أوتار الكمان

البارت الثالث و الخمسون

سوري ملككة الفون عشان مايفصلش شحن البارت أهو و طويل المرة دي عدوا الجمايل😂😂

البارت الثالث و الخمسون

فتح عينيه ليجدها تداعب خصلات شعره لتقول بخفوت و هي تنظر لعينيه :- أنا آسفة صحيتك و أنت مالحقتش تشبع نوم

إبتعد عنها ليجيب ببرود :- عادي أنا كده كده قايم عشان عندي شغل

وتين بخفوت :- أدهم أنت لسه زعلان مني

نظر لها بعتاب لتقول هي بأسف واضح :- أنا ماكنتش أقصد إللي قولته إمبارح

أدهم بثبات :- قومي يا وتين شوفي الضيوف و نكمل كلامنا بعدين

جلست مكانها لتقول برجاء :- لو سمحت يا أدهم بلاش نعمل زي كل مرة أنا عارفة إني غلطانة بس أنت المفروض تفهني و تناقشني

جلس بجانبها ليقول بهدوء مزيف :- أنا من يوم ما أتجوزتك قصرت معاكي في حاجة

وتين بنفي :- لأ

أدهم بثبات :- أجبرتك على حاجة أي كانت هي إيه

وتين بخزي :- ماحصلش

أدهم بهدوء :- يبقى ليه دايماً تخانقيني و بقيتي تشكي فيا و ما تقوليليش هرمونات زفت حمل عشان أنا أتخنقت من الحجة دي

وتين و الدموع تلمع عينها لتردف بتبرير :- خايفة تبص لغيري أو تحلا في عينك واحدة تانية الحمل خلاني بقيت وحشة

أدهم بضيق :- غبية أتجوزت واحدة غبية هتشليني طيب مش هرد على الحوار دا إلا أما نخلص كلام خالص تقدري تقوليلي مش عايزة أمي تيجي ليه تقعد معاكي

وتين بدفاع :- عشان أنت مابتحبش حد يدخل في حياتك و عشان أنا بحترمك و ببقى عايزة أريحك

أدهم بهدوء :- طيب و لما أنتِ عارفة كده مش عارفة برضو إن أما أكسر قاعدة عشانك دا مش معناه إني عايز راحتك و إني خايف عليكي لما أدخل حد في حياتي و دا كله عشانك يبقى عشان بحبك و عايز أبقى مطمن عليكي

وتين بخجل :- طب أنا آسفة

إنفعل بغيظ و هو ينظر لها ليقول بضيق :- جسمك باظ من الحمل خايفة أبص لواحدة غيرك يا غبية أنا أتخليت عن القرف إللي كنت عايشه عشانك عشان حبيتك حبيت عفويتك و ضحكك عشان طفولتك و شقاوتك و عشان هدوءك و قناعتك أنتِ بالنسبة ليا مش مجرد جسم أنتِ مراتي حقي و راحتي مش هأبص لغيرك لإني مكتفي بيكي مش عشان مافيش في جمالك يمكن أنجذبت لجمالك في البداية بس مش هو دا إللي خلاني أتجوزك أنا أتجوزتك لإني محتاج وتين " ليقول بلوم " سبق و قولتلك من أول ما دخلتي بيتي أول مرة أنا عندي إللي يلبولي رغباتي فمش محتاجك في حاجة و إنك مجرد طفلة بالنسبة ليا " ليكمل و هو ينظر لعينها بضيق " بس لسوء حظي إني وقعت في حبك وقعت في حب طفلة غبية مش قادرة تشوف أنا بحبها قد إيه ولا بحبها إزاي