အပိုင်း ၃၁ ( နောက်တကြိမ် ထပ်ပြီးတော့...)
"ဘယ်လိုကနေ ဘယ်လိုဖြစ်ရတာတုန်း။ ရုတ်တရက်ဆုံးသွားတယ်ဆိုတာ.....ဆိုတာကြီးက မဖြစ်နိုင်တာချည်းလေ။"
ကျီချန်းက နန်းတော်ထဲသို့ အလျင်စလို ခြေလှမ်းကျဲကြီးများဖြင့်လျှောက်ကာလာရင်း သူ့ဘေးရှိလူအားမေးနေသည်။ ထိုလူကလည်း ကျီချန်းအား သူသိသလောက်ပြန်လည်းတင်ပြနေလေ၏။
" ကျွန်တော်မျိုးလည်း သေချာမသိပေမဲ့ အခုအချိန်ထိတော့ ရှင်ဘုရင်ချီရှန်းက သမားတော်တွေအကုန်လုံးနဲ့ စစ်ဆေးမှုတွေပြုလုပ်နေပါတယ်။ အရင်တခေါက်ကလည်း ဒီလိုဖြစ်စဥ်မျိုးရှိဖူးတယ်လို့ပြောနေလို့ အားလုံးကတော့ အံ့သြနေကြတယ်။ ဒါပေမဲ့ ခက်တာက..."
"ခက်တာက...ဘာဖြစ်လဲ။"
ကျီချန်းက သူ၏ခြေလှမ်းများကိုရပ်တန့်လိုက်ရင်းမေးသည်။ ထိုလူကလည်း ရပ်တန့်လိုက်ကာ ကိုယ်ကိုကိုင်းညွတ်ရင်း ဆက်ပြောလာ၏။
" ခက်တာက အခုပဲနေမွန်းတည့်နေပြီ။ မနေ့ကညကတည်းက အသက်မရှုတော့တာဆိုတော့ "
" ထားလိုက်တော့...ငါ ဘုရင်ချီရှန်းနဲ့ပဲတွေ့လိုက်မယ်။"
ဒီကိစ္စက လူတိုင်းထင်သလိုကြီး ရိုးရှင်းမနေနိုင်ဘူး။ ဘာပဲဖြစ်ဖြစ် အန်းလုရဲ့ လျို့၀ှက်ချက်ကို သူတို့ပဲသိတာမို့ သူချီရှန်းဆီကို သွားလိုက်တာကမှ တကယ်အဖြေမှန်တစ်ခုကို ရနိုင်ပေလိမ့်မည်။
" မှန်လှပါ။"
...........................
" ဘုရင်ချီရှန်း...ဘယ်လိုဖြစ်တာလဲ။"
ကျီချန်း အလောတကြီး အဆောင်ထဲကိုဝင်လာတော့ အတွင်းဘက်ရှိ စားပွဲနား ခုံပေါ်တွင် ချီရှန်းက သူ၏လက်ကိုထောက်လျက် မျက်ဝန်းများကိုပိတ်လှောင်ကာထားရင်း လက်ကသူ၏ ဦးခေါင်းကို ဖိထားသည်။ ပြီးတော့ မည်သည့်စကားမျှမဆို၊ မည်သည့်လှုပ်ရှားမှုမျိုးမှမရှိ။ ဘေးတွင် မတ်တပ်ရပ်နေသူက ရှောင်ရှင်းပင်။ ကျီချန်းက သူ၏ပုံစံကိုကြည့်ရင်း
" မင်း....အဆင်ပြေရဲ့လား။"
အန်းလု တခါလဲကျသွားခဲ့တုန်းက ချီရှန်းဆောက်တည်ရာမရဖြစ်နေခဲ့ပုံကို သူမြင်တွေ့ဖူးသည်။ အခုတော့ အရမ်းငြိမ်သက်လွန်းနေသည်မှာ ပိုလို့ပင်ကြောက်စဖွယ်ကောင်းနေပါ၏။
YOU ARE READING
LOVE, BUT HURT (Season 3)_ The Last Begin_[Completed]
Historical Fictionကမ္ဘာနှစ်ခုရဲ့ဝဲဂယက်မှာ လည်ပတ်နေလည်း ကိုယ်တို့နှစ်ယောက်ကြားက အချစ်ကတော့ အမြဲတမ်း စစ်မှန်နေအုန်းမှာပဲ။ "အန်းလု.....ဒီစကားလုံးတွေက အထပ်ထပ်အခါခါဖြစ်ပြီး ရိုးရှင်းနေလောက်ပေမဲ့ ကိုယ်မင်းကိုချစ်တယ်" Hello! This is Season 3 of Love, But Hurt Fiction and n...