Unicode
....................မာန် လည်းဟေဇယ့် ကိုလိုက်ပို့ပေးပြီး၍အိမ်သို့ပြန်လာသည်။ ဒီနေ့ မာန်အတော်ဒေါသထွက်သွားသည်။ အိမ်ကိုလာတဲ့ဧည့်သည်ကို ခွန်းက ဘယ်လိုတောင်ဆက်ဆံလိုက်ရတာလဲဟုသာတွေးနေမိသည်။
အခန်းထဲဝင်လာတော့ စောင်ထဲတစ်ကိုယ်လုံးသွင်းကာ အိပ်နေသော ခွန်းရဲ့ဘေးမှာပဲဝင်အိပ်ခဲ့သည်။
ခွန်း လည်းနောက်ဆုံးအကြိမ်အဖြစ် မာန်ရဲ့လက်တစ်စုံရောက်လာမလားဟုမျှော်လင့်ခဲ့သော်လည်း မာန်သည်ညတ်ိုင်းသူ့ကိုဖက်အိပ်နေကြပေမယ့် ဒီနေ့မှာတော့ ခွန်းကိုကျောခိုင်းကာ အိပ်နေလေသည်။
ခွန်း လည်းအများကြီးစဉ်းစားမနေတော့ဘဲ အိပ်လိုက်တော့သည်။
................................။
"ထိုက် ထစမ်း "
"အွန်း...ဟင်း...."
ဘုန်းစစ် ရဲ့တကိုယ်လုံးကိုသိမ်းကြုံးဖက်ထားတာမို့ နိုးနေသောဘုန်းစစ်လည်းထမရပေ။ အော်၍နှိုးလိုက်သော်လည်း အိပ်နေတာပုံတောင်မပျက်ဘဲ ညည်းသံတွေထွက်လာသည်။
" ပုစိ ထလို့ပြောနေတယ်လေ ကိုကိုအလုပ်သွားရဦးမယ် "
ထလိုထညား ညင်သာစွာပြောမိသော်လည်း နည်းနည်းလေးမှလှုပ်မလာတာမို့ ဆဲလည်းဆဲစေတော့ ဟုတွေးကာကုတင်ပေါ်မှကန်ချလိုက်သည်။
" အား... အကို့....."
ငိုမဲ့မဲ့ရုပ်ဖြင့် ဘုန်းစစ်ကိုမကျေနပ်ဟန်ကြည့်နေလေသည် ။
" ထလို့ပြောနေတာကို ထမှမထတာ.... "
ကုတင်အောက်တွင် ခါးကိုကိုင်ကာ ငိုမဲ့မဲ့ဖြစ်နေသော ထိုက်ကို ဘုန်းစစ်ကျော်ခွကာ ထလိုက်သည်။
" ထိုင်မနေနဲ့ထတော့ ငါနဲ့ဆိုက်ထဲလိုက်ခဲ့"
"ဟာ...မလိုက်ဘူး...ပူတယ် "
" မင်းအသက်ဘယ်လောက်လဲ ၂၃ တောင်ရှိနေပြီ ကလေးလို့ထင်နေတုန်းလား... လုပ်တတ်တာဘာရှိလဲ "
"ဟင်း....."
ထိုက် လည်းမနိုင်တဲ့အဆုံး ဘုန်းစစ်သဘောအတိုင်းသာ ပြင်ဆင်၍ကုမ္ပဏီကိုလိုက်လာရသည်။
YOU ARE READING
လှောင်အိမ်ငယ်/ေလွာင္အိမ္ငယ္ { Completed }
Romanceပိုချစ်မိတဲ့သူကအရှုံးတဲ့ ။ ကျွန်တော်ကပိုချစ်ပေမယ့် ဘယ်တော့မှမရှုံးစေရဘူး ကိုကို....။ ပိုခ်စ္မိတဲ့သူကအရႈံးတဲ့ ။ ကြၽန္ေတာ္ကပိုခ်စ္ေပမယ့္ ဘယ္ေတာ့မွမရႈံးေစရဘူး ကိုကို....။ start date 1.12.2020 end date 24.1.2021 #VeraVicki2619