သူမ သိေစ..... (Z+U)

Part - 24 ( Unicode )🍦🍦🍓

[Unicode]
တစ်ယောက်နဲ့တစ်ယောက် စချစ်ခဲ့တုန်းကတော့
အခက်အခဲပေါင်းစုံ အန္တရာယ်ပေါင်းစုံကိုကျော်လွှား
ပြီး ခက်ခက်ခဲခဲချစ်ခဲ့ကြပေမဲ့ တကယ်တမ်း လမ်း
ခွဲဖို့ကြတော့ ပိုပြီးလွယ်ကူလိုက်တာ.........

နေ့ရက်တွေအချိန်တွေသာပြောင်းလဲသွားတယ်....
စိတ်ထဲမှာတော့ အရင်လိုပါပဲ....သူမနဲ့မတွေ့တာ တစ်
ပတ်ကျော်ပြီ.....အထွန်းလဲကုမ္ပဏီကိုမသွား ဘယ်
အပြင်မှမသွားဘဲ အိမ်တွင်းအောင်းနေတာတော်
တော်ပင်ကြာပြီ.....အဲ့ဒီ့နေ့က အထွန်းရဲ့နှုတ်ကနေ
သူမကို လမ်းခွဲစကားပြောထွက်ဖြစ်ခဲ့သော်လည်း
စိတ်ထဲမှာတော့ သူမနဲ့အထွန်းဟာ အရင်တိုင်းပျော်
ပျော်ရွှင်ရွှင်လေး နေနေရသလိုပင်ခံစားနေရသည်။

သူမအထွန်းကိုမမြင်ချင်တော့ဘူးဆိုတာ အထွန်းသိ
သည်။သူမအထွန်းကိုမုန်းနေပြီ.....ကုမ္ပဏီမှာလဲ သူမကို အထွန်းမြင်ရင် ပိုပြီးစိတ်ရှုပ်လိမ့်မည်။တွေးရင်း
တွေးရင်းနှင့် နောက်ဆုံး ကုမ္ပဏီမှထွက်ရန် ဆုံးဖြတ်
ချက်တစ်ခုချလိုက်သည်။ဘေးနားမှဖုန်းကိုယူကာ
မလဲ့ဆီကို ဖုန်းခေါ်လိုက်ရင်း.......

"ဟဲလို''
"ဟဲလို မလဲ့''
"အထွန်း....နင်တို့နှစ်ယောက်ဘာတွေဖြစ်ထားကြတာလဲ။ကုမ္ပဏီကိုနင်မလာတာလဲတော်တော်ကြာပြီ။
အခုတလော မမမြတ်က အရင်နဲ့မတူတော့ဘူး....
နင်တို့ဘာဖြစ်ထားကြတာလဲဟယ်''

မလဲ့မေးနေသောမေးခွန်းများကို အထွန်းဖြေချင်
သော်လည်း အထွန်းတွေဝေနေခဲ့သည်။ထို့နောက်
သက်ပြင်းတစ်ချက်ချလိုက်ကာ......

"အထွန်း.....ထွက်စာတင်ချင်လို့ မလဲ့''
"ဘယ်လို....ဘုရားရေ....ဟဲ့ အထွန်း.... ငါစိတ်ပူလိုက်
တာဟယ် ဘာတွေဖြစ်ထားကြတာလဲ ပြောစမ်းပါ
ငါ့ကို''
" နောက်မှ အေးဆေးပြောပြပါ့မယ် မလဲ့ရယ်''
"အထွန်း....ငါမမမြတ်ကိုသွားမေးလိုက်ရမလား''
"မမေးပါနဲ့..... မမေးပါနဲ့ မလဲ့ရယ်.....သူစိတ်ရှုပ်သွားလိမ့်မယ်''
"အဲ့ဒါဆိုပြော နင်ပြောမှ ငါဘာဆက်လုပ်ရမလဲဆိုတာ သိမှာ''
"အင်း......မလဲ့ ဒီနေ့ခင်းအားလား''
"အားတယ်''
"အဲ့ဒါဆို အထွန်း ကုမ္ပဏီနားက Coffee ဆိုင်မှာ
နှစ်နာရီအရောက်စောင့်နေမယ်''
" အေး ဟုတ်ပြီ...ဟဲ့အထွန်း နင် အလုပ်ကတော့
မထွက်နဲ့နော် ငါစိတ်မကောင်းဖြစ်အောင်မလုပ်နဲ့ ဒါပဲ
"အင်းပါ မလဲ့ရဲ့''