منقذي ذو النجوم

بارت 10

منقذي ذو النجوم

الكاتبة غدير العزاوي

..

درت السياره للجه الثانيه بسرعه انشخطت شويه نزل الي يسوقها كال اعمه انت ماتشوف ...هو هيج كال اني كتله اجيت والله جابك بقيت اغلط وشكو كلمه بودي جنت اكولها كلته اله يعني القنبله انفجرت علي ...بس يعني الصحيح مو اني الي جنت غلطان الحمار هو الي جان غلطان جاي رون سايد بعد شسويله عفته ودخلت للبيت كتلهم اريد انام ولاصوت اسمعلكم ....

طلعت سبحت وتمددت واتذكر وجه السطل شكالي...

وره ماطلعنه من يمهم هو الي طلعنه للباب وهو يمشي بموازاتي....

احمد:عبالك تكدر تاخذها شفت شلون اني اسبقك بخطوه ولو مايحتاج ريم من زمان الي وانت هم لاتحط عينك ع عرض العالم لاافلشلك وجهك الحلو

بذاك الوكت ماادري اضحك ع كلامه لو اضربه بوكس بنص وجه اطيرله خلقته...رديت علي

حسام:واني اكولك اياها منا تطلع جنازتك ومنا اخذها ونشوف بلااخير منو الي يطير خلقة الثاني...

غفيت شويه وكمت ع دكت الموبايل شفته محمد كالي تعال ع فلان كوفي وفهمني شصاير...

كمت بدلت وطلعت يمه فهمته السالفه كلها...

محمد:يمعود الف وحده تتمناك شعندك وياها ماتتذكر شصارلك من وره الي قبلها...

حسام:انتَ جايبني هنانه حته تحجي هذا الحجي ...

محمد: لامو علمود احجي هذا الحجي بس الي اريد اكول ان....

حسام:كافي يمعود تره ذيج هيه جانت صوجها هيه الي اتخلت عني صحيح اني ماخطبتها بس هيه هم عافتني وراحت ليش ماتتذكر الصوره الي دزتلي اياها هيه وزوجها وتكلي يسوه راسك وراس امثالك....عبالك سهل عليه كل هاي السنين هيه ماتعرف اني اول ماحجيت ويه اخوها شكالي جفص بمصاريني واني مااستحمل ولحد مانسيت شويه ورحت اخطبها كالولي مخطوبه...يعني عبالك شي سهل مرتين احب ومن اروح يكولولي مخطوبه والمصيبه اخواني يتفشلون تره من هيج شي....لخاطر ربك اسكت...

ريم:جمدت كل اطرافي من سمعت حجيه يعني كولشي صدك...دخلت للبيت واني بصدمه زين ليش كلشي حلو يروح مني .....واني صافنه اندكت الباب كمت افتحه عبالي رجع والله فتحته طلع احمد راد يدخل...

ريم:سالمين عيني وين تره ماكو احد بلبيت ليش جاي وانت تدري انه كرار يمكم...

احمد:هو هذا المطلوب ولاتنسين هسه اني زوجج انحسب

ريم:شنو شقصدك هذا المطلوب روح منا تره والله الم الناس عليك شنو تدخل للبيت وبعدين ماادري شنو من بشر انت ع جستي مااخليك تدخل للبيت وبي بس اني ويلا روح..

سديت الباب بسرعه واني ادخل للبيت اسمعه يكول والله وتوكعين بيدي وين تشردين يعني...

دخلت واني ارجف غسلت المواعين الي وسختهن ونضفت البيت ....ساعه ٩ يله اجو وجايبين وياهم عشه من بره ....ركضت لعلي وحضنتنه هو روحي من الدنيا يمكن هو الوحيد المصبرني اعيش ....