Chapter 8

766K 38.7K 47.4K
                                    

For some unknown reasons, two weeks had passed and we hadn't had the chance to talk. Mas naging madalas ang pagsasama nila ni Mitzie dahil sa papalapit na laban. He never texted me, just like in the old days. Miski sa messenger ay wala siyang chat.

Napakababaw ng pinag-awayan namin pero sa tagal ng hindi namin pag-uusap ay parang malaki ang problema. Hindi kami nagpapansinan sa school. I tried talking to him after two days of ignoring each other, but his voice is so dismissive and cold.

I didn't want this to go on any longer, so I went to the South Supermarket with Nanay to get some ingredients. Igagawa ko si Duke ng cheesecake na matagal niya nang nire-request. Sigurado naman akong kapag dinala ko ito sa kanya mamaya sa bahay nila ay magbabati rin kami.

His words linger, but I guess he was just tired. Maybe he didn't really mean it.

Mahirap kasing tanggapin ang naging pagtatalo namin pero sa totoo lang ay mas masakit para sa akin ang hindi siya maka-usap. Siguro ay wala lang sa kanya dahil hindi naman kami pareho ng nararamdaman, ngunit sa akin ay iba ang epekto ng hindi naming pagpapansinan.

Kahapon ay buong araw kong pinag-aralan kung paano gumawa ng cheesecake. Ilang beses ko naman na siyang pinag-bake no'n pero gusto kong mag-improve pa ako. Dahil kakukuha ko lang din naman ng stipend ko, medyo may pera pa ako para rito. Mabuti na rin at hindi mataas ang standards ng scholarship ko kay Gov. Basta ay walang sinco, qualified pa rin ako. Medyo mataas kasi ang qualifying exam ko noon.

At syempre, birthday ni Nanay ngayon kaya kasama ko siya. We'll have the whole day together. Uunahin lang namin ang groceries tapos ibababa namin sa bahay para makagora na. Alas otso pa lang ay nasa supermarket na kami at namimili.

"Mas mabango ang surf na yellow, Nay."

Kumuha siya ng isang dosena non at inilagay sa cart. "Sabi kasi ni Ivy ay mas mabango ang pink kaya medyo naguluhan ako." Mahina siyang tumawa. "Pero tama ka, mas mabango talaga ang yellow."

Nginitian ko lang siya at itinulak na ang cart. "Ano pa ang gusto mo? Kunin mo na habang mabait pa akong anak."

"Gusto ko sana ng matinong gobyerno, Solene. Afford mo ba?"

"Grabe, Nay. Same."

Nagpatuloy ako sa paglalakad habang tinutulak ang cart. Naglagay lang ng condiments si Nanay at ibang delata. Nagsimula na rin akong maglagay ng mga kakailanganin ko para sa cheesecake ni Duke. Maliit lang naman ang gagawin ko kaya mura lang ito.

"Wala ka pa bang boyfriend, anak? Magbebente ka na, wala ka pa rin ipinapakilala sa akin kahit manliligaw."

Sinimangutan ko siya. "Ikaw nga fifty-five na pero wala ring boyfriend. Nagreklamo ba ako?"

Pabiro niyang kinurot ang bewang ko. "Kaya siguro hindi ka nililigawan ni Duke. Napakamaldita mo!"

"Kung hindi niya ako kayang tanggapin nang ganito, pasensiyahan, Nay."

"Oh, bakit? Anong gagawin mo?"

I shrugged. "Edi magbabago."

Tawa lang siya nang tawa hanggang sa matapos kaming mamili. Hanggang sa nakauwi kami ay patuloy pa rin ang pang-aasar niya sa akin na pinapatulan ko naman. Habang nakikita ko ang tuwa sa mukha ni Nanay ay napapangiti rin ako. I was really grateful for having a mom like her. Hindi kami mayaman at hindi kumpleto ang pamilya namin but we managed to enjoy and live.

Dahil magsisimba kami, pinalitan ko ang suot kong shorts at tshirt. Nagsuot ako ng itim na bestida na umabot hanggang sa tuhod ko. Itinaas ko rin ang buhok ko para makita ang aliwalas ng mukha ko. Tama talaga sila, mukha talaga akong masungit.

Chasing the Sun (College Series #1)Tahanan ng mga kuwento. Tumuklas ngayon