အပိုင်း ၄၃ ( အသိစိတ်တို့ ကင်းမဲ့သော်လည်း)
" ရှန်းအာ....ရှန်းအာရေ......အရမ်းပြေးမဆော့ရဘူးလေ။"
လေး၊ ငါးနှစ်အရွယ်ခန့်သာရှိသေးတဲ့ ကလေးလေးတယောက်ဟာ ဥယျာဥ်တော်ရဲ့ နေရာလွတ်မှာပျော်ရွှင်စွာ ပြေးလွှားဆော့ကစားနေလေရဲ့။ နန်းတွင်းသူ ခြောက်ဦးခန့်က မိဖုရားအဆောင်အယောင် ဝတ်ဆင်ထားသောအမျိုးသမီးတစ်ဦး၏ နောက်တွင် ရပ်ကာနေကြသည်။
သူမသည် ထိုကလေးငယ်အား လှမ်းဖမ်းရန်ရှေ့သို့ခါးကိုကိုင်းကာ ငုံ့လိုက်သည်။
" မိပြီ...အရမ်းမပြေးရဘူးလို့....ချော်လဲလိမ့်မယ် ရှန်းအာရဲ့။"
" ဟီးဟီး....မယ်တော်ကလည်း အတူဆော့ရအောင်လို့ပါ။"
သူမက ဆောင့်ကြောင့်ထိုင်လိုက်ပြီး သူမကိုရယ်ကာမျက်နှာချိုသွေးနေသော ထိုကလေး၏ နှခေါင်းထိပ်ကလေးအားအသာဆွဲညှစ်လိုက်သည်။
" မယ်တော်က ရှန်းအာလေးတစ်ခုခုဖြစ်မှာကို စိုးရိမ်လို့ပါ။ ဝူရှဲ့အဆောင်ကိုသွားကြမယ်။ သားရဲ့ ခမည်းတော်က ထမင်းစားဖို့စောင့်နေလောက်ပြီ။"
"အွန်း..."
ကလေးငယ်က ရယ်မောလျက် ခေါင်းညိမ့်ပြတော့ မိဖုရားသည် သူမ၏သားလေးအားလက်ကိုဆွဲ၍ ဝူရှဲ့အဆောင်ဘက်သို့ ဦးတည်လိူက်တော့သည်။ ထိုအဖြစ်အပျက်ကို ယောက်ျားသားတစ်ယောက်က ကြည့်နေပါ၏။ သူ၏လက်တို့သည် တဖြည်းဖြည်း အဝေးသို့ရောက်နေပြီဖြစ်သော ထိုသားအမိအား လှမ်းတားရန်ကြိုးစားနေသည်။ ဤသည်က လီချီရှန်းပင်။
ချီရှန်းသည် မိမိငယ်စဥ်ကဖြစ်ပျက်ခဲ့သည့်အဖြစ်အပျက်များကို မျက်စိရှေ့တွင်ပြန်မြင်နေရ၏။ သူငယ်စဥ်က တကယ်ကိုလွတ်လပ်ပေါ့ပါးပျော်ရွှင်ခဲ့ရသည့် ကလေးတယောက်ဖြစ်ခဲ့ဖူးသည်။ ဤသိူ့သော အရယ်အမောရှိခဲ့ဖူးသည့် ကလေးတယောက်သည် ယခုကဲ့သို့တည်ငြိမ်ခက်ထန်လာသည့်အကြောင်းအရင်းသည်ကား သူ၏မိခင်ကိုဆုံးရှုံးလိုက်ရခြင်းကြောင့်ပင်။
ရှေ့တွင်ပျောက်ကွယ်သွားပြီဖြစ်သော ထိုသားအမိ၏ပုံရိပ်ကြောင့် ချီရှန်းသူ၏လက်ကိုပြန်ချလိုက်သည်။ ချက်ချင်းပင် နန်းတော်ကြီး၏ ဥယျာဥ်သည် အခိုးအငွေ့သဖွယ်ဖြစ်ကာ ပျောက်ကွယ်သွားလေ၏။ ချီရှန်း သူ၏မျက်ဝန်းအစုံကိုတချက်ခပ်လိုက်စဥ်တွင်ပဲ နောက်ထပ် နေရာတစ်ခုသိူ့သူရောက်နေလေပြီ။
YOU ARE READING
LOVE, BUT HURT (Season 3)_ The Last Begin_[Completed]
Historical Fictionကမ္ဘာနှစ်ခုရဲ့ဝဲဂယက်မှာ လည်ပတ်နေလည်း ကိုယ်တို့နှစ်ယောက်ကြားက အချစ်ကတော့ အမြဲတမ်း စစ်မှန်နေအုန်းမှာပဲ။ "အန်းလု.....ဒီစကားလုံးတွေက အထပ်ထပ်အခါခါဖြစ်ပြီး ရိုးရှင်းနေလောက်ပေမဲ့ ကိုယ်မင်းကိုချစ်တယ်" Hello! This is Season 3 of Love, But Hurt Fiction and n...