Unicode...
ဒီညတော့ အိပ်မရတော့ပါဘူး။ သူက ကျွန်တော့်စိတ်အစဉ်ကို လွှမ်းမိုးထားတယ်။ ကျွန်တော်ဒီဘဝကို ရွေးချယ်ပြီးတည်းက နှလုံးသားရေးရာကို လျစ်လျူရှုထားတာ။ တစ်ခါတလေ ဟိုကောင်တွေမြူဆွယ်လို့ ဘားတွေကလပ်တွေပါသွားပြီး မိန်းကလေးတွေနဲ့ ပွတ်သီးပွတ်သပ်နေဖူးပေမဲ့ နည်းနည်းမှ ရင်မခုန်ခဲ့ဖူးဘူး။
သုခကောင်းမှုနဲ့က ယောက်ျားလေးတွေနဲ့ပါ ခွက်ချင်းတိုက်ဖူးသေးတယ်။ ဒီဘဝမရောက်ခင်ကတော့ ရည်းစားသနာထားဖူးပါရဲ့။ ယောက်ျားလေးပဲဗျာ စိတ်တော့လှုပ်ရှားတတ်တာပေါ့။ ဒါပေမဲ့ သေချာပြောရဲတယ်။ သူတို့တွေဆီမှာ ကျွန်တော့်ရဲ့အချစ်ဆိုတာကိုရှာမတွေ့ခဲ့ဘူး။
ရပ်ကွက်က လူဆိုးစာရင်းထဲသွင်း၊ ရဲစခန်းခဏခဏရောက်၊ နောက်ဆုံးဒီကောင်တွေနဲ့ပေါင်းပြီး သူခိုးလုံးလုံးဖြစ်သွားတည်းက ဘယ်သူမှလည်း ကျွန်တော့်ကို စိတ်မဝင်စားတော့သလို ကျွန်တော်လည်း အလုပ်ကိုပဲ တစိုက်မတ်မတ်လုပ်တော့တယ်။ အကောင်တွေက ကျွန်တော့်ကိုခေါင်းဆောင်တင်မြှောက်ထားကြတာကိုး။ ပြီးတော့ ကျွန်တော်တို့အကြောင်းကို လူသိလို့လည်းမဖြစ်ဘူးလေ။
ဒီကောင့်ကိုဘာလို့ သတိထားမိသွားတာလဲ။ ဂရုစိုက်မိသွားတာလဲ။ ရင်ခုန်မိသွားတာလဲ။ သူ့ရဲ့အနမ်းတွေမှာ ဘာလို့နစ်မြောမိသွားတာလဲ။ ငါကကော ဘာလို့ထပ်ပြီး တောင့်တမိရတာလဲ။
"ငါမင်းကို သဘောကျနေပြီထင်တယ်" ဆိုတဲ့စကားနောက်မှာ ငါဘာလို့ပျော်သွားတာလဲ။ ငါလည်းမင်းကို သဘောကျနေပြီလား။ ငါတို့လုပ်ငန်းစမဲ့နေရာကို မင်းကိုပြောလိုက်မိတာက ငါမတွေးမိခင်မှာပဲ ငါ့ရဲ့မသိစိတ်က မင်းကိုယုံကြည်နေလို့ပဲဖြစ်မယ်။ ဟုတ်တယ်။ ဘာလို့မှန်းမသိပေမဲ့ ငါမင်းကိုယုံတယ်။ သုခပြောသလို ငါတို့အလုပ်ကသာမန်မှမဟုတ်တာ။ ဒီဒဏ်တွေကို မင်းမခံနိုင်ရင် ဘယ်လိုလုပ်မလဲ။ တစ်စုံတစ်ယောက်သိနေတာဟာ ငါတို့ဖို့ အန္တရာယ်များပေမဲ့ မင်းဖြစ်နေလို့ ငါစိတ်ချနေမိတယ်။
YOU ARE READING
ချစ်ခြင်းသက်သေ ဉာဏ်ကလိမ် | ခ်စ္ျခင္းသက္ေသ ဉာဏ္ကလိမ္
General FictionFirst Chapter Published : Nov 19 2020 Last Chapter Published : Dec 29 2020💌 စိန်ပလိန်တိန် မုန့်လင်မယား မှားနေတယ် မုန့်လင်လင်ကွ... ဪအေး ဟုတ်သား...ဟေ့ကောင်တွေ ပြန်အော်မယ်... စိန်ပလိန်တိန် မုန့်လင်လင်!!!! မုန့်လင်လင်!!!! ~~~~~~~~~~~~~~~~~~~...