#Unicode
သာယာလှပတဲ့နံနက်ခင်းလေးမှာ မင်းယွီအတွက်ကတော့ နာကျင်မှုတွေသာ အစားထိုးနေခဲ့တယ် …
" အာ့ … ကျွတ် … ကျွတ် "
အိပ်ယာမှနိုးနိုးချင်း မင်းယွီတစ်ယောက် ခါးပေါ်လက်လေးထောက်ရင်း ကြိုးစားကာ ထကြည့်ပေမဲ့ မအောင်မြင်ခဲ့ … နာကျင်နေတဲ့မျက်နှာက ဖုံးကွယ်၍မရနိုင်လောက်အောင် သိသာနေတာမို့ ဘေးနားမှာ ငြိမ်သက်စွာ လဲလျှောင်းနေတဲ့ ဖန်းဂူ အနည်းငယ် ပူပန်သွားပုံပင် …
နံနက်ခင်းရဲ့ရောင်နီက ပြတင်းပေါက်မှနေ ဖန်းဂူမျက်နှာထံဖြာကျလျှက် မျက်ဝန်းတွေက တောက်ပနေပြီး အကြည့်တွေက စူးရှထက်မြက်ကာ ယခင်က ခန့်ညားလွန်းတဲ့အသွင်ကို ဆောင်ယူထားမြဲ …
ညကအမှောင်ထုကြောင့် မျက်နှာကို သဲကွဲစွာမမြင်ခဲ့ရ၍ ယခုရှင်းလင်စွာမြင်တွေ့လိုက်ရတဲ့အခါ မင်းယွီရင်တွေ တလှပ်လှပ်နဲ့ မတည်မငြိမ်ဖြစ်လာခဲ့တယ် …
" ဟို … ဟို … ဘယ်အချိန်ကတည်းက နိုးနေတာလဲ "
အချိန်အတော်ကြာ အကြည့်တွေဆုံစေပြီးနောက် မင်းယွီပထမဆုံးစကားကို ပြောထွက်ခဲ့တယ် … သူ့ရဲ့အမူအယာကနည်းနည်းတော့ ရယ်စရာကောင်းနေလိမ့်မယ် … ဘာကြောင့်ဆို မင်းယွီဘဝမှာ ညကလောက် ရင်ဖိုစရာကောင်းတဲ့အချိန်မျိုး ကြုံတွေ့ဖူးခြင်းမရှိခဲ့တာမို့ … နောက်တစ်ခုက ညကလုပ်ရက်တွေကို ပြန်စဉ်းစားမိပြီး ရှက်စိတ်တွေပိုလာခြင်းကြောင့်ပင် …
" မကြာသေးဘူး … ခုလေးတင်မှနိုးတာ "
ဖန်းဂူရဲ့တည်ငြိမ်လှတဲ့အဖြေစကားကြားတော့မှ မင်းယွီစိတ်သက်သာယာရသွားတယ် … အကယ်၍ ဖန်းဂူသာ ညကအကြောင်းအစဖော်လာမယ်ဆို မင်းယွီအဝတ်မပါပဲ အခန်းထဲကနေပြေးထွက်မိလိမ့်မယ် …
ဖန်းဂူကလဲ အလိုက်သိစွာ စောင့်ကြည့်နေပြီး မင်းယွီအဆင်ပြေသွားတော့မှ အိပ်ယာပေါ်ကနေထကာ အဝတ်အစားတွေကို ပြန်ဝတ်ပြီးနောက် …
" မင်းနိုးလာတာစောသေးတယ် … အားရှိသွားအောင် ခနလောက် ထပ်အိပ်လိုက် … ကိုယ်နေ့လည်စာ ပြင်ခိုင်းထားပေးမယ် "
YOU ARE READING
Mafia Is My Alpha ( Lion ) { Completed }
Romanceဒါလေးက Omegaverse ပုံစံလေး ရေးသွားမှာပါ ... DOLL ပြီးတော့ ဒုတိယမြောက် Fic လေးမို့ အားပေးဖို့မျှော်လင့်ပါတယ် ...... #KZinNyein