အပိုင်း(၃၄)တကျော့ပြန်
လွန်းငယ် ရုတ်တရက်ဖြစ်သွားသော အဖြစ်အပျက်များကြောင့် ကြောင်အနေမိသည်။ သူ၏ အပေါ်မိုးထားသူ၏ မျက်နှာတွင် နာကျင်မှုတို့ ထင်အပ်သွားကြောင်း တွေ့မြင်လိုက်ရ၏။
"Kren အဆင်ပြေရဲ့လား...ဘယ်နားထိခိုက်သွားသေးလဲ"
"Boss အဆင်ပြေရဲ့လား"
အနားရောက်လာသူများအသံကြောင့် အပေါ်မှ အုပ်မိုးထားသူသည် သူ့အပေါ်မှ ထကာ မတ်တပ်ရပ်လိုက်လေသည်။ မတ်တပ်မရပ်နိုင်သေးပဲကြောင်အနေသော သူ့အား Zenoမှ တွဲထူပေးလာ၏။
"Zeno ဘယ်လိုဖြစ်.."
"မီးဆိုင်း ပြုတ်ကျတာ Kren...မင်းအပေါ်တည့်တည့်ပဲ...သူမြန်လို့ မင်းကံကောင်းသွားတာ"
"သူ...သူ ထိခိုက်သွားသေးလား Zeno"
"ငါ မသိဘူး...မီးထိုးတဲ့ မီးဆိုင်းရှေ့က မှန်စတွေတော့ လွင့်စင်သွားတယ်...သူ အရမ်းထိခိုက်သွားလားတော့ ငါ မသိဘူး"
လွန်းငယ် အနောက်တွင်ရှိနေသူအား လှည့်ကြည့်ချင်မိသော်လည်း ဆုံးဖြတ်ချက်ချကာ မကြည့်ဘဲနေလိုက်သည်။ ကြားနိုင်အောင် သူ၏အသံအား မြှင့်၍ ပြောလိုက်၏။
"ကျေးဇူး...ဂရုစိုက်ပါ...Zeno သွားရအောင်"
ချက်ချင်းပင် accident ဖြစ်ရာနေရာမှ ခြေလှမ်းသွက်သွက် ထွက်သွားသူကြောင့် Zenoလည်း နောက်မှ အမြန် အမှီလိုက်သွားရသည်။
"Boss ထိခိုက်သွားတယ်မလား"
ကိုဆက် အခြေအနေအားမှန်းဆကာ bossအား မေးလိုက်သည်။
ခွန်းသုရှင် ရှုပ်ယှက်ခတ် အော်ငေါက်ဆူပူမှုများ၊ စကားများနေမှုများအား ဝေ့ဝဲကြည့်လိုက်ပြီးနောက် ကိုဆက်ဖက်လှည့်ကာ ပြောလိုက်၏။
"အင်း...ဆေးသွားဝယ်ခဲ့...ငါ နားနေဆောင်ဘက်က စောင့်နေမယ်"
"ဟုတ်ကဲ့ boss"
ကိုဆက်ထွက်သွားပြီးနောက် ပွဲစီစဉ်သူရောက်ရှိလာကာ သူ့အား တောင်းပန်လေသည်။ အဆင်ပြေကြောင်းပြောကာ မပေါ့ဆရန် သတိပေးလိုက်ပြီး ထိုနေရာမှ သူ ထွက်လာခဲ့လိုက်သည်။
YOU ARE READING
စေရာ(Complete)
RomanceUnicode သံစဥ်တွေဟာ တီးခတ်သူရဲ့ စေရာ ကိုလိုက်နာကြတယ်တဲ့။ ဒါဆို ချစ်မိသွားသူတွေကရော? ဘယ်သူ့ စေရာ ကို လိုက်နာကြမှာလဲ? သူတို့အသက်ထက် ချစ်မြတ်နိုးရသူတွေရဲ့ "စေရာ"ကိုပေါ့။ Zawgyi သံစဥ္ေတြဟာ တီးခတ္သူရဲ႕ ေစရာ ကိုလိုက္နာၾကတယ္တဲ့။ ဒါဆို ခ်စ္မိသြားသူေတြကေရာ? ဘ...