Unicode
..........
ပေစုတ်စုတ် နှင့် မှောင်မိုက်နေသောအခန်းကျယ်တစ်ခန်း။
အလင်းရောင်ဆိုတာရှာယူ၍တောင်သိပ်မရချင် ။
အခန်းထောင့်မှဖြာထွက်နေသော အလင်းရောင်မှိန်မှိန်လေးနှင့်သာ
တစ်ခန်းလုံးကိုလင်းစေနိုင်သည်။
ထို့နောက် အခန်းကျယ်ထဲက ကောင်လေးတစ်ယောက်။ ခြေထောက်တို့ဟာ သံကြိုးနဲ့ချည်နှောင်ခြင်းခံထားရပေမယ့် တစ်ကိုယ်လုံး ဘာတုတ်နှောင်ခြင်းမှမရှိဘဲ လွတ်လပ်နေသည်။
ကျွီ~~~
တံခါးဖွင့်သံကြားလိုက်တာနဲ့ ထိုကောင်လေးရဲ့ခန္ဓာကိုယ်မှာတုန်တတ်သွားသည်။
"ထွက်ပြေးဖို့ထပ်ကြိုးစားရင် မင်းခြေထောက်တွေကိုရိုက်ချိုးထားမှာနော် ခွန်း .... ကိုယ်မလုပ်ရဲဘူးမထင်နဲ့"
ထိုလူပြောလိုက်တဲ့စကားကြောင့် ကောင်လေးသည် ဒူးနှစ်ဖက်ကိုပိုက်ကာ ခေါင်းကိုငိုက်ငိုက်စိုက်ထားလေသည်။
ပြီးတော့ ထိုလူက ကောင်လေးရှေ့တွင် ထမင်းပန်းကန်ချပေးကာ
"စားလိုက် မင်းအရမ်းအားနည်းနေပြီ"
ပြောလိုက်တာနဲ့တစ်ပြိုင်နက် ကောင်လေးသည် ငိုနေရင်း ထမင်းပန်းကန်ကိုယူကာ စားနေသည်။
"ဒီနေရာကအရမ်းအေးတယ်မဟုတ်လား?"
ထိုလူကမေးလိုက်တော့ ကောင်လေးကချက်ချင်းဆိုသလို ခေါင်းငြိမ့်ပြလာသည်။
"အင်း ခဏတော့ဒုက္ခခံလိုက်ဦး ဘယ်သူ့မှအပြစ်မတင်နဲ့နော် ခွန်း ။ မင်း မလိမ္မာလို့အပြစ်ပေးခံရတာလို့သာမှတ်လိုက် "
ကောင်လေးသည် ဘာမှဆက်မပြောဘဲ ထမင်းသာစားနေသည်။ တစ်ရှုံ့ရှုံ့ အသံထွက်လာတာမို့ ထိုလူက ကောင်လေးနားမှာထိုင်ကာ
"ကိုယ် ငိုတာမကြိုက်ဘူးနော် ခွန်းဆက်အိမ် "
"ဟု... ဟုတ် "
ထိုလူကအော်လိုက်တာမို့ ကောင်လေးလန့်ကာ အထစ်ထစ်အငေါ့ငေါ့နဲ့သာဖြေလိုက်ရသည်။
ထို့နောက် ထိုလူသည် ပြန်ထွက်သွားကာ ကောင်လေးကိုဒီအတိုင်းထားခဲ့လေသည်။
YOU ARE READING
လှောင်အိမ်ငယ်/ေလွာင္အိမ္ငယ္ { Completed }
Romanceပိုချစ်မိတဲ့သူကအရှုံးတဲ့ ။ ကျွန်တော်ကပိုချစ်ပေမယ့် ဘယ်တော့မှမရှုံးစေရဘူး ကိုကို....။ ပိုခ်စ္မိတဲ့သူကအရႈံးတဲ့ ။ ကြၽန္ေတာ္ကပိုခ်စ္ေပမယ့္ ဘယ္ေတာ့မွမရႈံးေစရဘူး ကိုကို....။ start date 1.12.2020 end date 24.1.2021 #VeraVicki2619
