အပိုင်း ၄၂ ( ရွေးချယ်စရာ တစ်ခုတည်း)
ဒီတခေါက်နဲ့ဆို ဒီလိုကြောက်ဖို့ကောင်းတဲ့နေရာကို သူ ရောက်တာနှစ်ကြိမ်မြောက်ရှိပြီ။ ဒါပေမဲ့ ဒီတခေါက်ကမတူခဲ့ဘူး။ ဒီလိုအချိန်မှာ သူ့အနေနဲ့ ဒီအချုပ်ခန်းထဲမှာရှိနေတဲ့အရာတွေ၊ မီးရောင်မှိန်ပြပြသာရှိပြီး ကျန်နေရာတွေက မှောင်မိုက်နေတဲ့အတွက် ကြောက်လန့်ခြင်းတွေ၊ အားလုံးက လီချီရှန်းဆိုတဲ့ လူသားကိုသာစိုးရိမ်ပူပန်မိနေတဲ့ စိတ်တစ်ခုတည်းနဲ့ ဖုံးလွှမ်းပစ်လိုက်မိနိုင်သည်။ထုံးစံအတိုင်း အချုပ်ခန်းရဲ့ထောင့်တစ်နေရာမှာ ကျုံ့ကျုံ့လေးသာ သူထိုင်နေမိပြီး သူ့ရဲ့ကိုယ်ခန္တာနဲ့ လက်တွေမှာ ယခုအချိန်ထိ ချီရှန်းရဲ့သွေးတွေနဲ့ ပြည့်နေသေးတုန်းပဲ။
အန်းလုရဲ့ ကိုယ်ခန္တာတစ်ခုလုံးကတုန်ယင်နေသည်။ သူရဲ့အချုပ်ခန်းအနီးအနားမှာ မည်သူတစ်ဦးတစ်ယောက်မျှ မရှိကြချေ။ အကြောင်းအရင်းက အားလုံးကသူ့ကိုသေရာကပြန်ရှင်သန်လာတဲ့ မကောင်းဆိုးဝါးတစ်ကောင်အနေနဲ့ လန့်နေကြခြင်းဖြစ်သည်။
"အန်းလု......."
တိုင်လုံးတွေကာထားတဲ့ အချုပ်ခန်းရဲ့အပြင်ဘက်တွင် လူရိပ်တစ်ခုကိုသူတွေ့လိုက်ရတာကြောင့် ခေါင်းကိုမော့လာမိသည်။ ထိုရပ်နေသောလူက သူ့ကိုခေါ်လေ၏။ အန်းလုက ထိုလူ့အားမြင်တော့ ချက်ချင်းနေရာမှ ထကာ ထိုလူ့ထံသို့သွားလေ၏။ အနီးကပ် သေချာကြည့်တော့မှ
" ကျန်း...ကျန်းရှီ....မင်းကဘယ်လိုလုပ်...."
" ကျန်းရှီ..မဟုတ်ဘူး။ ငါနာမည်က ရှန်ဖန်း..."
"ရှန်ဖန်း....ရှန်ဖန်း..မင်း...မင်းကဘယ်လိုဖြစ်ပြီး.."
အန်းလု၏မျက်ဝန်းများက ပြူးကျယ်လာလေ၏။ သူ့ရှေ့တွင်ရှိနေသော ချီကျန်းရှီဆိုသော သူ၏ကိုယ်ခန္တာနှင့် ပြောဆိုနေသည့် ရှန်ဖန်းကို သူတအံ့တသြကြည့်နေမိသည်။ တခဏကြာတော့ အန်းလုခေါင်းကိုငုံ့လိူက်မိသည်။ ရှန်ဖန်းသည် သူ၏လက်နှစ်ဖက်ကိုနောက်သို့ ပစ်ကာအန်းလုကိုကြည့်နေသည်။ သူ၏နှုတ်ခမ်းသည် ပြုံးရောင်သန်းနေလေ၏။
YOU ARE READING
LOVE, BUT HURT (Season 3)_ The Last Begin_[Completed]
Historical Fictionကမ္ဘာနှစ်ခုရဲ့ဝဲဂယက်မှာ လည်ပတ်နေလည်း ကိုယ်တို့နှစ်ယောက်ကြားက အချစ်ကတော့ အမြဲတမ်း စစ်မှန်နေအုန်းမှာပဲ။ "အန်းလု.....ဒီစကားလုံးတွေက အထပ်ထပ်အခါခါဖြစ်ပြီး ရိုးရှင်းနေလောက်ပေမဲ့ ကိုယ်မင်းကိုချစ်တယ်" Hello! This is Season 3 of Love, But Hurt Fiction and n...