gawi namin.

Lalapit na sana si Jonas sa amin pero naunahan siya ni Miggy. Kinuha nito si Janisse at binuhat. Hinagkan pa niya ito sa noo. Mariing nakamasid lang sa amin si Jonas. Nakita ko pa ang pag-iwas ng tingin ni Janisse sa  ama at sumiksik sa leeg ni Miggy. Rinig ko rin ang mahinang paghikbi nito.

Nag-aaalalang napatingin si Miggy sa akin.

"T-take us home, Miggy." pakiusap ko dito. Natatakot akong makita ni Jonas kung gaano niya ako—kami sinira. Tama na ang lahat ng pasakit niya. Ayoko ng tapusin ang dalawang buwan. Ayoko na.

"I think we have to excuse ourselves. Hindi kasi maganda ang pakiramdam ng bunso namin. It's an honor to meet you po." Paalam niya dito. Tumango lang ang magkakapatid at ngumiti lang rin si Mrs. Juariz.

"It's an honor to meet you din, ijo. It's an honor to meet Romuel Ayala's son."

"Thank you, sir."

Hinawakan ko sa kamay si Jaiden at inakay siya paalis doon. Sumunod na rin sa amin si Miggy. Sobrang bigat ng bawat hakbang ko palayo kay Jonas. Bawat hakbang ko hinihiling ko na sana ay sundan niya kami at bawiin lahat ng sinabi niya kanina. Gusto kong marinig mula ka kanya na nagsisisi siya.

Pero...

Hanggang sa makababa kami ng burol walang Jonas ang humingi ng tawad. Walang Jonas ang tumawag sa pangalan namin. Ganun siguro kami—o kahit ang mga bata man lang— ka walang halaga sa kanya.