فقدت. واتخيل ماشوفه بعد اذكر حضنه باخر مره التحق وينه وينك قاسم لتطلع روحي بكل واحد يروحومنكم روحي تطلع.
مليكه- سدته مني تبجي كطعت روحها متت قهر احمد راح جوه صوت بحي وصياح يكزبر الجلد مدري ليش انبني ضميري حسيت روحي الي سبب بالصار
غمضت وتلفلفت والله دعيتله من كلبي والله
طلعت الشمس ومحد نام
كلها تدور باصغر تفاصيل اله بلكن يلكو بلكن يلكون خيط لغيابه بس الشغلات الدتصير كلها تاكد انه انخطف
داومت ثاني يوم واشوف باب بيتنا لخه شباب عساكر ومدنيين واحمد وخليل وياهم نصيت وطلعت
وصلت العياده راسي مسطور رتبت وعدلت وطبت وحده تطلع بالاربعين وياها جهال ٢
كالت
دكتوره — موحوده
لا والله مسافره
بقت حايره
تفضلي الدكتوره الثانيه موجوده
كالت
لا شغلتي يم دكتوره—
دتطلع وهمس ابنها
ماما يعني منشتري دوه موراسي كلش يوجعني
يمه عود اقره عليه ويصير زين
والله ماما مداكذب يبقى ياذيني
شسوي يايمه ممداومه مدتسمع
تمشي وتحجي
همست
خاله بس دقيقه
التفتت
ها يمه
شتريدين من الدكتوره باوعتلي ونصت
لا هج دتطلع ابنها كال
انتي ماعدج دوه مثلها
كمت متحملت
رحت وراها مراجعين بعد مجايبن وكفتها عالدرج
تعاي بلكن اكدرراساعدج
بقت صافنه بوجهي منحرجه
والطفل يجر بيدها
يمه دكوليلها بلكن عدها لو بس وحده ابلعها واطيب
هزت راسها كالت
الدكتوره جانت تنطيني فلوس علاج ابني الصغير شوي مريض
تفضلي خل افتهمً منج
طبت وكعدت بتعب والطفل يحجي يتسابق وياها
منا يوجعني ويضل طب طب ياذي
دمعت عيني مكان خياط براسه
همست
ابني مريض براسه وماعدي فلوس علاج
بقيت اسمعها كلبي تشعوط
كالت
والله عمليه سويت والثانيه مدترهم الدكتور مخليلنا سره لان ماكدر حيل غاليه
هزيت راسي زين شكد تكلف
صفنت عليه
همست
مادري شكد بس شي مااكدر اعليه
الطفل كال
بس الخبايه طينا بس وحده
متت قهر جريت المره على صفحه وكتلها
اني حروح للبيت وامشي ويايه انطيج هالاكدر عليه واشتريله الحبوب
الله ينطيج العافيه ويسترعليج بستر زينب الله يوفقج ىينولج اللي يخبه ملبج بجاه هالاذان
دمعت عيني ورجعت مكدرت ابقى وصيت الحارس هسه اجي ورجعت وياها بقت تنتضر بالباب
ونفس الهوسه بعدها
طبيت بقت واكفه على صفحه المره
صعدتداطلع فلوس من دخلي والمح الذهب مال خالتي وكانما تذكرته
شلته كله احمد منعني البسه يكولي مال حرام
شلته كله واهمس صدقه عن روحها هاي
نزلت والف بجيسه صارت بوجهي صافنه. عالهوسه البره
