*ဗြန်း....ဗြန်း...ဗြန်း....*
"အ့....."
လင်ဗန်းဖြင့် သုံးချက်ခန့်ဆင့်ချခံလိုက်ရသော ပိုင်ဝူရှန့်မှာ အသံတစ်ချက်ခန့်သာထွက်လိုက်ပြီးနောက် ကြမ်းပြင်ပေါ်တွင်ပင် ပက်လက်လန်ကာ လဲကျသွားလေတော့သည်။ ရုတ်တရက်လဲကျကာသွားသော ပိုင်ဝူရှန့်အား မြင်လေတော့မှ ချီရုန်က အသိစိတ်ပြန်ဝင်လာတော့သည်။
သူ၏လက်ထဲတွင် ပိန်လိန်ကာချိုင့်သွားသော လင်ဗန်းအား စားပွဲပေါ်တွင် အမြန်ပြန်တင်လိုက်ရင်း လဲကျကာ သတိလစ်မေ့မြောသွားဟန်ရှိသော ပိုင်ဝူရှန့်၏အနားသိူ့ သွားကာ ဆောင့်ကြောင့်ထိုင်ချလိုက်ရင်း
"သေပြီလား။"
ချီရုန်ကသူ၏လက်ညိုးဖြင့် ပိုင်ဝူရှန့်၏ ပါးပြင်ကို ထိုးကြည့်လိုက်သည်။ ပိုင်ဝူရှန့်ဘက်မှ မည်သည့်တုံ့ပြန်မှုမျိုးမှ မပေးပဲ မျက်စိစုံမှတ်လျက်သာငြိမ်သက်နေလေ၏။
"ကျွင်းဝူ...မင်းသေပြီလား။ ငါ့ကိုတစ်ခုခုပြောအုန်းလေ။ ငါ..ငါ..အားသိပ်မထည့်လိုက်မိပါဘူး။"
"......."
တဖက်ကမည်သည့်အသံမှ ထွက်မလာတာကြောင့် ချီရုန်က သူ၏လက်နှစ်ဖက်လုံးကိုသုံးကာ ပိုင်ဝူရှန့်အား လှုပ်နှိုးပြန်သည်။
"ကျွင်းဝူ...ကျွင်းဝူ...ငါခေါ်နေတယ်လေ။ ထအုန်းလို့။"
ချီရုန်က အတော်ကြာသည်ထိ တုံ့ပြန်မှုမရတာကြောင့် သူ၏ နားကိုပိုင်ဝူရှန့်၏ ရင်ဘတ်နားသို့ကပ်လိုက်ကာ နှလုံးခုန်နှုန်းစမ်းသပ်ရန်ကြိုးစားလိုက်သည်။ တစ်ခဏကြာတော့မှ ပြန်ကာခွာလိုက်ပြီး
"ကျွင်းဝူ...ဒီလောက်လေးနဲ့ မသေနဲ့အုန်းလေ။ မင်းသေလို့မရဘူး။ ငါ...ငါကလေ မင်းကိုတွေ့ချင်လို့လာခဲ့တာ။ မင်းက သေသွားရင် ငါကဘယ်သူ့ကိုတွေ့ရတော့မှာလဲ။ မင်းမသေရဘူးလို့...ငါမင်းကို သတိရလို့ လွမ်းလို့လာတွေ့ရတာလေ။ မင်းသေလို့မရဘူးလေ..အီး...ဟီး...ဟီး..."
ချီရုန်ကပြောရင်းပင် မျက်ရည်များကျကာလာလေတော့၏။ မျက်စိကိုစုံမှတ်ကာ တရစပ်ထွက်ကျလာသော မျက်ရည်များက နှာရည်များနှင့်အတူ ရောစပ်နေလေ၏။ ချီရုန်က မျက်နှာတစ်ခုလုံးအား သူ၏ လက်နှစ်ဖက်ဖြင့် တရစပ်ပွတ်နေပြီး မျက်ရည်များကို သုတ်ပစ်နေသည်။
YOU ARE READING
Me and My Suspicious Partner(fanfic For WuQi)[Completed ]
FanfictionStory Title_ Me and My Suspicious Partner ဧကရာဇ်ပိုင်ဝူရှန့်သည် လုပ်ကြံခံရကာ ချီရုန်တို့ဓားပြစခန်းအနီးရှိရေကန်တွင် သတိလစ်လျက် ချီရုန်၏တပည့်များမှ ကယ်တင်ခဲ့ကြသည်။ ထိုမှတဆင့်် ကျွင်းဝူဟူသော အမည်ဖြင့် ဓားပြခေါင်းဆောင် ချီရုန်နှင့်အတူ ထောင်ထဲဝင်လိုက် ထွ...