Black Memory(U+Z)(Completed )

Part-61

Unicode

"ဖိုးခေါင် တွေ့လား "

"မတွေ့သေးဘူး... locationကြည့်နည်းကို
ရဲဇော်ခဏ ခဏသင်ပေးတယ်... ကျွန်တော် မလုပ်တတ်ဘူး..နှိုင်းရော မတွေ့ခဲ့ဘူးလား"

"ဟင့်အင်း ..မတွေ့ဘူး"

မဏ္ဍပ် ထဲရှိ စားပွဲခုံဝိုင်းလေးမှာ ထိုင်ရင်း ခေါင်းတကုပ်ကုပ်ရှိလှသည်။ ရဲဇော် လုပ်ပေးသည့်ဖုန်းတွေက လိုအပ်တဲ့ System အကုန်ထည့်ပြီးသားဖြစ်သော်လည်း သူတစ်ခါမှ
လုပ်ကြည့်ဖို့ စိတ်မဝင်စားခဲ့ပေ။ ရဲဇော် ရှာပေးလိမ့်မည် ဟူသည့် အားကိုးနှင့်ပင်ဖြစ်၏။ အခုတော့ ဘယ်လို လုပ်ရပါ့မလဲ။

"ဟိုမှာ ရဲဇော် နဲ့ခန့်ပိုင်မလား"

နှိုင်း လက်ညိုးထိုးသည့်နေရာသို့ ကြည့်ပြီးနောက် ခေါင်လေး တစ်ယောက် စားပွဲကို လက်သီးဖြင့် အားမပါစွာ ထုလိုက်၏။
ဒီကောင် တော့လား.... ။ဒေါသဆူလွယ်သောသူဟာ ခပ်မြန်မြန် ထသွားပြီး ရဲဇော် လည်ပင်း အကျႌ စကိုဆွဲကိုင်ကာ လက်သီးနဲ့ ရွယ်လိုက်၍ ထပ်ပုန်းနေရင် သတ်ပစ်မယ်လို့ ပြောချင်သည်။ သို့သော်လည်း သူလုပ်လိုက်မိသည်က အားငယ်စိတ်ပြည့်နှက်နေ သည့် မျက်နှာကို မကြည့်ရက်စွာ
ဖတ်ထားလိုက်မိခြင်းပင်။

"ငါ..."

"ငါ ပျောက်သွားလို့ရတယ်...မင်းပျောက်သွားလို့မရဘူး။ ငါ မရှာတတ်ဘူး"

ခေါင်လေးက ထိုသို့ ပြောလျှင် ရဲဇော်သည် နှိုင်းကို အားနာသော်လည်း ခေါင်လေးရင်ခွင်ထဲ ခဏတဖြုတ် ခိုဝင်လိုက်မိ၏။ ဒီရင်ခွင်ဟာ စတွေ့တုန်းကထက် ပိုပြီး နွေးထွေးနေသည်။

နှိုင်းသည် စားပွဲပေါ်လက်လေးထောက်ပြီး မျက်လုံးများ မှေးကျဉ်း၍သာ ကြည့်နေပေးလိုက်သည်။ ကျွန်တော့်ကို
ခင်ဗျားပိုင်တယ်ဆိုသည့် ကောင်လေးအား သူ့အနား ပြန်ရောက်လာလျှင် စိတ်ကြိုက် ကောက်ပစ်လိုက်ဖို့ စိတ်ကူးထားပါသည်။ သို့သော်ခန့်ပိုင် ကတော့ ကိုဘုန်းနှင့် ရဲဇော်ကို ကြည့်မရစွာ... ရဲဇော် လက်ကို ဆွဲယူလိုက်ပြီး...

"အမေသေတဲ့နေကြီး ပြောမကောင်းဘူးဆိုပေမယ့် ...ပြောလိုက်ဦးမယ်... ခင်ဗျား ကျုပ်နဲ့ သဘောတူထားတာကို မမေ့နဲ့... ကျုပ်က ကျုပ်ကတိပေးထားတာကို ကတိတည်အာင် လုပ်မှာ.... အဲ့ဒီကာလအတွင်း ခင်ဗျား ဘယ်သူနဲ့မှ ထိဖို့မကြိုးစားနဲ့... ထိရင်..
ပေးထားတဲ့ ကတိကိုမေ့လိုက်တော့"