منقذي ذو النجوم

بارت 29

منقذي ذو النجوم

الكاتبه غدير العزاوي

..

ماحسيت الا وماي انرش عليه وع ملابسي صرت كلني مبلله ....بعدين انتبهت ع نفسي شلون صرخت بس مايدرون اني اخاف من اي شي مفاجىء من ذيج ايام خطفي ...

رفعت عيني شفت عامر شويه متبلل مو مثلي اني جنت كدامه وفتحلي الباب ...

شفنه مهدي الي ذاب المي علينه ركض علي عامر وهو مثل القرد من مكان لمكان مدايكدر يلزمه عامر ...

دخل حسام متفاجىء وكال شكو شاف كل ملابسي ماي كال شنو هاي كتله ماادري بس مهدي الي ذبه علينه .........

كال اني اعلمه مايبطل هاي السوالف مالته اكيد جان قصده ع زمن ....

دخلني للبيت فاطمه جانت دايره وجها لعامر الي يريد يلزم مهدي ....تفاجأت من اندارت عليه وكالت اكول البيت منو بس هسه راح تتعطل لانه ذابين عليج مي سلمت عليه حسام كال اخذيها انطيها شي من يمج...

دخلتني فاطمه وهيه تحجي وتشرحلي انه هذا مهدي جان يريد يذبه ع زمن مو عليج هاي دوم هيج سوالفه جان يسوي بينه هم مقالب بس بطل وبقت بس زمن خطيه ...كتلها ليش مو ماكو كليات حاليا عطله كالت لا مو بلكليه بيت صديقتها سامر راح يجيبها....

انطتني صايه سوده وبيها شغل بسيط وحلومن يمها جانت مستوره كالتلي ادري بيج تلبسين اسود بس هذا الحجي راح تنسي من راح نبدي نشتريلج ملابس واغراض لانه اول شي نبدي بي تلوين ملابسج وبعدين حياتج....حضنتها وكتلها الله عوضني بيجن انتِ وملاك اخوات الي ....

لبستها ورهمتلي شال ويا هم لبسته اخذت ملابسي كالت اخليهن بلغساله بلكي ينشفن لبين ماتروحين شيكول عيلنه ابن عمج مسبحيها وجايبيها كتلها عادي اكول مهدي هيج سوه كالتلي بطلي هل فهواه ماكو شخص عقله مايشخط ماافتهمت من حجيها طلعنه من غرفتها جانت جوه مو بلطابق الثاني ...جان مأذن واني متوضيه مااطلع من البيت اذا مااتوضى ...صلينه ثنينه وطلعنه..

من طلعت ام حسام جانت كاعده اول شي دارت وجها وكالت يله فاطمه حظروا ال ....ماكملت حجيها واندارت متفاجأه عليه وفتحت عيونها....سلمت وماردت..

عامر اشرلها بعيونه .... يله ردت السلام ...

اخذتني فاطمه للمطبخ شفت ملاك هم سلمت عليه واكلتني بلسلام وفرحن ...يعني من صدوك الله عوضني بيهن....

صارن يحظرن وكعدني بلكرسي مال ميز الطعام كتلهن ماتاكلون هنانه ...

ملاك:لا بس الي يكعدون متأخر ياكلون هنانه يعني مهدي وحسام من مايصير بلدوام اكثر شي همه والجهال مرات لانه يكعدون متأخر ....