အပိုင်း ၁၃ ( ရင့်သီးလွန်းလှသော စကားလုံးများ)
"ကျွန်တော့ကိုတစ်ခုတော့ ကူညီပေးပါ။"
ကျင့်ယိချန်က ရုတ်တရက်ပင် ကုတင်ပေါ်မှဆင်းချလိုက်သည်။ ဟန်ချက်ပျက်ကာပြုတ်ကျသည့်အတွက် ကျင့်ချီက ထိတ်လန့်သွားပြီး အမြန်ပင် ထူမပေးနိုင်ရန် သူပါချက်ချင်း ကုတင်ပေါ်မှလျောဆင်းလာလေ၏။ အန်းလုကလည်း ချက်ချင်းခုန်ပေါ်မှ ဆင်းလိုက်သည်။
ကျင့်ယိချန်က သူ၏ကိုယ်ကိုသေချာပြန်ထိန်းပြီးနောက် ဒူးထောက်ထိုင်ချလိုက်တာမို့ အန်းလုရော ကျင့်ချီပါ ယိချန်၏အနားတွင် ဆောင့်ကြောင့်ထိုင်မိသွားကြသည်။ အန်းလုက
" ယိချန် ဒီလိုမလုပ်ပါနဲ့။ ကျွန်တော့်ကို တမင်အနေရခက်အောင်လူပ်နေတာလား။"
"မဟုတ်ပါဘူး။ ကျွန်တော်တကယ်ပဲ..... အန်းလုကိုအကူအညီတောင်းတာပါ။
ပြီးတော့..... ဒီလိုမျိုး အန္တာရာယ်များတဲ့အလုပ်ကို....... ခိုင်းရတဲ့အတွက်လည်း တကယ်ကို...... အနူးအညွန့်တောင်းပန်ပါတယ်။"
ယိချန်က ဒူးထောက်ထားလျက်ပင် အန်းလုကိုကြည့်ကာဆိုသည်။ သူ၏ စကားလံုးနှင့် စကားသံများက မညီမညာနိမ့်ချည်၊ မြင့်ချည်ဖြင့် သူ၏ပါးစပ်ဖျားမှ ထွက်လာနေသည်။ ကျင့်ချီကမူ ယိချန်ဘေးတွင် ငြိမ်နေလေ၏။
"ကျွန်တော် ဘာများထပ်လုပ်ပေးရမလဲ။ ယိချန် ပြောကြည့်ပါ။ ကျွန်တော်တတ်နိုင်တာဆို ကူညီပေးမှာပါ။"
အန်းလုကမေးလိုက်သည်။
ကျင့်ချီဆီမှ ကြားထားရသောကိစ္စက ချီရှန်းနှင့်တိုင်ပင်လိုက်လျှင် သိပ်တော့ အပန်းကြီးမည့် ကိစ္စကြီးကျယ်မဟုတ်တာကြောင့် သူလုပ်နိုင်မည်ကို သူယုံကြည်သည်။ သို့သော်လည်း ယိချန်ဆီမှ မိမိအား တိုက်ရိုက်အကူအညီတောင်းခံခြင်းကို သူပိုလိုလားသည့် အပြင် ယိချန်တွင်လည်း ထိူထက်မကသော အကူအညီများလည်း လိုအပ်လျှင် လိုအပ်နေလောက်ပေမည်။
ယိချန်က ညိုးငယ်ကာနေသော မျက်နှာထားဖြင့် အန်းလုကိုကြည့်ကာ ပြောလာသည်။
"တိုင်းပြည်သာ ပြန်လည်လွပ်လပ်ခွင့်ရပြီး........... ကျွန်တော့်မိခင်လည်း အသက်ဘေးက လွတ်မြှောက်ခွင့်ရခဲ့မယ်ဆိုရင်........... ကျွန်တော့်ရဲ့ ဘ၀ကလုံလောက်ပါပြီ။ ကျွန်တော် ဘာပကာသနမှ မလိုအပ်ပဲ.............. ကျွန်တော်ချစ်တဲ့သူတွေနဲ့ပဲ ကျန်ရှိနေတဲ့အချိန်တွေမှာ သာမန်ဘ၀နဲ့.......... နေထိုင်နိုင်ရင် ကျေနပ်ပါပြီ။ ဒါမှမဟုတ်ရင်လည်း .......သူတို့ပျော်ရွှင်နေနိုင်ပြီဆိုတာကို မြင်ပြီးရုံနဲ့......ကျေနပ်မိမှာပါ။"
YOU ARE READING
LOVE, BUT HURT (Season 3)_ The Last Begin_[Completed]
Historical Fictionကမ္ဘာနှစ်ခုရဲ့ဝဲဂယက်မှာ လည်ပတ်နေလည်း ကိုယ်တို့နှစ်ယောက်ကြားက အချစ်ကတော့ အမြဲတမ်း စစ်မှန်နေအုန်းမှာပဲ။ "အန်းလု.....ဒီစကားလုံးတွေက အထပ်ထပ်အခါခါဖြစ်ပြီး ရိုးရှင်းနေလောက်ပေမဲ့ ကိုယ်မင်းကိုချစ်တယ်" Hello! This is Season 3 of Love, But Hurt Fiction and n...