مليكه!!!
بس لتغمضين باعيلي باعي لتسدين عيونج
مليكه-ورحت طرت احس روحي طلعت من جسمي غصب ولاعدي مقاومه
حسيت بنغزه بطرف اصبعي وراسي منفوووخ كثر النوم بقيت مغمضه.
حسيته
مسح طرف اصبعي وريحه العطر قويه وشم باطن ايدي
ومشاها على خده نغزه نغزه احس بلحيته
همس
وين اخذج اعوف كلشي واخذج واعوفهم
اغدر ب٣٠ واحد معلكين بيه همه واهلهم
وين اروح
فتحت عيني بتعب جان منصي ويتلمس بكف ايد ويمشي بطان ايدي على وجهه
من فكيت عيني
راسن كعد عدل وبلع ريك
باوعتله عيونه حمره
همست مستجمعه قوتي
ابو قبضه
ها مليكه شون تحسين روحج
تعبانه
تلمس شعري ميباوع بعيني واني اباوعله مكدرت غفيت
رجعت كعدت جانت نهار والشمس طابه من الشباك حسيت روحي اقوى
التفتت شفت لازم ايدي ومرتجي عالحايط وغافي فاتح حلكه
بقيت اباوعله
رغم كل سواده ويايه ابيض وابد من عرفني منو محاول ياذيني بريشه
تكلبت وانهدت ايدي من ايده
عقج جفن عينه وفتحها
معبس ومثل التذكر شغله تلفت باوعلي جنت دايره صفحتي اباوعله
صارت عيني بعينه بصف المندر كاعد بالكع على كعدته وغافي خطيه
ابتسم وهو يباوعلي واني اتامل بوجه وعيوني تتوسل
مد ايده. على شعري وتنهد تلمسه بعده من كصتي
عيوني مفاركت محجر عينه عكد حاجبه
وكف وعيوني تترقب حركاته
كعدت وخرت الفراش والغطا
نزلت رجلي راح للشباك عالرازونه اخذ مقياس السكر وصل يمي وكف واني كاعده
اخذ ايدي بعدوء ويباوع بعيني
اهووو ودرت وجهي معبسه
ضمه بايده وهد. ايدي تنهد
همس
لعددشون وباوع بوجهي قرفص كدامي صار بطولي
باوع بعيني احس يتفحص لون بشرتي وملامحي خاف مبين عليها اي اعراض
همست
اصابعي كامت توجعني
عبس حلكه ودار وجهه كعد بصفي ولاف الجهاز بيده
منصي شوي سكت والتفت عليه همس
لعد شون
لازم عالريك
مداحس روحي بيه شي كلتها وباوعتله بصفي
كال
بصوت دافي ومتوسل
ميخالف نتاكد
طيته ايدي خليتها على فخذه اخذها برقه نغزني وعيوني بعيونه. وباوعلي عبست وجهي مسح طرف اصبعي ويباوعلي
قاس وهز راسه وكف
كال
لازم تاكلين حتى تاخذين علاجج
مو مداحس روحي بيه شي
جر نفس وباوعلي حجه بامعان وكلمه كلمه ورافع حواجبه يباوعلي بتفهم
ناخذ نص حتى يبقى متوازن هاليومين وخلص ماشي
هزيت راسي ماشي
تلفت
همس
اجيب من جوه اكل
لالا ماحب اريد موزه اشرت عالصندوك داكوم
كام بمكاني جابها وفتحها يباوعلي ونطاني اكلتها وراح عالحبوب والبطل كسر وحده وخلاها بيدي بلعتها وشربت مي وعيوني بعيونه
