Me and My Suspicious Partner(fanfic For WuQi)[Completed ]

Part 12 ( လင်နောက်လိုက်ခြင်း)

လွန်ခဲ့သော နှစ်နှစ်ဆယ်ခန့်က >>>

နန်းတော်ကြီးတစ်ခုလုံး၏ နေရာတစ်ချို့တို့တွင် မီးလျှံများတောက်လောင်နေကြသည်။ အချို့အဆောင်တော်များရှိ တိုင်လုံးများ တံခါး ရွက်ဖျင်၊ ပြတင်းပေါက် တံခါးများသည်ပင်လျင် မီးလောင်မှုကြောင့် ပျက်စီးနေချေပြီ။ သို့သော်လည်း မီးလျံတို့က အရာရာကိုဆက်လက်လောင်ကျွမ်းရန်အသင့်ရှိနေကြသည့်နှယ် အကုန်လုံးကိုဝါးမြိုလောင်ကျွမ်းနေကြသည်။

နန်းရင်ပြင်ဝန်းကြီးထဲတွင်လည်း စစ်သည်များ၊ ရဲမက်များ အပြင် နန်းတွင်းသူ နန်းတွင်းသားများက ပြေးလွှားသူကပြေးလွှား၊ တစ်ဦးနှင့်တစ်ဦး အသေအကျေတိုက်ခိုက်နေသူများက တိုက်ခိုက်၊ ဒဏ်ရာ ရသူများအပြင် သေဆုံးနေသူများကပါ အလဲလဲ အပုံပုံဖြင့် နန်းတော်ကြီး တစ်ခုလုံးမှာ သွေးမြေဖြစ်နေချေလေပြီ။

" ဒီမှာနေ..ဒီမှာပဲနေ။ မယ်တော် မင်းရဲ့ခမည်းတော်ဆီကိုသွားရမှာမလိူ့ ဒီမှာပဲနေပါနော်။ခဏနေရင် သားတို့ကိုခေါ်ဖို့ လွှတ်လိုက်မယ်နော်။ ခဏလေးပဲ ကြာမှာပါ။ ညီလေးကိုလည်း သေချာကြည့်ထားပေး။"

ရှဲ့လျန်၏ မိခင်က ရှဲ့လျန်လက်ထဲသို့ သုံးနှစ်အရွယ်ခန့်ရှိသော ချီရုန်သေးသေးလေးအား ထည့်ပေးလိုက်သည်။ ချီရုန်၏ မိခင်သာမက ဖခင်ပါသေဆုံးသွားခဲ့ကြလေပြီမို့ ရှဲ့လျန်တို့က စောင့်ရှောက်ပေးရန်လိုအပ်လာလေပြီ။ ရှဲ့လျန်က အသက် ၆နှစ်ကျော်လောက်ရှိပြီဖြစ်သည့်အပြင် ပုံမှန်ထက်ပင် ဉာဏ်ကောင်းစည့် ကလေးတစ်ယောက်မို့ သူက ဤကိစ္စများကိူနားလည်နိုင်သည်။ ချီရုန်က လက်မလေးကို သူ့ပါးစပ်ထဲထည့်ကာ စုပ်နေရင်း ရှဲ့လျန်ကိုမော့ကြည့်လာသည်။

ရှဲ့လျန်၏ မိခင်က ထိုလျှို့ဝှက်အခန်းထဲတွင် သူတိူ့နှစ်ယောက်ကိုထားခဲ့လိုက်ပြီးသည့်နောက် သူမက အပြင်သို့ ပြန်ထွက်ရန် ပြင်လိုက်သည်။ ရှဲ့လျန်က နောက်မှ နေ၍ ချီရုန်ကိုလက်တစ်ဖက်မှ ဆွဲထားလျက်ပင် သူမ၏ လက်ကို လှမ်းဆွဲလိုက်သည်။ ထိုအခါသူမက ချက်ချက်း ပြန်လှည့်လာပြီးနောက် ထိုင်လိုက်ကာ ရှဲ့လျန်အား တင်းကျပ်စွာဖက်လိုက်သည်။ ဘေးတွင် ချီရုန်လေးကတော့ သူတိူ့ကို မျက်လုံးအဝိုင်းသားဖြင့် ကြည့်နေလေ၏။ အတော်ကြာမှ သူမက ပြန်ခွာလိုက်ပြီး ချီရုန်ကိုပါကြည့်ကာ