အပိုင်း(၃၁)
မင်းပေးခဲ့သော ဒဏ်ရာ
လွန်းငယ် မျက်နှာတွင် လိမ်းပေးထားသော မိတ်ကပ်များအား စိတ်ရှုပ်သောကြောင့် မိတ်ကပ်ဖျက်ဆေးဖြင့် ဖျက်နေလိုက်သည်။ အနီးသို့ကပ်လာသော ခြေသံဖွဖွကြားလိုက်ရသောကြောင့် စကားလှမ်းပြောလိုက်၏။
"Zeno ငါ့ကို ရေတစ်ခွက်လောက်ယူပေးပါလား...ရေသောက်ချင်လို့"
သို့သော် တဖက်လူဆီမှ တော်တော်ကြာသည်ထိ ဘာပြန်ဖြေကြားသံမှ ထွက်ပေါ်မလာသည့်အပြင် ခြေသံတစ်စွန်းတစမျှပင် မကြားရတော့သောကြောင့် လွန်းငယ် နောက်လှည့်ကြည့်လိုက်မိသည်။
ထင်မှတ်မထားသူ ဖြစ်နေသောကြောင့် လွန်းငယ် အံ့သြထိတ်လန့်သွားရ၏။ ယောင်ယမ်းကာ မျက်နှာအား ထိကြည့်လိုက်တော့ မျက်နှာဖုံးရှိမနေပေ။ မှန်တင်ခုံပေါ်တွင် သူ ချွတ်ထားလိုက်မိသည်။
"မောင် မှန်တယ်...တကယ်ကို လွန်းငယ်ပဲ"
တစ်ဖက်မှ စကားသံထွက်ပေါ်လာသည်နှင့် ချက်ချင်းလွန်းငယ် ငြင်းဆိုစကားဆိုလိုက်သည်။
"ဘယ်က လွန်းငယ်လဲ...မဟုတ်ဘူး...မင်း လူမှားနေပြီ"
တစ်ဖက်လူမှ ရှေ့တစ်လှမ်းတိုးလာသောကြောင့် လွန်းငယ်ချက်ချင်းတားဆီးလိုက်ရ၏။
"ရှေ့မတိုးလာနဲ့နော်...မင်းဘယ်သူလဲ ငါမသိဘူး...ရှေ့ဆက်တိုးလာရင် ငါအော်လိုက်မှာ"
"လွန်းငယ် မောင့်ကို အရမ်းမုန်းနေတာလား"
"ငါ လွန်းငယ် မဟုတ်ဘူး...ငါ့နာမည် Kren"
"မင်းက မောင် ချစ်ရတဲ့ လွန်းငယ်ပါ"
တစ်ဖက်မှ ပြောလာသော စကား။ လွန်းငယ် ကြားလိုက်ရသောစကားအတွက် လှောင်ရယ်, ရယ်လိုက်မိသည်။
"ဟက် ဘယ်က ချစ်ရတဲ့ လွန်းငယ်လဲ...ငါ မသိဘူး...အဲဒီစကားကို ဘာလို့ငါ့လာပြောနေရတာလဲ ဟက်...မင်းဟာသလာလုပ်နေတာလား"
"လွန်းငယ် မောင်...မောင် တောင်းပန်ပါတယ်"
"ငါ မင်းကို ပြောနေတယ်လေ...နားမပါဘူးလား...ငါက လွန်းငယ် မဟုတ်ဘူး Kren လို့"
YOU ARE READING
စေရာ(Complete)
RomanceUnicode သံစဥ်တွေဟာ တီးခတ်သူရဲ့ စေရာ ကိုလိုက်နာကြတယ်တဲ့။ ဒါဆို ချစ်မိသွားသူတွေကရော? ဘယ်သူ့ စေရာ ကို လိုက်နာကြမှာလဲ? သူတို့အသက်ထက် ချစ်မြတ်နိုးရသူတွေရဲ့ "စေရာ"ကိုပေါ့။ Zawgyi သံစဥ္ေတြဟာ တီးခတ္သူရဲ႕ ေစရာ ကိုလိုက္နာၾကတယ္တဲ့။ ဒါဆို ခ်စ္မိသြားသူေတြကေရာ? ဘ...