Maid for the Mafia Boss

Kabanata 61

This chapter is dedicated to @buhariepogi :)))

Naayos ko na ang sarili ko bago pa makabalik sila Tiya at Brylle.

Halatang halata ang tuwa sa mukha ni Brylle kasama na din ang pagod. Buong araw din kasi siyang nakipaglaro kay... Keian.

" Mama! Ang saya po sa park!" Niyakap ko siya nang tumakbo siya papunta sa akin.

" I'm glad you enjoyed going out, Brylle" hinagod ko ang likod nito na basang basa ng pawis ang damit.

" Love you Mama"

" Love you too, Brylle" isinandal niya ang ulo niya sa dibdib ko at mukhang nakatulog na.

Ngumiti ako at umiling.

Pagod na pagod na nga.

" Palitan ko lang po ng damit si Brylle at ihihiga sa kama tsaka ako magluluto" ngumiti si Tiya.

" Huwag mo na akong ipagluto kayo nalang, kung ayos lang Nassandra. Maiwan ka na muna dito bago bumalik sa trabaho mo. May pupuntahan kasi kami ni William" tumaas ang kilay ko sa sinabi niya.

" May date po kayo?"

" Oo--- ay ha? Ano? Hindi ah. Kakain lang kami sa labas. Masyado na kaming matanda para magdate" nakangiti akong tumango.

" Ah sige po, sabi niyo eh" pinanliitan ako ng mata ni Tiya habang dinala ko sa kwarto si Brylle.

Tinanggal ko ang t-shirt nito at nilagyan ng pulbos ang likod bago inihiga sa kama.

" Sleep tight, Brylle" hinalikan ko ito sa pisnge tsaka lumabas sa sala.

Nakita ko namang nakabihis na kaagad si Tiya ng sosyaleng bistida.

" Mukhang sa mamahaling restaurant pa kayo kakain ah"

" Hindi ah. Dyan dyan lang"

Hay nako, Tiya. Kilalang kilala ko na kayo.

Pumunta ako sa kusina para naman magluto ng hapunan kaso lang wala akong maisip na pwedeng iluto. Parang wala din ako sa ganang magluto.

" Anong nangyari, Nass?" Napatingin ako kay Tiya na may seryosong ekspresyon. Bumuntong hininga ako.

" Kailangan ko bang mag-alala sa kaligtasan namin ni Brylle?" Umiling ako dito.

" Hindi ko po pwedeng sabihin sa inyo ang buong nangyari siguro po ay balang araw, kapag handa na akong ikwento. Pero sinisigurado ko po na hinding hindi kayo mapapahamak"

" Hinding hindi po namin kayo pababayaan." Nagulat ako nang may magsalita sa may pinto.

Bukas ito at nakatayo doon si William at si Zeke. As usual ay nakasuit si William.

" Zeke" ngumiti si Tiya dito at tumayo.

" Inaasahan ko iyan mula sa inyong dalawa" tumingin siya sa aming dalawa ni Zeke. Tinignan ko siya pero hindi niya ako matignan ng diretso sa mata.

" Anne. Alis na tayo?" Nakangiting tanong ni William. Tumango si Tiya at lumapit dito.

" Nass" tumango ako sa kanilang dalawa.

" Teka, iiwan mo dito si Zeke?" Tanong ni Tiya.

" Naku, kay bait ni Sir at ipinahiram sandali ang kotse sa atin. Ngayong gabi lang naman"

" No problem" sagot ni Zeke dito.

" Salamat Zeke ah" sabi ni Tiya. Lumingon siya sa akin.

" Ikaw na ang bahala sa bahay, Nass. Baka mamayang gabing gabi pa ako umuwi." skin