Cost of Taste | ✓

Kabanata 4

Kabanata 4

"Ma'am, promise! Kaya ko naman maging matino! Kahit isang araw lang."

Naguusap kami ni Ma'am Reynes na teacher ko sa English for Academics and Professional Purposes sa faculty nila. Malapit na kasi mag-Teacher's week kaya naghahanap siya ng student teacher.

She looks at me with a teasing smile. Ako naman ay nagpapa-cute lamang para mukhang kaawa-awa sa kanya. I don't usually use my puppy eyes but I'll probably need it today just for her to give me the student teacher role.

"Bakit ba gustong-gusto mo maging student teacher? Wala naman akong duda na kaya mo pero bakit?" tumatawa si Ma'am Reynes. Kahit 'yung mga teacher sa loob ay tinatawanan ako.

Sobra-sobra na kaya 'yung panguuto ko sa kanya! Dinalhan ko pa nga siya ng lunch!

Ngumuso ako. Isang beses kasi ay nakita ko ang schedule ni Ma'am Reynes, meron siyang klase sa ABM 1. Sakto pang double period siya sa araw na magtuturo ang student teacher niya.

Syempre, papalagpasin ko ba 'yung pagkakataon na landiin si Adren?

"Ma'am, nakasalalay ang future ko rito!" I said, almost pleading. Hagikgik lang ang tinugon ni Ma'am Reynes bago buksan ang isang drawer ng kanyang table.

"Sige, Arrisea. I'll send you the PPTs you'll use and also the lessons. Don't disappoint me, anak." Ngumiti si Ma'am Reynes.

Malawak ang ngiti ko nang tanggapin ang flashdrive na inabot niya sa akin. Agad akong pumunta sa Main Library para tingnan ang laman nung flashdrive.

I took down notes and created a quiz for the lesson we'll tackle. Pudpod ako sa pag-aaral para lang hindi ako mapahiya sa harap ni Adren. Hindi ako sobrang talino pero bawi naman sa kasipagan.

Minsan, kapag sinasapian ako ng kasipagan. Hindi naman kasi talaga masyadong mahalaga sa akin ang grado ko sa school. May buhay pa ako sa labas ng eskwelahan kaya minsan lang talaga ako magsipag sa pag-aaral.

Hindi naman ako bumabagsak kaya wala namang kaso ito sa Mama ko.

Dumating ang araw na pinakahihintay ko. I was ready for this day. Hindi talaga ako papayag na may mas maganda sa akin sa room nila.

I asked my little sister, Arya, to make me look presentable. Busangot ang kanyang mukha dahil maaga ko siyang ginising para lang ayusan ako. Sa huli ay hindi naman siya nakapag-reklamo pa.

Tinulungan ako ni Arya sa paglagay ng make up sa mukha ko. It was a smokey fox eye look, mahilig kasi siya manood ng mga tutorials tapos nags-sideline siya sa mga birthdays, pageants o sa mga parlor.

"Ate, pwede rin kaya ako sa school mo next year?" she was applying a tint on my lips.

"Oo naman, sa tingin ko naman ay nagtatrabaho na ako no'n para may pangtustos na tayo sa pag-aaral mo," I answered after she close the lid of the tint.

The tuition of University of Jeanne D'Arc is no joke. Nakakapagaral lang ako ngayon dito dahil ang Papa ko ang gumagastos pagdating sa pag-aaral ko. Hanggang senior high lang muna ang balak kong tapusin, edi sa magandang school na para mas mapadali ako sa paghahanap ng trabaho.

I don't want to accept any money from him anymore. Kahit pa sabihin na responsibilidad naman niya ang bigyan kami ng pera, I just don't want to be a burden for him and his family. Masaya na ako sa kami lang nila Mama ang nagtataguyod sa pamilya namin.

I looked at the mirror in front of me, visualizing my face as I look closely.

Siguro ang yaman na maituturing namin sa pamilya ay 'yung mga mukha namin. Medyo hawig ko si Arya pero mas maamo lang ang mukha niya. Ilang beses na rin may sumubok lumigaw sa kanya pero palagi niya itong tinatanggihan. Si Archer, ang bunso namin ay wala pang tatlong taon kaya naman hindi makapag-trabaho si Mama ng regular dahil binabantayan niya ito.