#Unicode
မင်းယွီဆိုင်သိမ်းပြီးသွားတော့ သားလေးကိုပွေ့ပြီး ပြန်လာခဲ့လေတယ် ... ကားကကြီးနေတာကြောင့် လမ်းသွားရင်းယူမရ၍ နောက်နေ့မှ ဦးလေးယွမ်ကားနဲ့အိမ်ကိုသယ်လာမယ်လို့ လုယီလေးကိုချော့ပြီး ဆိုင်မှာ ထားခိုင်းခဲ့ရတယ် ... သားလေးက သူလိုချင်တာရပြီဆိုတော့ မဆိုးတော့ပဲ ပျော်ပျော်ရွှင်ရွှင်ပဲ လက်ခံခဲ့တယ် ...
မင်းယွီက သူ့ဖုန်းထဲကနေ ချူးရှန့်ပေးခဲ့တဲ့ phone No ကိုရှာပြီး ဆက်လိုက်တယ် ... အားလုံးကိုမေ့ပျောက်ဖို့ကြိုးစားပေမဲ့ ချူးရှန့်ကိုတော့ ကတိအတိုင်း ဖုန်း No ပေးဖို့ ဆုံးဖြတ်လိုက်တယ် ...
" ဝေ ... ဘယ်သူလဲ "
" အကိုချူးရှန့် "
" မင်းယွီလား "
" ဟုတ် ... ဒါကျွန်တော့ဖုန်းပါ ...
အကိုဆက်သွယ်ချင်ရင် ရပါတယ် ...
ဒါပေမဲ့ သူ့ကိုတော့ ပေးမသိစေချင်ဘူး "
" အကိုနားလည်ပါပြီ ... အကိုလာလည်ခါနီးရင်ဆက်သွယ်လိုက်မယ် ...
အိမ်ကိုကောင်းကောင်းပြန်နော် "
" ဟုတ် "
ပြီးနောက် ဖုန်းကိုချလိုက်တယ် ... သူနဲ့အဆက်အသွယ်ဖျက်ချင်ပေမဲ့ အနည်းဆုံး ချူးရှန့်နဲ့အဆက်အသွယ်ရှိနေသေးတာက သူ့အတွက် အသက်ရှူချောင်တယ်လို့ခံစားရတယ် ...
အိမ်ကိုရောက်ဖို့အတွက် ကြားထဲမှာ လူရှုတ်တဲ့ပန်းခြံကိုဖြတ်သွားရသေးတယ် ... လူရှုတ်သလို ကားတွေဆိုင်ကယ်တွေလဲ ပေါများတာကြောင့် လုယီလေးကိုပွေ့ချီကာ ကားလမ်းကို ဖြတ်ကူးလာခဲ့လိုက်တယ် ...
' ကျီ '
အရှိန်ပြင်းပြင်းနဲ့မောင်းလာတဲ့ကားက မင်းယွီကိုတိုက်မိမလိုဖြစ်သွားတာကြောင့် မင်းယွီ လန့်ပြီးလဲကျသွားလေတယ် ...
" ပါပါး "
လုယီလေးက လဲသွားတဲ့သူ့ပါပါးကိုဆွဲထူရင်း အရှေ့မှာရပ်သွားတဲ့ကားထံ ခြေထောက်သေးသေးလေးတွေနဲ့ ရွယ်နေပြီး အသံသေးသေးလေးနဲ့အော်နေတယ် ...
" ပါပါးကိုထိနဲ့ "
မင်းယွီက သားလေးပြေးသွားမှာဆိုး၍ လှမ်းဆွဲထားပြီး ...
YOU ARE READING
Mafia Is My Alpha ( Lion ) { Completed }
Romanceဒါလေးက Omegaverse ပုံစံလေး ရေးသွားမှာပါ ... DOLL ပြီးတော့ ဒုတိယမြောက် Fic လေးမို့ အားပေးဖို့မျှော်လင့်ပါတယ် ...... #KZinNyein
