The Charm

Chapter 53

Chapter 53

"Whose used cigarette is that?" Itinuro ni President ang sigarilyong ginamit ni Damian. Bahagyang kumunot ang noo niya habang naghihintay ng sagot ng lalaki. "Is that yours? Nakita ko na inapakan mo."

Tiningnan ni Damian ang kamay ni President sa balikat niya bago sumagot. "Hindi po, Sir." Wala na ang tono ng kaba sa boses ng lalaki.

Palingon si President sa direksyon ko kaya mas nagtago pa ako.

"You know that smoking is prohibited here. School ito, hindi ito ang lugar na pagpapakitaan mo ng bisyo mo."

Wala akong narinig mula sa ka-departamento ni Faerie. Kung ako man ay baka hindi rin ako nakasagot lalo at huli ako sa akto.

"Liars can be dismissed in this institution anytime I want. Paano pa kaya ang lumabag sa policy?"

I couldn't believe what I just saw. Ngayon ko lang ulit nakita ang Damian na 'yon dahil na rin sa laki ng eskwelahang ito. Ibang-iba siya sa kung paano ko siya unang nakita. Well, mukha pa rin siyang empleyado na hindi gagawa ng bawal, pero iba 'yon sa nakita ko ngayon. And the way he spoke to someone on the phone was bothersome.

Ang kapal ng mukha niyang bastusin si Faerie!

Pinakiramdaman ko ang dalawa. Sinilip ko sila nang biglang may bumulaga sa harapan ko. Inangat ko ang mukha at nagtama ang mga mata namin ni President.

"Are you okay?" he asked.

Huminga ako nang malalim bago tumango. Tiningnan ko ang kinatatayuan ni Damian kanina at wala na ito roon. Muli kong ibinalik ang tingin kay President at umayos ng tayo.

Unti-unting napalitan ng pag-aalala ang kaseryosohan sa mukha niya. Nagpakawala siya ng buntong-hininga at  inilahad ang kanyang bisig.

Pilit akong ngumiti at inilapit ang sarili sa kanya. His hug was warm and comforting.

"Baka may makakita sa atin dito," medyo kinabahan ako nang naalala kung nasaan kami.

"It's still early. Wala pang masyadong pumapasok ng ganitong oras.

Tama naman siya. Maaga talaga kaming pumasok ni Faerie madalas, kaya nakapagtataka kung bakit ganoon din si Damian. Mabilis na gumana ang utak ko at napailing.

"Anong problema?"

I pulled away though I still wanted to be wrapped in his arms.

Sinenyasan ko siya na sumunod sa akin. Pinilit ko na maglakad nang ayos bago pumasok sa Research Room na may sarili akong susi. Sumandal ako sa isa sa mga round table at agad niya akong nilapitan. Tumuon ang mga kamay niya sa magkabilang gilid ko at matamang tumingin sa mga mata ko.

"Did he do something bad to you?"

I shook my head, still shocked at what I heard from that guy.

"I think he's obsessed with Faerie. He was talking with someone on the phone about her physical appearance." Kahit anong pigil ko sa sarili na 'wag mag-alala ay talo ako.

"Anong gusto mong gawin ko sa kanya?"

Binasa ko ang ibabang labi at mariing pumikit. Bigla niyang ipinatong ang mga kamay sa mga kamay kong nakatuon din sa table.

Napamulat ako nang haplusin niya ang mga ito. He was looking at me intently with a concerned expression on his handsome face.

"Relax, Amity. Kung natatakot ka na baka may hindi magandang gawin ang lalaking 'yon, pwes isipin mo kung sino ang boyfriend mo." Ipinagpatuloy niya ang ginagawa sa mga kamay ko. "I won't let that asshole hurt her."