منقذي ذو النجوم

بارت 37

منقذي ذو النجوم

الكاتبه غدير العزاوي

..

ماحسيت الا والموس انسحب من ايدي ونذب بلكاع واني ردت اوكع لزمني حسام من اجتافي وكومني وحضني ..سد الدوش وحتى هو اتبلل ...صاح ع ملاك واجت جابت خاولي ولفتني بي وحسام عافني وطلع......

طلعتني ملاك وطلعتي ملابس دارت وجها بدلت وهيه اجت كعدت يمي وفتحت شعري وبدت تنشفه واني بغير عالم ...

وهيه تنشف شعري دخلت ام حسام واشرت ع ملاك تطلع طلعت هيه ...

اجت كعدت يمي ...

-اشلونج بنيتي ..

حبيبتي لاتسوين بينه هيج وبحسام هو اكثر واحد يتأثر من يشوفج بهيج حاله الله شاهد ع حجيي من مادخلتي لبيتنه صرتي منه وبينه صحيح مرات اعصب واحجي بس اني هذا طبعي والكل يعرفه ...اشوف بيج بنتي زمن ...ولاواحد بهل بيت يريد يشوفج بهاي الحاله ..لاتعذبين نفسج وتعذبينه وياج...نامي هسه والله كريم...

مددتني وغطتني وطلعت...اني هم استسلمت للنوم ومافكرت بااي شي بعد تعبت وتعب كولشي بيه...

فتحت عيوني الصبح وشفت حسام يمي كاعد يباوع عليه ويدخن بس شافني اخذ سويجه وباكيته وطلع...

كمت دخلت للحمام سبحت وبدلت ونزلت جوه ...الكل يحجي وياي بس حتى ينسيني واحنه كاعدين دخل حسام راد يطلع صاحله عامر وكال تعال اكعد...اجه كعد ابد ولاواحد بيهم يرفض طلب لعامر ...

اشويه ودك موبايلي شلته جان رقم غريب مارديت رجع اتصل رديت ...واجاني صوت اعرفه كولش زين من واني صغيره الصوت الي يمكن انخدعت بي وانخذعت بتمثيلها ولايوم بعمري اسامحها كل الي صار بيه من وراها كولشي...

-ها ريم خطيه سمعت الي صار بيج بس يله عادي انتِ متعوده يمكن ..

اني بديت ارجف واعصابي تلفت اجه حسام واخذ الموبايل من ايدي وعرف الي داتحجي رزان ....

-شوفي يارزان قسما عضماا اذا مره ثانيه اتصلتي او سمعتيني صوتج وخلقتج افضحج بي الكل هناك واخليهم يكرهوج فوك مدايكرهوج هسه لاتنسين شسويتي بريم واني ماكتلها مو علمودج لا والله علمود ريم وبس يله يله انعل يوم الي صرتي اخت ريم...

اني صعدت للغرفه وهو صعد وراي ...بجيت هواي بحضنه وهو يهديني بس ماحجه شي راد يطلع لزمته من ايده...

-ليش مداتحجي وياي ..

-حتى تعرفين غلطج كولش زين اذا سويتيها مره راح تتعودين مره وثنين وثلاثه ولاتكولين اني مااحبج وماله من عندج لا بس الي يمسج يمس كلبي وتأذيني ..

عافني وطلع واني تمددت واتغطيت شكد مااحجي واكول تعبانه مااكدر اعبر تعبانه نفسيا وجسديا ويمكن حجي حسام صحيح...