[UNICODE]
တိပြန်း တစ်ယောက် ဒီပုံစံကို မမြင်ခဲ့ပါ။ တိချိုဟဲလည်း ဘာမှဖုံးကွယ်မနေဘဲ တိချွင်ဟွားကို ညင်သာစွာပြောလိုက်သည်။
"ချွင်ဟွား စိတ်အေးအေးထားပါ။ မင်းစိတ်ဆိုးနေရင် စိတ်ပင်ပန်းမှာပေါ့"
"ပါးစပ်ပိတ်ထား!" ဟု တိချွင်ဟွား အော်လိုက်သည်။
"နင်သာ ပါးစပ်ပိတ်ရမှာ!"ဟု တိပြန်း တိချိုဟဲ အပေါ်ဆက်ဆံနေသည့် တိချွင်ဟွားကို မကြည့်နိုင်တော့ဘဲ ထအော်လိုက်သည်။ သူ့တစ်ချိန်က သိတတ်လိမ်မာသည့်ပုံစံကို ပြန်စဉ်းစားမိပြီး ခေါင်းကိုက်လာသည်။ ထို့နောက် အော်လိုက်သည်။
"နင့်အစ်ကိုကို တောင်းပန်လိုက်! ချက်ချင်းတောင်းပန်စမ်း!"
တိချိုဟဲ တိချွင်ဟွားဆီ လက်ကမ်းကာ "ချွင်ဟွား အစ်ကိုအပြစ်မတင်ပါဘူး စိတ်မဆိုးပါနဲ့။ ကျန်းမာရေးအတွက် မကောင်းဘူး။ သိပ်မခံစားနဲ့"
"ထွက်သွား! နင်သနားတာ မလိုချင်ဘူး!" တိချွင်ဟွားတစ်ယောက် မထိန်းနိုင်ဘဲ သူကမ်းလာသည့် လက်ကို ဖြတ်ရိုက်လိုက်သည်။
တိချိုဟဲလည်း မထိန်းနိုင်ဘဲ ရယ်လိုက်သည်။ သူခံစားချက်များ အကုန်မပေါ်လွင်ခင် ခေါင်းငုံ့လိုက်သည်။ ထို့နောက် သူတိပြန်း ဘက်ကို လှည့်ကာ လက်ဘက်ရည်ကို ကိုယ်ပေါ်လောင်းကာ ရူးပေါပေါ အပြုံးနှင့် "အဖေ အခန်းသုံးလို့ရမလား? ကျွန်တော်အင်္ကျ ီလဲချင်လို့။ ပြီးတော့ ချွင်ဟွားကိုလည်း အပြစ်မတင်ပါနဲ့။ သူကတကယ်နောက်နေတာပါ။ ဒီအတိုင်း အပြောဆိုးတာပါ။ သူက ငယ်သေးတယ်လေ ဒီတော့ ကြားစကားတွေကို နားယောင်သွားတာဖြစ်မှာပါ။"
ဒီလို ရိုင်းစိုင်းနေတာက စနောက်တာတဲ့လား? အပြောဆိုးတယ်ဆိုတာက ဘာစကားလဲ?
တိပြန်းလည်း ထူးဆန်းနေသည့် သမီးကိုကြည့်ကာ အတော် ထူးဆန်းနေသည်။
နောက်ပြီး အိမ်ပြန်မလာတာ ကြာနေပြီဖြစ်သည့် သားကြီးလည်း ပြန်လာပြီး ပြုံးနေသော်လည်း စိတ်ထဲတွင်ကား အတော် အားနည်းဟန် ပေါ်နေသည်။
အမြဲစကားနားထောင်သည့် သမီးလိမ်မာလေးက အခုတော့ နောက်ကွယ်မှာ သူ့အစ်ကိုကို ရိုင်းစိုင်းစွာပြုမူနေသည်။ သူ့စကားသံများကလည်း အတော်လေးနက်ပြီး သာမန်စိတ်ဆိုးဟန်နှင့်မတူပါ။
YOU ARE READING
One Useless rebirth ( မြန်မာဘာသာပြန်)
Romance[UNICODE] ကောင်လေးနှစ်ယောက်၊ တစ်ယောက်က အလွတ်တန်းဓာတ်ပုံဆရာ၊ နောက်တစ်ယောက်က နာမည်ကြီး ရုပ်ရှင်ဘုရင်လို့ ခေါ်စမှတ်ပြုနိုင်တဲ့ သရုပ်ဆောင်မင်းသား... သူတို့ရဲ့ တွေ့ဆုံပုံလေးက... ဓာတ်ပုံဆရာလေး ဟဲပိုင်က ရုပ်ရှင်ဘုရင် တိချိုဟဲ အသတ်ခံရတဲ့ မြင်ကွင်းကိုမှ အမှတ...
