The Death of Athyeia (COMPLETED)

Kabanata III: Ang Kaguluhan sa Perya

Athyeia's PoV

"Bilisan mo po Manong Rodelios! Kailangan nating magmadali!" Taranta kong sigaw mula sa loob ng karwahe.

"Ano po ba talaga ang nangyayari binibini?" Nalilitong tanong ni Laura habang iniaabot saakin ang panyong pinakuha ko sa kaniya kanina.

"May masamang mangyayari, ramdam ko." Palusot ko nalang sa kaniya. Hindi na ako kanina nagayos ng sarili bago pumunta sa may peryahan, nagpakuha na lamang ako kay Laura ng panyo pantakip saaking mukha upang wala saakin doong makakilala.

"Ang paa niyo po?"

"Ahh.." Paano ba ako makakalusot? "Natapilok ako sa pagmamadali kanina, umayos na uli ng pwesto iyong buto." Ang tanga ko naman sa palusot na iyon. Ugh.

"Po? Pwede po ba iyon?"

"Oo. Tamo, nagagalaw ko na ngayon." Pagmamalaki ko pa habang pinapakitang naiikot ko na muli ang kaliwa kong paa. Ang galing ko sanang magsinungaling, medyo tanga nga lang.

"Malapit na po tayo binibini." Sigaw ni Manong Rodelio, kinuha ko mula sa kamay ni Laura ang panyo niyang bitbit at pinangtakip saaking mukha.

"Doon kayo sa may liblib pumarke, huwag kayong lumabas at hintatin niyo akong bumalik. Siguraduhin niyo ding hindi ito malalaman nina Mama at Papa intindi?" Sunod-sunod na pagtango ang iginawad saakin ni Laura.

"Masusunod po binibini." Sambit naman ni Manong Rodelios mula sa labas. Nakita ko ang isang tela mula dito sa loob ng kawahe.

Binuksan ko ang parisukat na bintana sa harap upang makita si Manong Rodelios. "Manong, ito po, suotin niyo mamaya pag po kayo ay nilamig."

"Salamat Binibining Abarca." Nakangiti akong tumango kay Manong.

Maya-maya pa ay tumigil ang karwahe, kami ay nasa isang liblib na lugar malapit sa perya. Kailangan ko pang hanapin iyong tinutukoy ni Laura na larong barilan kaya kailangan ko talagang magmadali.

Ayaw ko naman siyang isama pagkat ayaw kong madamay pa siya sa gulong ito.

My plan is, to go in, then go out, oras na mabaril ko ang dalawang binti noong lalaking susubukang asintahin ang kapatid ko at si Levi ay dapat na agad akong umalis.

I mist fled from the scenery without Levi seeing me.

Sinimulan ko nang tanggalin ang mga alahas na baka ay sumabit mamaya kung saan-saan. Niluluwagan ko palang ang isa ay bigla nang nagsalita si Laura.

"Magsisimula na ang fireworks. Nagpapatayan na ang mga tindahan ng kaniya-kaniyang mga ilaw at nagsisindi na sila ng mga kandila."

Fireworks....

Kasabay noon magpapalipad ng bala ang masamang tao upang matakluban ang tunog o putok ng kaniyang baril.

Hindi ko na tinuloy ang pagtatanggal ng aking mga alahas at agad nang sinuot ang isang balabal 'saka binuksan ang pintuan ng karwahe. "Magingat kayo." Sabi ko sa kanila bago tumakbo patungo sa perya.

Mas bumilis ang tibok ng aking puso ng madatnan ang lawa ng mga tao sa aking paligid.

Papaano ko sila hahanapin?

Ako na si Athyeia ngayon hindi ba? Kailangan kong tandaan kung nasaan ang pwesto ng baril-barilang iyon.

Masaya kami at magkahawak kamay na pumasok sa malaking pultahan ng perya ni Li-Em. Pultahan pa lamang, napakaganda na ng dating, pagkat may makadekorasyon doong samu't saring mga bulaklak. Mas lalo tuloy bumilis ang tibok ng puso ko dahil sa pagkasabik na aking nadarama...