Chapter (6.5) - ရွှယ်ရန်ဆီက သင်ကြားခံရသည့် ပညာများ
စုံတွဲများအတွက် couple set စားရန်အတွက် ယွမ်ငွေ ထောင်ပေါင်းများစွာကို ရည်ရွယ်ချက်ရှိရှိ အသုံးပြုခဲ့ပေမယ့် ထို ယောင်္ကျားနှစ် ဦး ကြားမှ ဆက်ဆံရေးသည် အလွန် ရှင်းလင်းလှသည်။ စားပွဲထိုးက ထူးဆန်းတဲ့အမူယာ ပြသခခြင်းမရှိပဲ ဆက်မေးလိုက်သည်။
" သောက်စရာ ဘာယူဦးမလဲ ဆရာ... "
"Alsace Pinot Noir ဝိုင် တစ်ခွက်နဲ့ နွားနို့ပူပူလေး တစ်ခွက် ပေးပါ။ "
"ဟုတ်ကဲ့...ခဏစောင့်ပေးပါ ခင်ဗျာ ။ "
စားပွဲထိုးက မီနူးများကိုယူကာထွက် သွားခဲ့သည်။
ရွယ်ဇီရွမ် ကဆယ်ကျော်သက် ကောင်လေး ကိုပြုံးပြသည်။ ကျိုးယွင်ရှန့်က ပြန်ပြုံးပြလိုက်ပေမယ့် ရင်ထဲမှာ အောင့်သီးအောင့်သက် ဖြစ်နေခဲ့သည်။ ဘာအတွက် couple set မှာလိုက်ရတာလဲ။ ငါ ပြင်သစ်လို နားမလည်ဘူးဆိုတာကို အခွင့်ကောင်းယူနေတာလား။
အဲဒီအချိန်မှာပဲ တန်ဖိုးကြီး အဝတ်အစားများ ဝတ်ထားတဲ့ စုံတွဲတစ်တွဲက စားသောက်ပြီး ထွက်လာစဉ် ရွှယ်ဇီရွမ်ကို တွေ့လိုက်သဖြင့် သူတို့စားပွဲနားရောက်တော့ ရပ်ကာ တမင်သက်သက် နူတ်ဆက်လိုက်သည်။
"ဇီရွမ် မင်းနေမကောင်းဘူးလို့ ကြားတယ်။ အခုနေကောင်းသွားပြီလား"
"ကျွန်တော် နေကောင်းသွားပါပြီ။ စိုးရိမ်ပူပန်မှုအတွက်ကျေးဇူး တင်ပါတယ်။ "
ရွှယ်ဇီရွမ်က ယဉ်ယဉ်ကျေးကျေးခေါင်းညိတ်ကာ ပြန်နူတ်ဆက်လိုက်သည်။
"ဒါ ... ?"
ထိုသူက တုန့်ဆိုင်းစွာဖြင့် ကျိုးယွင်ရှန့်ကို စိုက်ကြည့်ကာ မေးလိုက်သည်။ သူနှင့် ပါလာသည့် အမျိုးသမီးက စေ့စေ့ကြည့်ကာ အလန့်တကြားနှင့် ပြောလိုက်သည်။
" ဒါက ဘယ်သူလေးလဲ ဇီရွမ်....သူက ကျင်းရီ နဲ့တူတယ်!"
အတူထိုင်နေသည့် လူနှစ်ယောက်က တစ်စုံတစ်ရာ တော်စပ်မှုမရှိဘူးဆိုတာကို သူမ မယုံကြည်ပါ။ ဒီ ရုပ်ချောသည့်ကောင်လေးက ရွှယ်အိမ်တော်က အကြီးကဲ ရွှယ်လွေ့ရဲ့ တရားမဝင်သားများလား။ ဒါမှမဟုတ် ရွှယ်ဇီရွမ်ရဲ့ ချစ်သူလေးလား၊ တရားမဝင်သားတော့ မဖြစ်နိုင်ပါဘူး။ တရားမဝင်သားဆိုရင် ဘယ်လိုလုပ် တရားဝင်သား ရွှယ်ဇီရွမ်နှင့် အတူတူ ထိုင်နေနိုင်မှာလဲ။ ရွှယ်ဇီရွမ်က ယဉ်ကျေးသည့် ကိုယ်အမူယာရှိပေမယ့် လူများကို တရင်းတနှီးဖြင့် နေခဲ့သည်။ အခုလို လူတစ်ယောက်ကို နူးညံ့ကြင်နာစွာ ကြည့်ကာ ဆက်ဆံတာမျိုး တစ်ခါမှ မတွေ့ဖူးခဲ့ပေ။
"ဒါက ကျင်းရီနဲ့အမွှာအကို ဟွမ်ရီပါ။ ပြီးတော့ ရွှယ်ကျင်းရီက ငါ နဲ့ ဘာမှ မတော်စပ်ပါဘူး။ ရွှယ်ကျင်းရီက ရွှယ်အိမ်က မွေးစားထားတဲ့ ကလေး တစ်ယောက်ပါ "
ရွှယ်ဇီယွမ်က အမှန်အတိုင်း ပေါ့ပေါ့ပါးပါး ပြောလိုက်သည်။
ဒီလူနှစ်ယောက်က သူ့စကားကိုကြားတော့ တုန်လှုပ်သွားပြီး အဖြစ်မှန်ကို ချက်ချင်းသိသွားတော့သည်။ လူတိုင်း အာရုံစိုက်နေသည့် မင်းသမီးလေးလို မိန်းကလေးက ရွှယ်အိမ်တော်ရဲ့ သွေးသားအရင်းမဟုတ်ကြောင်းသဘောပေါက်သွားခဲ့သည်။
"ရှောင်ရီ အကိုဖိန်းနဲ့ မရီးကို နူတ်ဆက်လိုက်ပါဦး။ သူတို့က ကိုယ့်ရဲ့ မိတ်ဆွေတွေပါ။ "
ရွှယ်ဇီရွမ် မှာသူငယ်ချင်းမရှိခဲ့ပေမယ့် နောင်မှာတော့ မိတ်ဆွေများများ ဖွဲ့ချင်သည်။
"အစ်ကိုဖိန်းနဲ့မစ္စစ်ဖိန်တို့ကို နူတ်ဆက်ပါတယ်၊ အကိုတို့နဲ့ တွေ့ခွင့်ရတဲ့အတွက် အရမ်း ၀ မ်းသာမိပါတယ်"
ကျိုးယွင်ရှန့်က သူတို့ စုံတွဲကို လိမ္မာပါးနပ်စွာဖြင့် ချစ်စရာကောင်းသော ကလေးငယ်တစ် ဦး ကဲ့သို့နှုတ်ခွန်းဆက်လိုက် သည်။ သို့သော် သူ့ရင်ထဲမှာ ရှုပ်ထွေးလို့နေသည်။ ရွှယ်ဇီရွမ်ရဲ့ လုပ်ရပ်ကို သူနားမလည်တော့ပေ။ ကြည့်ရတာ ဒီစုံတွဲက ရွှယ်မိသားစုနှင့် ရင်းနှီးသူများဖြစ်ပုံရသည်။ သူ့ဖြစ်တည်မှုကို ဒီ အပြင်လူတွေကို အတိအလင်း ဘာကြောင့်ထုတ်ပြောနေတာလဲ။ သူ ရှိတာကို လူတွေသိသွားရင် ကျင်းရီအတွက် သူ့နှလုံးကို ထုတ်ယူဖို့ ပိုမခက်သွားဘူးလား။
ရွှယ်ဇီရွမ် ဘာလုပ်ချင်တာလဲ။ ကျိုးယွငရှန့် ဒီမေးခွန်းကို အကြိမ်ဘယ်လောက်တောင် စဉ်းစားနေမိသည်ကို မမှတ်မိတော့ပေ။
ထိုလူငယ်စုံတွဲက ရွှယ်ဇီရွမ်၏ စကားများကြောင့်အလွန်ဝမ်းသာသွား ခဲ့သည်။ မိတ်ဆွေတွေတဲ့လား။ ဒီမြို့တော်ရဲ့အထက်တန်းလွှာမှာ ဘယ်သူက ကိုယ့်ကိုယ်ကို ရွှယ်သခင်လေး ရဲ့ မိတ်ဆွေ သူငယ်ချင်းလို့ ပြောဝံ့ကြလို့လဲ။ ဒီ သခင်လေးက ထိုက်ရှန်းတောင်တန်းပေါ်က ဆီးနှင်းတွေလို လူအားလုံး အထင်တကြီး မော့ကြည့်နေရပြီး ထိတွေ့ဆက်ဆံဖို့ အလှမ်းမမှီသောသူဖြစ်သည်။ အခုတော့ သူတို့ကို သူငယ်ချင်း၊ မိတ်ဆွေဟု အသိမှတ်ပြုလိုက်သောကြောင့် အရမ်းကို ဝမ်သားနေကြသည်။
သူတို့နှစ်ယောက်က ချက်ချင်း စိတ်အားထက်သန်လာပြီး ခဏ စကားပြောပြီး နောက်ရက်အနည်းငယ်မှာ ကျင်းပမည့် သူတို့ပွဲသို့ ဖိတ်ခေါ်ခဲ့သည်။ အပြုသဘောဆောင်သည့် တုန့်ပြန်မှုရရှိပြီးနောက် သူတို့သည်ကျေနပ်ရောင့်ရဲစွာဖြင့် နူတ်ဆက်ကာ ထွက်သွားကြသည်။
ရွှယ်ဇီရွမ်က ထွက်ခွာသွားသည့် စုံတွဲ၏ နောက်ကျောကို စိုက်ကြည့်ပြီး သူ့ရင်ထဲ ပူပန်မှုတို့ ပေါ်လာခဲ့သည်။ အခု လက်ရှိအချိန် ရွှယ်မိသားစုက ပျက်စီးခြင်းမရှိသေးပါ။ ရွှယ်မိသားစု၏ လုပ်ငန်းများက ငွေကြေးလိုအပ်ချက် ရှိနေပေမယ့် လူအားလုံးအမြင်တွင် မပြိုကွဲနိုင်သော စည်းစိမ်ကို ပိုင်ဆိုင်နေသေးသည်။ ဒါပေမယ့် ဒီစည်းစိမ်တွေအားလုံးက သူနှင့် မသက်ဆိုင်ပါ။ အခု ဒီလူတွေ သူ့ကို တလေးတစား လာနုတ်ဆက်တယ်ဆိုတာက ရွှယ်လွေ့ရဲ့ မျက်နှာကြောင့်ဖြစ်သည်။
သူက ကမ္ဘာအနှံ့ကျော်ကြားသူဖြစ်သော်လည်း စန္ဒယားပညာရှင်တစ် ဦး ၏တည်ရှိမှုက လူအများအမြင်တွင် ပုရွက်ဆိတ်ကဲ့သို့သေးငယ်လှသည်။ ဒါကြောင့် ချစ်ဖို့ကောင်းတဲ့ ဆယ်ကျော်သက်ကလေးကို ကာကွယ်ဖို့ ခွန်အားနဲ့စည်းစိမ်ဥစ္စာလိုအပ်နေခဲ့သည်။
စန္ဒရားကို သူ့တစ်ဘဝလုံးမှာ ချစ်မြတ်နိုးခဲ့ဖူးသော ရွှယ်ဇီရွမ် အတွက် ဒီအချက်က ခက်ခဲလိမ့်မည်၊ သို့သော်ယခု ရွှယ်ဇီရွမ်အတွက်တော့ အလွန်ရိုးရှင်းပါသည်။ အရင်ဘဝမှာ ဆယ်ကျော်သက်ကောင်လေးရဲ့ ခွင့်လွှတ်မှုကို ရဖို့ စောင့်ဆိုင်းနေချိန်မှာ သူက အဝေးကိုလည်း မသွားရဲခဲ့သလို သေလည်း မသေဝံ့သောကြောင့် ရွှယ်ရန်၏ နှိပ်စက်မှုကို ထပ်တလဲလဲ ခံခဲ့ရသည်။ ရွှယ်ရန်နှင့် ယှဉ်ပြိုင်တိုက်ခိုက်ရာတွင် သူက ရွှယ်ရန်က ဘယ်လို လိမ်လည်သလဲ။ ဘယ်လို လာဘ်ထိုးပြီး ပူးပေါင်းကြံစည်သလဲ။ ဘယ်လိုနည်းနဲ့ ကျော်ကြားသည့် လူများကို ပေါင်းသင်းကာ လုပ်ဆောင်သလဲဆိုတာကို လေ့လာသိရှိခဲ့သည်။
ရွှယ်ရန်သည် ကျန်ရှိနေသေးသော ရွှယ်မိသားစု၏ ပိုင်ဆိုင်မှုများကို နိုင်ငံခြားသို့ တိတ်တဆိတ် လွှဲပြောင်းပေးခဲ့သည်။ တရုတ်ပြည်မကြီးထဲ တိတ်တဆိတ် ခြေကုတ်ယူကာ အခြေခိုင်အောင် လုပ်ခဲ့ပြီးမှ ရန်သူများကို တိုက်ခိုက်ခဲ့သည်။ ရွှယ်ရန်က ဆယ်ကျော်သက်ကောင်လေးရဲ့ အသက်ကို ကယ်တင်ဖို့လုပ်ရာတွင် သတိလက်လွှတ်လုပ်လိုက်တာ တခုမှ မရှိပေ။ သူက တဆင့်ချင်းကို သေချာ ထောက်လှမ်းကာ ပိုင်နိုင်မှ လုပ်ခဲ့သည်။ ဒါကြောင့် ဆယ်ကျော်သက်ကောင်လေး ဟွမ်ရီကို ပိုင်နိုင်စွာ ကာကွယ်ကယ်တင်ပေးနိုင်ခဲ့သလို ဟွမ်ရီရဲ့ အချစ်ကိုလည်း ရရှိခဲ့သည်။
အခုဘဝမှာတော့ ရွှယ်ဇီရွမ်က ရွှယ်ရန်လုပ်ခဲ့သည့် အညှာတာကင်းပြီး တုန့်ဆိုင်းခြင်းမရှိသည့် နည်းဖြင့် သူချစ်သည့် လူငယ်လေးကို ကာကွယ်ပေးရမည်။ ဒီလို နည်းကို သင်ပေးခဲ့သည့် ရွှယ်ရန်ကို သူ ကျေးဇူးတင်မိသည်။
သူစဉ်းစားလို့ ပြီးဆုံးချိန်မှာ စားပွဲထိုးက ပန်းကန်များကို သယ်ဆောင်လာ ကာ သူတို့ရှေ့မှာ ခင်းကျင်းပေးခဲ့သည် ။ ရွှယ်ဇီရွမ်သည် သူ၏ အတွေး များကို ချက်ချင်းရုပ်သိမ်းလိုက်ပြီး ဆယ်ကျော်သက်လေး အတွက် လက်သုတ်ပဝါတစ်ခု ခင်းပြီး စားသောက်ရန် စီစဉ်ပေးခဲ့သည်။
"အစ်ကို ကျွန်တော် ဘယ်လိုလုပ်ရမလဲ။ ဓားနဲ့ခက်ရင်းကို ဘယ်လိုသုံးရမလဲမသိဘူး။ "
ကျိုးယွင်ရှန့် သည် ထိုမေးခွန်းကို မျက်နှာနီနီနှင့်မေးခဲ့သည်။
ရွှယ်ဇီရွမ်က ဟွမ်ရီ၏ နားရွက်နားကို ကိုင်းညွတ်ကာ နူးညံ့စွာဖြင့် တီးတိုးပြောလိုက်သည်။
" မင်း စားချင်တာကို စားလို့ရပါတယ်။ တကယ်လို့ ကိုယ့်ကို ခွံကျွေးစေချင်ရင် ရပါတယ်။ မင်းရဲ့လက်က ပတ်တီးစည်းထားတယ်ဆိုတော့ ကိုင်ပြီး လှီးဖြတ်ရတာ နည်းနည်းနာပြီး လုပ်ရ ခက်နေမှာပဲလေ။ မဟုတ်ဘူးလား။ "
ထို့နောက်သူသည် အာလူးနှင့် အသား ရောချက်ထားသည့် ဟင်းတစ်ဇွန်း ကို ခပ်ကာ ဟွမ်ရီ၏ နူတ်ခမ်းနားကို တိုးကပ်ပေးကာ စိုက်ကြည့် လိုက်သည်။
ထိုလူငယ်၏လှုပ်ရှားမှုတိုင်းက အရမ်းဂရုတစိုက်ရှိပြီး နက်ရှိုင်းသော မျက်လုံးများက အချစ်မြတ်နိုးရဆုံးသူကိုကြည့်နေသကဲ့သို့နူးညံ့ကြင်နာမှုဖြင့် ပြည့်နေသည်။ ထိုသို့ ချစ်စိတ်ပြင်းပြသည့် မျက်ဝန်းဖြင့် အကြည့်ခံနေရသောကြောင့် ကျိုးယွင်ရှန့်၏ မျက်နှာက အနီရောင်သမ်းလာပြီး ရွှယ်ဇီရွမ်ကို မကြည့်ရဲပဲ ခေါင်းငုံ့သွားခဲ့သည်။
" ပါးစပ်ဟလေ.... "
ရွှယ်ဇီရွမ်က ပြုံးကာ ပြောလိုက်သည်။
ပတ်ဝန်းကျင်က လူတွေက ထူးထူးဆန်းဆန်း ဝိုင်းကြည့်နေသောကြောင့် ကျိူးယွင်ရှန့်က ပါးစပ်ဟကာ ဟင်းကို အသာလေး စားလိုက်သည်။ ပြီးတော့ သူ တီးတိုးပြောလိုက်သည်။
" အကိုကြီး လည်း စားပါ။ အကိုကြီး လုပ်ကိုင်တာကို ကြည့်ပြီး ကျွန်တော် လိုက်လုပ်ပါ့မယ်။ ကျွန်တော့်လက်က လှုပ်ရှားလို့ရပါတယ်။ နည်းနည်းမှ မနာပါဘူး။ ကြည့်ပါဦး.. "
ကျိုးယွင်ရှန့်က သူ့လက်ကို မြှောက်ကာ လှုပ်ပြပြီး ပြောလိုက်သည်။
==========================
Chapter (6.6) - မင်းကို နမ်းခွင့်ရဖို့ ရင်ကွဲလုမတတ် စောင့်ခဲ့ရတယ် ရှောင်ရီလေး...
အစောပိုင်းက ကျိုးယွင်ရှန့် သည် ထိုက်ရှန်းတောင်ထိပ်မှ ရှားပါးသော ကြာပန်းကဲ့သို့သော ရွှယ်ဇီရွမ်ကို ရှက်သွားပြီး အဆင်မပြေဖြစ်စေရန် ရည်ရွယ်ပြီး ဒီလိုပြောလိုက်ပေမယ့်တဖက်က ဒီလိုလုပ်တာ လုံးဝ ရှက်စရာဟု မထင်သောကြောင့် နောက်ဆုံး လိမ်မာစွာ ပါးစပ်ကို ဟကာ သူခွံ့ကျွေးသမျှ စားလိုက်တော့သည်။ သူက သူ့အတွက် တဇွန်းစားလိုက် ကျိုးယွင်ရှန့်ကို တဇွန်းကျွေးလိုက်နှင့် အဆင်ပြေပြေ ချောမွေ့စွာ လုပ်နေသည်။
"system , ဒီလူရဲ့ ကိုယ်ထဲကို အခြား ဝိညာဉ်က ဝင်ရောက်မနေဘူးလား? သေချာ စစ်ဆေးပေးပါဦး။ ဒီဝိဉာဉ်က ကိုက်ညီမှုရှ မရှိ စကင်ဖတ်ပေးပါဦး။ "
သူ့စိတ်ထဲကနေ system ကို အမိန့်ပေးခဲ့သည်။
system သည်ပုံမှန်မဟုတ်သော အချက်အလက်များကို ရှာဖွေတွေ့ရှိသောကြောင့် စွမ်းအင်အနည်းငယ်ဖြုန်းတီးပြီး ရွှယ်ဇီရွမ်ကိုအကြိမ်ပေါင်းများစွာ စကင်ဖတ်စစ်ဆေးခဲ့ပြီး စက်ရုပ်သံဖြင့်ပြန်လည်ဖြေကြားခဲ့သည်။
" Host ဒီဝိဉာဉ်က လုံးဝကိုက်ညီမှုရှိပါတယ်"
ကျိုးယွင်ရှန့်က ရွှယ်ဇီရွမ်ကို အတုခိုးပြီး အသားပြားကို အသာဖြတ်ကာ ပါးစပ်ထဲ ထည့်ဝါးရင်း သူ့ရှေ့က လူငယ်ရဲ့ခေါင်းထဲမှာ ဘာများစဉ်းစားနေသလဲဆိုတာ သိချင်လာသည်။ ဖြစ်နိုင်ရင် ဒီလူရဲ့ ခေါင်းကို ဖွင့်ပြီး အထဲက အတွေးကို ကြည့်လိုက်ချင်သည်။ မက်မုံပွင့် မျက်ဝန်းလေးများက ရွှယ်ဇီရွမ်ကို စူးစိုက်ကြည့်ရင်း တွေးနေတော့သည်။
" ဘာလဲ?"
ရွှယ်ဇီရွမ်၏ခန္ဓာကိုယ်သည်လူငယ်၏အကြည့်မှတဆင့် အာရုံစိုက်ခြင်းခံရသည်ကို သိလိုက်ရတော့ ။ သူ၏ လည်ပင်းနှင့် လက်များပေါ်တွင်ကြက်သီးမွေးညှင်းထ လာတော့သည်။ ဒါက မနှစ်မြို့ဖွယ်၊ စက်ဆုပ်ရွံရှာဖွယ်မဟုတ်ဘဲ စိတ်လှုပ်ရှားမှုများလွန်းလို့ ဇီဝကမ္မဆိုင်ရာတုံ့ပြန်မှုတစ်ခုသာ ဖြစ်သည်။
ဤသို့ အာရုံစူးစိုက်ပြီး စင်ကြယ်သော အကြည့်များကို ရချင်သည်မှာ သူ့တစ်သက်လုံးတောင့်တခဲ့သောအရာတစ်ခုဖြစ်သည်။
" အစ်ကိုကြီး အစာစားတဲ့အခါ တော်တော်ကြည့်ကောင်းတယ်။ "
ကျိုးယွင်ရှန့်က ထိုလူငယ်လေးကို ဖားလိုက်သည်။ ဒါပေမယ့် ဒီအတွေးကလည်း သူ့စိတ်ထဲမှာ မှန်သည်ဟု တွေးလိုက်သည်။ ရွှယ်ဇီရွမ် သည် အထက်တန်းလွှာမိသားစုမှ ကောင်းစွာ ပျိုးထောင်ခံပြီး ကြီးလာသူပီပီ သူ့ရဲ့ သွားလာ၊ လှုပ်ရှားမှု၊ စားသောက်နေထိုင်ခြင်း အားလုံးက သဘာဝကျကျပင် ကျက်သရေရှိကာ ကြည့်ကောင်းလှသည်။ ဒီလို ချောမောကာ အပြုအမှုကောင်းသည့် လူငယ်လေးက မိန်းကလေးတိုင်း ရင်ထဲကစိတ်ကူးယဉ်နေသည့် မင်းသားလေး တစ်ပါး ပင်ဖြစ်တာ မထူးဆန်းတော့ပေ။
အထက်တန်းလွှာ လူတန်းစားများနှင့် ပြည့်နှက်နေသော ဒီစားသောက်ဆိုင်တွင် ရုပ်ရည်အားဖြင့် အမူယာအားဖြင့် ရွှယ်ဇီရွမ် ကို ယှဉ်နိုင်သူ မရှိလို့ပြောတာ ချဲ့ကားပြောတာ လုံးဝမ ဟုတ်ပေ။
ရွှယ်ဇီရွမ်သည်လူများကဲ့ရဲ့ခြင်း၊ ချီးမွမ်းခြင်းခြင်းကို ဘယ်တုန်းကမှ ဂရုမစိုက်ပေ။ အခု သူ က ဟွမ်ရီ၏ စကားကြောင့် အရမ်းကို ပျော်သွားပြီး ဟွန်ရီ၏ ကုလားထိုင်နောက်မှီကို လက်ဖြင့်လှမ်းတင်ကာ ကိုယ်ကို ကိုင်းညွတ်ပြီး ပန်းရောင်သန်းနေသည့် ပါးပြင်နုနုလေးကို ဖြတ်ခနဲ အနမ်းပေးလိုက်သည်။ ထိုသို့ နမ်းလိုက်တာ ရေပေါ် ပုစဉ်းလေး နားလိုက်သလို ဖြတ်ခနဲဖြစ်ပေမယ့် သူ့နူတ်ခမ်းနှင့် ထိတွေ့လိုက်ရစဉ် တခဏ ကျိုးယွင်ရှန့်ရဲ့ ပါးပြင်က ပူသွားခဲ့သည်။ ကျိုးယွင်ရှန့်ရဲ့ အရေးပြားက အရမ်းကို ပါးလွှာပြီး ထိုသို့ဖြစ်သွားသည်နှင့် မျက်နှာတစ်ခုလုံး ရဲသွားတော့သည်။
ကျိုးယွင်ရှန့်က အရည်လဲနေသည့် မက်မွန်ပွင့်လို မျက်လုံးတွေကို ပုတ်ခတ် ပုတ်ခတ်လုပ်လိုက်ပြီး တီးတိုးမေးလိုက်သည်။
"အကိုကြီး .... ဘာလုပ်နေတာလဲ။ ကျွန်တော့်ကိုဘာလို့နမ်းခဲ့တာလဲ"
ရွှယ်ဇီရွမ်က သူ့ကိုကြည့်ရင်းပြုံးလိုက်သည်။
"မင်း လူတစ်ယောက်ကို အရမ်း နှစ်သက်မိတဲ့အခါ သူ့ကိုတွေ့တာနဲ့ အလိုလို နမ်းချင်လာလိမ့်မယ်"
ဘုရားရေ.... ဒါက နောက်ထပ်ဝန်ခံစကားပြောတာလား။ မင်းက ဝန်ခံစကား ဆိုတဲ့ နတ်ဆိုးလား။ ကျိုးယွင်ရှန့်က သူ့မျက်နှာကို ဝိုင်ခွက်ထဲက ဝိုင်တွေနဲ့ ပက်ပစ်လိုက်ချင်ပေမယ့် OOC (out of character) ဇာတ်ကောင်စရိုက်မှ သွေဖီပြီး အပြစ်ပေးခံရမည်ကို ရှောင်ဖို့ ကိုယ့်ကိုယ်ကိုယ် မနည်းကို ထိန်းချုပ်လိုက်ရသည်။ ဟွမ်ရီလို အချစ်မခံရသည့် လူရာသွင်းမခံရသည့် ကြောက်လန့်သော လူငယ်လေး သာဆိုရင် သူက ဒေါသထွက်တာထက် ရှက်သွားမှာ သေချာသည်။
ကျိုးယွင်ရှန့်သည်ဓားနှင့်ခက်ရင်း ကိုချကာ လက်နှစ်ဖက်စလုံးကို သူ၏ပါးပြင်ကိုဖုံးအုပ်လိုက်သည်။ မျက်လုံးများသာချန်ထားခဲ့သည်။ ဒီလို စိတ်ရင်းမှန်နဲ့အကူအညီမဲ့သည့် ပုံစံလေးက သနားစုံမက်စရာ ချစ်စရာ ပုံစံလေး ဖြစ်နေတော့သည်။
ရွှယ်ဇီရွမ်က သူ ဒီဆယ်ကျော်သက်ကောင်လေးနှင့် အတူရှိနေစဉ် မိနစ်တိုင်းနှင့်စက္ကန့်တိုင်းသည် အလွန်အမင်းပျော်ရွှင်မှုရနေသလို အသက်ရှူတိုင်းလည်း မွှေးကြိုင်သောအနံ့တစ်ခု ရနေသည်။ ဒါက ဆိုလျှင် အရင်ဘဝ၏မျှော်လင့်ချက်ကင်းမဲ့မှုနှင့်နှိုင်းယှဉ်လျှင် လုံးဝ နတ်ပြည်ကို ရောက်နေသလိုကို ခံစားနေရသည်။ ဒါကြောင့် သူက ဒီ ချစ်ရသူလေး နားမှာ နေထိုင်ခွင့်ရမည့် အချက်ကို သေတောင် လွှတ်မပေးနိုင်ပဲ ဆုပ်ကိုင်ထားမှာ သေချာသည်။
"အခုခေတ်မှာ နမ်းတယ်ဆိုတာ အနောက်တိုင်းသားတွေအတွက် ချစ်ခင်မှုကိုပြသတာပဲ"
ရွှယ်ဇီရွမ်က လူငယ်လေး၏အနီရောင် နားရွက်ဖျားလေးကို အသာလေး ဖျစ်ညစ်ကာ ပြောပြလိုက်ပြီး သူတို့ ညာဘက်က ဝိုင်းကို ကြည့်ဖို့ တီးတိုးပြောလိုက်သည်။ ထိုဝိုင်းတွင် နိုင်ငံခြားသား ချစ်သူ စုံတွဲတစ်တွဲ ထိုင်ကာ စားသောက်နေပြီး စကားပြောနေကြသည်။ မိန်းမက ဘာပြောသလဲမသိဘူးပေမယ့် ယောက်ျားဖြစ်သူက အပြုံးနဲ့သူမ၏ပါးကိုနမ်းလိုက်သည်။
နောက်ထပ် သံသယဖြစ်စရာလာပြန်ပြီ။ ယောကျာ်းနဲ့မိန်းမ နမ်းတာက ချစ်သူသဘာဝ ပုံမှန်ပဲဖြစ်သည်။ ဒါပေမယ့် ယောကျာ်းလေး တစ်ယောက်က အခြားယောကျာ်းလေးကို နမ်းတာကို ဘယ်လို ပြောရမလဲ။ ပြီးတော့ စုံတွဲတွေ အတွက် စားစရာ အဆက်လိုက်ကိုမှာ တဲ့အပြင် Tiramisu cake ကို အသည်းပုံ ဖော်ခိုင်းတာကရော ဘာသဘောပဲ။ ငါ့ကို အရူးလုပ်ချင်နေတာလား။ ကျိုးယွင်ရှန့်က နောက်ထပ် သည်းခံနိုင်စွမ်း ကုန်သွားလေပြီ။ သူ့ရင်ထဲက ဒေါသတွေ ထွက်လာပြီး ဒီ ရွှယ်မိသားစုက ဘယ်လိုဖြစ်ဖြစ် သူ့ကို တောသားငတုံးလို သဘောထားတာပါပဲ။ သူ့ကို လုပ်ချင်သလို လုပ်ပြီး လှည့်စားနေကြသည်။
ကျိုးယွင်ရှန့်က ရွှယ်ဇီရွမ်ကို အနည်းငယ်ကြာအောင် စိုက်ကြည့်လိုက်ပြီး သူ၏မျက်နှာကိုဖုံးအုပ်ထားသည့်လက်များကိုဖြည်းဖြည်းချင်းချလိုက်သည်။ သူက တိုးတိုးလေးပြောသည်။
"ဒီလို သဘောလား... "
ထို့နောက် ကျိုးယွင်ရှန့်သည် ဓားနှင့်ခက်ရင်း ကိုပြန်ကောက်ယူလိုက် သည်။
"ကိုယ်က မင်းကို နမ်းတယ်ဆိုတာ မင်းကို သဘောကျလို့လေ။ မင်းကရော။ အကိုကြီးကို သဘောမကျဘူးလား။ "
ရွှယ်ဇီရွမ်သည် သူ၏စကားများကို စိတ်ရှည်ရှည်နှင့်စနစ်တကျ လမ်းကြောင်း ဖော်နေသည်။ သူ့ကို ပြန်နမ်းဖို့ အရိပ်အမြွက်ပြဖို့ ဇွဲကောင်းစွာ ပြောနေသည်။
Fuck.... ခင်ဗျားမပြီးနိုင်သေးဘူးလားဗျ။ ခင်ဗျားက လိင်တူချစ်သူလား။ အရွယ်မရောက်သေးတဲ့ ကောင်လေးကို ဆွဲဆောင်ဖြားယောင်းချင် နေတာလား ။
တကယ်တော့ လိင်တူချစ်သူဖြစ်သည့် ကျိုးယွင်ရှန့်က အင်မတန်ကို ချောမောသည့်နတ်ဘုရားလို လူ၏ ဆွဲဆောင်မှုကို မနည်းတောင့်ခံနေရပြီး ငွေ့ရည်ဖွဲ့သည့် မျက်ဝန်းများဖြင့် သနားစဖွယ် မော့ကြည့်လိုက်ကာ နှုတ်ဆိတ်စွာတောင်းပန်သည်။
ကျိုးယွင်ရှန့်၏အကြည့်ကြောင့် ရွှယ်ဇီရွမ်က တောင့်မခံနိုင်တော့ပဲ ကျိုးယွင်ရှန့် ၏ ခေါင်းလေးကို လက်နှင့်အ သာထိန်းကိုင်ကာ တီးတိုးထပ်မေးလိုက်သည်။
"ရှောင်ရီ... ညီလေး အကိုကြီးကို သဘောကျရဲ့လားကွယ်။ ?"
ထိုမေးခွန်း၏အောက်၌ ပုန်းကွယ်နေသောမရေမတွက်နိုင်သော မျှော်လင့်ချက်များ ရှိသည်။
ကျိုးယွင်ရှန့် သည်ချစ်ခြင်းမေတ္တာငတ်မွတ်နေသည့် မိဘမဲ့ မွေးစား ကလေးတစ်ယောက်အနေဖြင့် သူ့ကို ခုလို ဂရုစိုက်ပေးသည့် အကိုကြီးကို မကြိုက်ပါဘူး ဘယ်လိုပြောနိုင်ပါ့မလဲ။ သူက ရင်ထဲက ခံစားချက်ကို ခက်ခက်ခဲခဲမြိုသိပ်ကာ ခေါင်းညိတ်လိုက်ပြီး အမှတ်တမဲ့ နူတ်ခမ်းကို လျှာနှင့် လျက်လိုက်မိသည်။
ရွှယ်ဇီရွမ်၏ မျက်လုံးတွေ နက်မှောင်လာပြီး ဟွမ်ရီ၏ ခေါင်းကို ရှေ့သို့ တိုးလိုက်ပြီး နီမြန်းသော နူတ်ခမ်းလေးကို နမ်းလိုက်ချင်စိတ်ကို မနည်းအောင့်အီးကာ လွှတ်ပေးလိုက်ရသည်။
ချစ်ရတဲ့ လူငယ်လေးကို နမ်းခွင့်ရဖို့ သူ ဘယ်လောက်တောင် စောင့်နေတယ်ဆိုတာ မိုးကောင်းကင်ကြီးအသိဆုံးပါ။ ဒီလို တောင့်တမှုကြောင့် သူ့နှလုံးတွေကို ကွဲကြေလုနီးပါးဖြစ်ခဲ့ရသည်။
" မင်းကို နမ်းခွင့်ရဖို့ ရင်ကွဲလုမတတ် စောင့်ခဲ့ရတယ် ရှောင်ရီလေး..."
ရွှယ်ဇီရွမ် ရင်ထဲကနေ တီးတိုးပြောလိုက်မိတော့သည်။
==========================
