Maid for the Mafia Boss

Kabanata 2

Tatlong araw na simula nung inalok ako ni William ng trabaho dun sa sinasabi niyang kumpanya.

At napagdesisyonan kong sabihin sa kanya mamaya na hindi ko kukunin yung trabaho. Masyadong risky para sa akin. And hindi pa ako handang iwan si Brylle kay Tiya magisa.

" Brylle, kaya mo nang suotin yung sapatos mo?" Tanong ko dito at tinignan ko na kinuha niya yung sapatos niya mula sa doorstep. Tumingin siya sa akin at ngumiti nang bahagya.
Napakunot ang noo ko.

" Yes, ma." Nginitian ko siya at hinayaang siyang magsuot. Nang maayos na niya ay nilahad ko ang kamay ko at tinaggap niya ito.

" Let's go?" Tumango ito at nagsimula na kaming maglakad nang hawak ko ang kamay niya.

Gusto niya raw kasing pumunta sa playground and sakto kasi mayroong park malapit dito sa bahay ni Tiya Anne. Papunta kami doon ngayon. Maganda rin na makipagsocialize siya sa ibang bata, para hindi naman siya maging introvert.

Mainit ang kamay niya at nagtaka ako dun pero hindi ko nalang pinansin sa ngayon.

Nang mahagilap na namin ang park ay hinila niya ako dahil gustong gusto na niyang maglaro. Tumawa ako sa kacutan ng batang ito.

Binitawan ko yung kamay niya at hinayaan siyang maglaro sa may playground. May ibang bata doon at agad niya itong inaya na makipaglaro sa kanya. Mamaya pa ay mas umingay ang park dahil sa mga batang naglalaro. Maigi ko lang tinignan si Brylle dahil baka madapa siya o kung ano.

Lumipas ang ilang minuto at humiwalay mula sa mga bata si Brylle at umupo sa may damo kung saan walang tao.

" Brylle? Bakit?" Tanong ko dito. Tumingin ito sa akin at napatayo ako nang unti unting sumasara ang mata nito. Napatayo ako at napatakbo sa kinaroroonan niya.

Nasalo ko ang ulo niya at naiwasang tumama sa lupa. Nanlaki ang mata ko dahil mukhang nahimatay siya.

" Brylle, brylle!" Tawag ko dito, hinawakan ko ang pisngi nito at naramdaman na napakainit niya. Pinakiramdaman ko ang noo at leeg niya at tila napaso ako sa sobrang init. Ang taas ng lagnat niya.

Nagtipon ang mga tao sa parke sa paligid namin at nagtataka kung anong nangyari. Gusto ko mang umiyak ay isinantabi ko muna iyon dahil kailangan kong magisip kung ano ang dapat gawin.

Humihinga pa siya at nabawasan ang bigat ng dibdib ko dahil doon. Kung tatawag kami ng ambulansya ay siguradong maiipit iyon sa traffic sa kalsada. Malapit lang ang ospital mula dito sa parke at napagdesisyonan kong ako nalang ang magdadala kay Brylle doon.

Maingat ko siyang binuhat at itinakbo sa ospital. Sana ayos ka lang, Brylle.

------------

" May malalang kaso po siya ng Dengue, mommy. Sa tingin ko ay matagal nang nagsimula yung sintomas niya. Wala po ba kayong napapansin na symptoms these past few days. Like rashes tsaka lagnat?" Napaisip ako sa sinabi nung doktor at napatingin kay Brylle na nasa ward dito sa hospital at may nakakabit sa maliliit niyang braso na I.V.

" Mayroon po siyang rashes pero matagal na siyang mayroong ganoon. Sensitive po kasi siya sa paligid at madalas magallergy kaya akala ko po na normal lang yung nakikita kong rashes niya." Naalala ko ang napakadaming rashes niya at gusto kong batukan ang sarili nang hindi ko naisip na pwedeng may sakit na siya nang ganon.

" Napakadami na niyang rashes ine. Napansin din namin na malakas ang skin allergy niya sa mga maduduming bagay. Katulad nalang ng mga alikabok. Hindi po ba kayo nakakaramdam ng lagnat sa kanya?" Naisip ko ulit yung mga time na mainit siya tuwing hinahawakan ko siya pero binalewala ko nalang dahil ngumingiti ngiti lang siya.