منفذي ذو النجوم
الكاتبة غدير العزاوي
..
مااحس الا هجم عليه اني بسرعه كمت اريد اشرد ..
احمد:عبالج يعني اذا طلكتي مني اعوفج ....يعني بهذلتي احوالي وسنجتيني ترديني اعوفج لاوالله تحلمين بهذا الشي.....
انت شتريد مني بس كولي شنطيك وتعوفني لاخليتني اعيش حياتي مثل الاوادم ولاخليتني اكمل دراستي دمرتني انتَ الله لاينطيك اريد اطلع لزمني من فكي....
هه عبالج بهاي الكلمتين تهزين مني شعره لاوالله.....دفعته بكل قوتي وركضت للحمام وقفلت الباب بلكوه لانه ايدي ترجف وكلشي بيه يرجف....
كولش خايفه بده يدفع الباب حته يدخل اتشاهدت ع روحي هاهيه كلت هاي نهايتج ياريم.....
شويه وسمعت صوت مو غريب عليه صوت رجولي عرفته حسام شويه وهدأ الجوه......
فتحت الباب شفت ماكو احد طلعت حتى ماعندي قابليه ونفسيه احجي ويه رزان تدري كرار مو بلبيت شعدها مدخلته......
دخلت لغرفتي شفت علي ماموجود اكيد رزان ماخذته...... طلعتلي ملابس كلت اسبح بلكي النار الي بكلبي يبرد ...كملت وطلعت رحت للمطبخ شفت رزان وعلي كاعدين....داتوكل لعلي بس ويه كل لكمه تضربه تكله اكل وعلي مارايد بيض يريد روبه وهيه عنادا بي وحاطه عقلها بعقل علي توكله بيض...
الله يعين طفلها من يجي للدنيا عنده هيج ام....صبيتلي جاي وكعدت اكل وسحبت علي يمي وكمت اوكله شيريد هو ....خلصت كمت اخذته وسبحته وبدلتله ملابسه اصلا حاطته بلغرفه الي اني كاعده بيها...
كعدت واني افكر هسه شصار بين حسام واحمد الحقير ...
كلت ادك علي اخذت الموبايل ورجعته كلت فشله اخذته مره ثانيه هم رجعته كلت هسه شيحسبها عود اذا اتصلت....
شلته اخر مره كلت واذا خلي شيحسبها يحسبها اتصلت...دك مره مرتين وانفتح الخط كلت الو اجاني صوت طفله صغيره وهيه تحجي حجيها مكسر وتضحك بعدين سمعت وحده كالت ياا عززا شسويتي وكحه هيه اذا اجه عمج وشاف والله يشنكج والطفله تضحك .....
انسد الخط مافهمت شي عفت الموبايل وكلت عود اذا شاف هو يتصل .....
اكثر شي مرتاحه من ناحية انه رزان ماتنك فوك راسي ع شغل مو اتعاجز بس اخاف اصادف كرار واكول اني ماسائله عن انه الزم عده او شي فلااحسن انه مااتصادف ويه احد .....
شويه وصار وقت الغده اني مااشتهيت لانه متأخر متريكه بس دزيت علي لانه مو كولش اكل ع ريوك....
شويه وسمعت بجي علي بس بصوت كولش قوي طلعت بسرعه شفت صحن التمن مجبوب بلكاع وهيه ضاربه علي .....
أنت تقرأ
منقذي ذو النجوم
Romanceوكفت السياره جان بيها شابين وبنيه بس حال البنيه ماعجبني كتلهم صفو على اليمين وهسه اجيكم رحت كتلهم اني فد دقيقه بس استجوب ذيج السياره واجيكم كالو حاضر سيدي تقدمت حاس مو بس احساس متيقن اكو شي غريب نزلو الشباب وره الاجرائات كتلهم منو البنيه الي وياكم و...
