Part 37 ( မိန်းကလေးတယောက်လို ဝတ်စားခြင်း)

2K 361 18
                                    

အပိုင်း ၃၇ ( မိန်းကလေးတယောက်လို ဝတ်စားခြင်း)

ရက်အချို့ကြာမြင့်ခဲ့ပြီ။ ချီရှန်းသည် ယုံးယွမ်အဆောင်သို့ ညည့်နက်သည့်အချိန်မှသာ ရောက်ကာလာသည်။ အန်းလုသည်လည်း အဖွက်ခံထားရသည့် သူတစ်ယောက်ပေမို့ အပြင်သို့ထွက်ရန်ပင်စိတ်ကူးမရှိခဲ့ချေ။ သို့သော် ချီရှန်းနှင့်မတွေ့ရသော အချိန်များက ကြာရှည်ပြီး အလွန်ပင်ပျင်းရိစရာကောင်းလွန်းသည်။

အားလော့က အစားအသောက်များကို အချိန်မှန်လာပို့ပေးနေသော်လည်း ဤသည်က ထောင်အကျယ်ချုပ်ကျနေသည့်ခံစားချက်ပင်။ ဘယ်ကိုမှ မသွားရသလို ဘယ်ကိုမှလည်း မစူးစမ်းရ။ ပိုဆိုးသည်က အန်းလုတယောက်ဆံထိုးအကြောင်းဟလိုက်သည်နှင့် ချီရှန်းသည် စကားလမ်းကြောင်းလွှဲလေ့ရှိသည်။ အန်းလုက တချို့သောအကြောင်းအရာများကိုတွေးတောကာနေ၏။ သူထိုင်နေတဲ့ရှေ့က စားပွဲကိုအားပါပါဖြင့် တချက်ထုရိုက်လိုက်ရင်း

"ရှန်းရှန်းက ဘာလို့မသိချင်ယောင်ဆောင်နေရတာလဲ။"

* ဒေါက်...ဒေါက်...*

"လော့လော့လား။"

ပြင်ပမှတံခါးခေါက်သံကြားရတာကြောင့် အန်းလုကအပြေးသွားဖွင့်သည်။ ဤအချိန်သည်ကလည်း အားလော့ နေ့လည်စာလာပို့သည့်အချိန်ဖြစ်သဖြင့် အားလော့မှန်းသေချာသိသည်။

"နေ့လည်စာ လာပို့တာပါရှင့်။"

အားလော့က ဟင်းပွဲတစ်ချို့နှင့် ထမင်းပန်းကန်လုံးတို့ထည့်ကာထားသော ကြိမ်ခြင်းတောင်းလေးအားမြှောက်ကာပြရင်းဆိုသည်။

" ဝင်ခဲ့...ဝင်ခဲ့။"

အထဲသို့ နှစ်ဦးသားပြန်ဝင်လာပြီးတဲ့နောက်မှာ အန်းလုက စားပွဲခုံဘေးရှိ ထိုင်ခုံတစ်ခုစီတွင်ထိုင်လိုက်သည်။ အားလော့ ခြင်းတောင်းအား စားပွဲပေါ်တွင်ချလိုက်ပြီး အထဲရှိ ဟင်းပွဲတစ်ချို့ကိုထုတ်ကာနေသည်။ အန်းလုက အားလော့၏ ခေါင်းအစခြေအဆုံးအား အကဲခတ်နေ၏။ အတော်ကြာမှ အားလော့က သတိထားမိသွားပြီး အန်းလုကိုကြည့်ကာမေးသည်။

" ဘာဖြစ်လို့ကြည့်နေတာလဲ။ ကြည့်ရဆိုးနေလို့လား။"

" လော့လော့...နင်မှတ်မိသေးလား။ ငါနန်းတွင်းကိုဝင်တုန်းက ပုံစံကိုလေ။"

LOVE, BUT HURT (Season 3)_ The Last Begin_[Completed] Where stories live. Discover now