#Unicode
မင်းယွီတစ်ယောက် လှပတဲ့ပန်းခင်းကြီးထဲမှာ ပျော်ရွှင်စွာဖြင့်ပန်းတွေချိုးနေပြီး အချိန်ကုန်မှန်းမသိကုန်သွားလေတော့တယ် ….
" ဆရာကတော် ပြန်ရအောင် "
ပန်းစည်းတွေ အခေါက်ခေါက် ရွာထဲကို ပို့ပြီးပြီမို့ နောက်ဆုံး ကိုပါလာတဲ့ခြင်းထောင်းလေးထဲထည့်ကာ သူတို့အားလုံး ပြန်လာခဲ့ကြလေတယ် … အိမ်ရောက်တော့ ပန်းတွေနဲ့အမျိုးသမီးအုပ်စုကို မင်းယွီအိမ်မှာစုစေပြီး ပန်းထုံးနည်း သင်ပေးလေတော့တယ် …
မြို့မှာက ဇာတွေဖဲသားတွေရှိတာကြောင့် ပန်းအလှစည်းဖို့ အဆင်သင့်ပေမဲ့ ခုရွာလေးမှာက ဇာတွေဖဲကြိုးတွေမရှိ၍ မင်းယွီ သစ်ရွက်တွေကိုအစားထိုးကာ အလှဆုံးပြင်ဆင်ပေးလေတော့တယ် …
အရင်က ပန်းတွေကို တစ်နေရာထည်းစုထုံးကာ စင်ပေါ်မှာ တင်ထားလေ့ရှိ၍ မင်းယွီလုပ်ထားတဲ့ပန်းစည်းလေးတွေကို အိမ်အနှံ့အတွင်းအပြင် အလှဆင်ပြထားတော့ လူတွေအားလုံး အံ့ဩကုန်ကြတယ် … အားလုံးစိတ်ဝင်စားလာကြပြီး မင်းယွီကို ပန်းစဉ်းပြင်ခိုင်းရင်း တိုက်တိုက်ဝန်းဝန်းနဲ့ အိမ်လေးထဲမှာ လူတွေပြည့်လာကြတယ် …
" ဆရာကတော် ကျွန်မကိုလဲ ပြင်ပေးပါ "
" ဆရာကတော် ဒါမျိုးလေး ပြင်ပေးပါ "
" ကျွန်မလဲလုပ်ကြည့်ချင်တယ် "
ရွာလေးက အိမ်ခြေ ၂၀ ကျော်လေးပဲရှိတာမို့ မင်းယွီအဖို့ ကူညီရန်မခက်ခဲဘူး … အားလုံးကလဲ ဝိုင်းဝန်းကူညီပေးနေတာမို့ ညနေမဆောင်းခင်မှာ ရွာလေးတစ်ခုလုံး ပန်းတွေနဲ့အလှဆင်ခြင်း ပြီးမြောက်သွားလေတယ် … အိမ်ရှေ့က စင်လေးတွေပေါ်မှာ ပန်းများ လှပစွာစီချယ်ထားပြီး ရာသီထွက်သီးနှံတွေကို စင်အတွင်းဘက်မှာထားထားကာ ပူဇော်ကတော့ရန်အရန်သင့်ပြင်ထားကြတယ် …
မြို့ပေါ်မှာတော့ ခုချိန်ဆို လှပဆုံးသောပန်းများနှင့် အလှမီးလုံးများ ချိတ်ဆွဲလျှက် မနက်ဖြန်ပွဲတော်ကို စည်းကြိုနေကြလိမ့်မယ် … တောရွာလေးမှာတော့ မီးမရရှိ၍ မီးပုံများကို အိမ်တိုင်း ပျိုးကာညရဲ့အမှောင်ထုကို ဝါမျိုစေလောက်တဲ့ထိ အလင်းရောင် ရရှိထားစေတယ် …
YOU ARE READING
Mafia Is My Alpha ( Lion ) { Completed }
Romanceဒါလေးက Omegaverse ပုံစံလေး ရေးသွားမှာပါ ... DOLL ပြီးတော့ ဒုတိယမြောက် Fic လေးမို့ အားပေးဖို့မျှော်လင့်ပါတယ် ...... #KZinNyein