السلام عليكم ورحمة الله وبركاته
بقلم الكاتبه/ملاك المصلاويه/
شلونكم متابعيني العــ๛ــل شخباركم.
اليوم جايتكم بقصه مثل كل مره لكن اليوم قصتي تختلف. كل القصص بالبدايه فرح وسعاده والنهايه تكون سعيده هنا بهاي القصه
البدايه اتعس من النهايه البدايه كلش حزينه لكن يعم الفرح والسرور في النهايه
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
كلنا نعرف /محافظة الموصل صار بيها حرب وهواي ناس اتٲذوا وفقدوا احبابهم
اعرف لغيت هواي بس حتۍ تعرفون موضوع القصه ومتضيعون ودوخون بيها يلا نبدي واتمنۑ تتفاعلون وتنطوني رائيكم لان رائيكم يهمني
♡♡♡♡♡♡♡♡♡♡♡♡♡♡♡♡♡♡
مرحبا اني بنت الموصل اسمي ملاك عمري 14سنه. من اتحررنا طبعا. حاليا عمري 23سنه بس حادثة القصه من عمري18سنه
اني عندي اخت واخ يعني احنا 3 اختي اسمها رزان واخويه اسم ريان. واني اسمي. ملاك
امي رفد وابويه محمد
ملاحظه/1-طبعاً اني ترببت ابيت جدو اهل ابويه من اني وزغيره. وكلش بعيده عن اهل امي لان اهل امي بكربلاء المقدسه. علۍ فكرة اني كلامي بالمصلاوي
ملاك/ماما
ام ملاك/ها
ملاك/اكلج اشوكت يجي بابا تره ميته من الجوع
ام ملاك/شو بعدج عايشه
ملاك/لا ماما احجي عفيه
ام ملاك /هههه هسه مسافة الطريق ام بطن
ملاك/اهووو ماما اشقد يعجبكي تضحكين عليه
ام ملاك/ عابت اي والله
رزان/الباب ريان ملاك قومو افتحو الباب
ملاك/ريان اتحرك لاتنتظرني
ريان/اعرف بيكي خبيثة راح اقوم افتح الباب انا ماغيد (ماغيد يعني ماريد)منكي شي
ملاك/دتقوم اشقد تحكي بالع راديو عبالك
ابو ملاك/السلام عليكم
ام ملاك-ريان-ملاك-رزان/وعليكم السلام
ملاك/بابا اشقد طولت متنه من الجوع
ابو ملاك/اغشع (اغشع يعني اشوف)بعد عايشه
ملاك/دحق(يعني باوع) دحق انت وامي نفس التفكير العشاق فديتوكم
ام ملاك/الله يخبلج بعد اكثر
ريان/علۍ اساس عاقله هيه يعني
ملاك/ خليت العقل الك يا عيني تره جوعانه ما اطيق احكي (ما اطيق يعني ماكدر)
المهم اكلنه الحمدلله وغسلت مواعين الظهر طبعا وصعدت فوق بغرفتي اقره. كنت بصف 2متوسط.
المهم
ملاك/قريت شويه ونمت قعدت علې صوت امي اسمها تصيح ملاك مليكان امي تحجي بلهجه بغداديه لان هاي لهجتها المهم كعدت ها
ام ملاك/يلا كومي نروح بيت جدج
ملاك/تتشاقين لو من صحيح
ام ملاك/ولج كومي والله
ملاك/يااااي اوويلي اشقد اشتاقيتوا. (يعني شكد اشتاقيتلهم )لعمتي الربتني وبيت جدي كلهم
بدلنا وصعدنه بالسياره. طبعا جبت كتبي ويايه لان ادري بروحي راح ابقۍ هناك كم يوم احب ابقۍ يمهم.
رزان/ بابا شغل النه اغنيه
ابو ملاك/ماعندي والله هينا
(هينا يعني هنا)اغاني بذيج السياره عندي
(طبعا عدنا معارض مال سيارات)
ملاك/اشقد بطرانه رزان
ريان/بابا لاتخلي اغاني علې قصد ملاك
ملاك/ الا اغني واضوجك
كم يردلي يردلي سمرا قتلتيني خافي من رب السما وحدي لتخليني
رزان/هلا هلا هلا
ابو ملاك/ول فضحتونه يولو صوتكم نصو
ملاك/يا سماق يا سماق اكلي (يعني -اكل-اكله)
يسماق وياسماق اكلي دهيني وماتنضاق
بقيت اغني
ريان/ولييي نصي صوتج يولي فضحتينه عيب عليكي من هوني
/من هوني يعني منا العالم /العالم
اخيرا وصلنا بقينا يوم كامل راحو اهلي بقيت اني
عمتي الربتني رنا اسمها
جدتي ام محمد
جدي ابو محمد
رنا/اي اشونكي اخباركي
ملاك/والله يا عمتي مليحه
//يعني والله يا عمتي زينـه//
انتظروني بالبارت الثاني بوقت فراغي انزل الكم البارتات فديتكم يا احلۑ متفاعلين عسلل وربي.
