المراة الليبية ( روايات ليبية )

حلقة 2🔥 ( الندم )

المرأة الليبية 2 ❤

" الندم "
‏❤ Part 2 ❤

♡ في كل عيلة فيها مشاكل في الحياة منها ~~ الزواج ، الطلاق ، الحب ، الكره ، اليتماء ، الخيانة ، الوفاء ، المال ، الحسد ، الزواج المبكر ، الزواج المتأخر ، قصص الاطفال بعد طلاق ، خيانة الاصدقاء ، خيانة الحبيبين ، التمنر ، الظلم ، القتل ، الحقد ، العنف الاسري ، العنف ، ... هاذي المشاكل اللي تمر فيها كل فرد من العيلة سوا راجل او مرا او شاب مراهق او بنت مراهقة ووغيرهم هلبا من المشاكل اللي تمر في حياتنا ~ واحني توا حنحكوا ع قصة من القصص اللي يمر فيها المجمتع الليبي الواقعي ♡

مسرة بعيون بريئة / يا ماما اني منبيش نتزوج خليني نكمل قرايتي ونكمل مستقبلي يا ماما نبي نكون محامية في المستقبل بالله عليك
فاطمة بعصبية / اسسسمعيني زززين بووك اعطاه كلمة للراجل وولده يعني خلاص اليوم جايين يخطبوك وبتتزوجي يوم الخميس
مسرة / ماما اني بنت صغيرة اني مزلت صغيرة راني طفلة عمري 16 سنه نقرا اولى تانوي كككيف تبيني نتزوج بالعمر هذا كككييف !!!!
فاطمة / صكري فمك اني بووك اتزوجني لما كان عمري 14 سنه ويا سلام عليا اموري الحمدلله صحح هو وجه فقر وعايشين ع قد حالتنا لكن سترني الزواج سسترة !
مسرة تبكي / اخخخ يا ماما نبي نقرا نبي نطلع زيني زي البنات نبي نمشي للجامعة ونبي نتخرج
فاطمة / ششششش اسكككتي واللع العظيم لو بوك يسمعك يذبححك ذبح يوريك شن شكلها الجامعة وطلوع من الحوش
مسرة / اسمي مسرة مواليد 2004 شعري طويل اسود عيوني عسليات بشرتي بيضة وطويلة ... هاذي ماما اسمها فاطمه عمرها 32 سنه صغيرة مزالت لأن هي جابتني من هي صغيرة ... بوي اسمها بلقاسم احني نعتبروا عيلة قديممة والناس كلها تعرفنا حووشنا قديم بكل للجد للجد يسكنوا فييه حلمي ان نكون محامية ونحمي العداله من الناس المجرمة والظالمة لكن ....

فاطمة / تمكيجي بسررعه قبل ما يوصلوا والبسي خاتم متعك واي اكسسورات البسيهم وافردي خليقتتتكك سمعتي الناس من عيلة فوووق فوووق وولدهم مشاء الله عليه
مسرة / بسسسس ء ء ء ء
فاطمة / شششش ولا حرررف ديري يلي قتلك عليه وانتي ساكته راني مش ناقصة خفيها هيا ...
مسرة / درت مكياج واني نبكي ونبكي ونمسح ونعاود ندير المكياج ونبكي ونمسح ونعاود 💔
فاطمة / خشششت عليا في دار ... هيا يا ماااما هيا عطلنا هلبااا هم دقيقتين ويوصلوا يا حنا
مسرة بصوت تاعب/ باهي خلاص قريب نكمل

_
_
_
_

فاطمة / هيا اطلعي عطيهم القهوة وافردي خليقتك خيرلللك 😤
مسرة بضعف / حاضر يا ماما 💔... طلعت وخديت سفرة متع القهوة وخايفة وايدي تررعش
فاطمة مقعمزة / هي بنيتي تعالي متتحشميش
انتصار بصوت خبث / مشاء الله تبارك الرحمن عليها صغيرونه وحلوة
مالك العريس / عيوونه ع عيون مسرة يشوفلها شوويه ويرجع يشبح لوطا ع الارض وانعجب بيها
مسرة / تفضلي خالتي
انتصار / يا حليلي تسلم يدياتك يا حنا
فاطمه / لا يا ماما من اليوم هادي يا تقوليلها امي يا تقوليلها عميمه
مسرة ببروود / به 🙂 ... شببحت لمالك وعيونه وتفاصيلة وجه شاب في نضرها حلو وجذاب وعنده عضلات اعجببت فيه رغم ان مش مناسبين لعبض بكككل 🤷‍♂️ لكن حباته ... هذا يقولوله حب المراهقة 🔥 ...
مسرة / عطت قهوة لمالك بخجل وبابتسامه خفيفه ... تفضل
مالك / ربي يحفظك تسلمي
انتصار / ايوا يا حنا اني ولدي يخدم في شركة شحن من تركيا لليبيا وننقل حوايج ملابس نسائية الحمد والشكر الدفع اللي تبوه حاضر حق المهر البنووتة الحلوة هاذي
فاطمه / يصير خير حبيبة خلينا توا نتكلموا في مواضيع المهمه ... حبيبتي مسرة بري جيبي ميه لعمتك ...