منقذي ذو النجوم

بارت 13

منقذي ذو النجوم

الكاتبة غدير العزاوي

..

وعد كتلك أحبك تشهد الروح.....
ويشهدلك جفن عيني ونظرها. .
كلبي بس إلك يفتح البيبان ..
وباقي الناس..ماكلب صورها..
وكلبك مثل كلبي اني حسيت
من بابه شفت ...ناسه حضرها
إذا اني وحبيبي بكلب متصافين
بعد شنسوي بالناس وصورها..
قصة حبنه عرفت بيها كل الناس
وأظن كل الصحف نشرت خبرها
بس كلب الشماته المايحبلي الخير
ظم السالفة بكلبه. ....وقفلها ..
المهم اني اح ❤بك وأنت وياي
وخل الناس مجويه بجمرها.

..

والله مجاوبه واني احجي وابجي كرار كال مدام متأكده نروح باجر لمدرستج...

كمت واني ابجي زين ليش يعني علااقل اذا مامجاوبه بماده جنت اعرف ولاا بمادة الرياضيات والكيمياء والفيزياء والاحياء ..واوو شلون مواد واني اعرف مجاوبه والله...

نمت ثاني يوم كمت من الصبح اتحضرت واخذني كرار ومن دخلنه كالونه هاي الشغله بالتربيه مو يمنه.....

هم كرار وداني للتربيه بسس شنوو شكد هوووسه وعالم اكو هناك والشمس تصمط صمط كرار راح شويه واجه ..

كرار:شلون ندخل والي دايدخلون اكثرهم واصطات واضافة الى لازم نقدم اعتراض ووره شكم يوم يله يطلع ويمكن يغلسون ومايطلع هيج كال الحارس..

اني بجيت لانه والله موسهله انتي تعبين وهيج يغلطون بنتيجتج ...كال كرار عندي حل راح اتصل بحسام بس هو الي عنده هيج واسطات ويكدر يدخلنه...

حسام:بيوم اتصلت بيه زمن وكالت السايق مجاي تعال اخذني ....

رحت يم مدرستها واني اسوق ومن بعيد عرفت هيه من خيالها من وكفتها من كلشي اعرفها وااميزها من بين الكل هيه اصلا غير عن الكل....

صعدت سلمت عادي عرفت ماتدري اني الي جاي لانه من صعدت جانت منزله راسها شكدد تدخل ع كلبي من تتصرف بااخلاق هيج...

ومن شالت عينها هنانه وكأنه ملكت الدنيا كلها شفتها اي هيه رديت السلام بس بلكوه.....واني امشي المرايه موجهتها عليها نزلت زمن وتعمدت اسوق بطيء حته اشبع منها ومن نزلت ركضت بسرعه للبيت....

اووف شووكت يجي اليوم الي اخذج من هذا الباب بزفه وبدلة عرسج اله اسويلج عرس الكل يضل يتذكرها بس انتي صيري الي نااذر والله اترس الكاضم شمع وورود ...

مشت الايام واني اجي اشوف علي واطلعه بس ابدا مالمحتها مرات اوكف من بعيد يم المدرسه مالتها اشوفها واارجع المهم كلبي يتعدل دكاته .....

بيوم كاعدين كلنه ونطلع النتائج لزمن شفناها ناجحه وكلنا باركنالها شويه وفرت الحاسبه يمها كالت اشوف صديقاتي هم....