LOVE, BUT HURT (Season 3)_ The Last Begin_[Completed]

Part 48 ( နောက်ဆုံးသောစတင်ခြင်း) Final part

အပိုင်း ၄၈ ( နောက်ဆုံးသောစတင်ခြင်း)

"ဟင်း........"

သက်ပြင်းရှည်တစ်ခုက သုံးရက်ခန့်မေ့မြောနေသူထံမှ ထွက်ပေါ်လာခြင်းပင်။ အန်းလု နိုးနိုးချင်း သူ၏ဘေးကိုကြည့်မိတော့ ချီရှန်းသည် သူ့အားထိုင်ခုံပေါ်တွင် ထိုင်ကာကြည့်နေလေ၏။

အန်းလုက ချက်ချင်းကောက်ထလိုက်သည်။

" ရှန်းရှန်း အဆင်ပြေရဲ့လား။ ဒဏ်ရာ..."

အန်းလုက ချီရှန်း၏ရင်ဘတ်ကိုလှမ်းကိုင်လိုက်သည်။ ချီရှန်းကပြုံးလျက်ပင် သူ၏ရင်ဘတ်ကိုလာထိသော အန်းလု၏လက်အားဆုပ်ကိုင်လိုက်သည်။ ထို့နောက် အန်းလု၏ရင်ဘတ်ပေါ်တွင် ပြန်တင်လိုက်ရင်း

" ကိုယ့်ဒဏ်ရာကိုသာ ပူရမှာပါ။ ကိုယ်ကကောင်းနေပြီ။"

" အာ့...ကျွန်တော်လည်း ဓားထိုးခံရတာပဲ။

မဟုတ်သေးဘူး။ ကိုယ့်ဘာသာထိုးထားတာ...ဟီး"

"နာနေသေးလား။"

ချီရှန်းကမေးတော့ အန်းလုက သူ့ဒဏ်ရာသူငုံ့ကာကြည့်နေရင်းမှ ချီရှန်းကိုပြန်ကြည့်ကာ ရယ်လိုက်သည်။ သူ၏လည်ပင်းတွင်လည်း ဆွဲကြိုးလေးက နေရာယူထားသေး၏။ သူရင်ဘတ်ကိုအသာဖိလိုက်ရင်း

" နည်းနည်း "

ချီရှန်းက မတ်တပ်ရပ်လိုက်ပြီးနောက်အန်းလုဘေးကုတင်ပေါ်တွင်ဝင်ထိုင်လိုက်သည်။ အန်းလုကို ဖက်လိုက်ပြီးနောက်

" ဘယ်လိုအရာတွေပဲ ကြုံလာရပါစေ...... မင်းသာကိုယ့်ဘေးနားမှာရှိမယ်ဆိုရင်.....ကိုယ်အရာအားလုံးကိုဖြတ်ကျော်နိုင်မှာပါ။"

ချီရှန်း၏အသံက တည်ငြိမ်အောင်ကြိုးစားရင်းနှင့်ကိုမီ တဖြည်းဖြည်းချင်းကို တုန်ယင်လာတော့သည်။ သူ စိတ်ကိုမနည်းတည်ငြိမ်အောင်ထိန်းနေရပါ၏။

"ကျွန်တော်ကလည်း ရှန်းရှန်းဘေးနားမှာ......အမြဲတမ်းရှိနေမှာပါ။"