فصلية الشيخ فهد🔞

بارت الـ5...

يا حسافـــــــــه ..
انباعت العشره بدراهم ..
الچان وجهه لوجهي يرهم ..
هسه صار لكلشي راهم 💔

..............................................

غسلت المواعين وسويت جاي وكلمن راح نام بغرفتة واني لميت غراضي كلهم ولبست عبايه وتلثمت بشالي بس عيوني طالعات

سحبت جنطتي وترقبت الوضع كلشي ماكو سنطة، ضليت امشي شوي شوي برة الحرس واكفين، فقررت اشرد عـ البساتين، ضليت ادخل من بستان البستان ابتعدت عن بيتهم

بس من الخوف قلبي صار بطني، ضليت اركض حتى ابتعدت اخاف يكضني والله يصير ذبحي حلال عـ القبلة، اركض وعيني تترقب المكان اخاف يطلعلي، لان هوه مثل الجن

بكل مكان موجود، ركضت وركضت وبتعدت هووواي كلش هواي عنهم، شفت مرية چبيره بالعمر دا تحش بحلالهم وبعدها بحيلها

ركضتلها وكأنو اريدها تحميني من عذاب فهد وضلمه الي، ركضت وعثرت بشي خلاني اوكع على وجهي، تأذيت

حيييل تأذيت، صاحت المريه ولجج يمممه دربالج، درت وجهي وجان اشووفة د يركض بأتجاهي

متت بدمي اريد افلت واكوم رجليه ماتن من الخوف، والمرية تصيح ولك يمه راح يكتلها بمچانها

سلمت امري الربي، ما اسمع الا طلقة موتته بمكانه

اجت المرية ساعدتني، واباوعله ثور شكبرة يمه يسويني وصل اذا داسني غير الله ستر، من الخوف بس ابجي

سألتني المرية شبيج خاله منو انتي، منين جايه طحت برگبتها، خاله فدوه لعمرج اني دخيله عندج احميني خاله

المرية:- يااا يمه جاا غير اعرف منهو انتِ من يا سلف چايه..

_ خاله والله افهمج، بس خليني عدكم فدوه رحتلج..

_ تعاي يمه تعاي چعدي حنا لبين ماخلص الحش..

_ كعدتني على جذع نخله همه مسوينه بالطول، يمكن يكعدن علي، لو يطلعن للبساتين لان هناك بيت فهد

كل يوم جمعة تجمعون ويرحون لبستانهم، عدهم احلى ونسه والله عيشة اهل الريف تخبل احلى من الولاية على كولتهم..

كملت حشها واجت كعدت كدامي هيه ومرية، واني ابجي سألتني

_ يي يمه شنهي سالفتج احچيلنه يبعد امج، بنيه حلوه والنبي يحرسها شبيها شارده بعز الظهاري..

_ خ خ اله انا اجيت فصلية بسبب ابوي، والولد واهله عذبوووني، ياخاله عذبوني وشردت..

_ يعع خايبه فلك، هالچمال كله ويدمغون بيج كون بصبيحة ولا بيج..

_ خاله يا هيه صبيحة..

_ ورث جكاره، وكالت بقهر، شوفي ياخاله انا مرية وحيده وعندي بنيه وحده مزوجتها بالعماره، حتى ماتسأل علي المفلوكة ومن بعد عشره وگشره