فصلية الشيخ فهد🔞

بارت الـ8...

گالولي راح ومايرد
گلت اليروح براحته
محد يموت من القهر
كلمن يموت بساعته.

.......................................

الحياة مثل مد وجزر يوم لك ويوم عليك وهاي اني حياتي صارت ويه فهد مثل مد وجزر

اذا رادني، رادني واذا كرهني كرهني
ماعرف مرات احسه يعطف عليه
ومادري شنو السبب ومرات احس
بعيونه حب اليه، ومرات اسئلة
اسئلة خاصه بينه مثل سؤالي
اله خلينه نفترك فهد احنه مانرهم

لبعض وجان رده السكوت، وهذا الي محيرني بـ فهد هذا الي محيرني بـ معذبي حيرره والله حيرره كعدت الصبح

مخنوگة وميته من العرگ اصب مي وشي كاعد على صدري فتحت عيوني وشفته نايم مثل الطفل الي بحضن امه، يي يي فهد الغاضب المعذب

نايم بحضني مثل المكسور، ما الومه عـ الي ديصير بي بس اني اني هم خطيه وهوه خطية انجمعنه بوقت غلط وبساعه وبلحضة غلط والقدر
لعب لعبته بينه..

حلوو حيل حللو بشرته حنطيه وشعره الاسود الي مختلط ويه الون الابيض منطي جماليه غير شكل وشواربه
مثل شوارب ابو شهاب ورغم
انو نايم بس ملامحة تدل عـ العصبيه

حاولن انلاص منه ارد اگوم الساعة بـ7 ولازم اكعد قبله اسويله ريوگ، ثكيل ثكيل حييل بعدت روحي منه بالكوه
گمت ولزم ايدي حجة بنبرة عصبيه

فهد:- رجعيي نامي، شون مساع يله..

_ ا ا ا ارد اشتغل بـ7...

_ خمديي كتلج يالله  ..

_ اهووو جاا مو تكول ما سويتي ريوك وماكعدتي..

_ هسه خمدي والله كريم..

_ خمدت على كولته ورجع نام على صدري، هنوب ضل يشرط مدري شبي اليوم..

_ دلكي راسي تعبان..

_ حااضر شيخ تدلل..

_ مايدلل عليج ضالم..

_ دلكتله راسه، اشوو شوية وگال

_ لعبي بشعري، خلنام..

_ بنبرة نرفزه، حاااضر..

_ وجعع يله، فدد فاهيه ومايعه..

_ لعد المن تكلي، اذا فاهيه ومايعه..

_ غصباً عليج، رجلج وطيعيني مثل ماريد..

_ نشالله زوجي العزيز، احمم رجلج هوه انت طايحلي تكفخ (كلتها بقلبي)

نص ساعة هنوب دگو الباب، عاد صاح هوه بصوته الجهوري

فهد:- ياهوووو..

فردوس:- اني فردوس خويه فهد اريد غزل..

_ شبيها غززل..

_ خويه اريدها وياي..

_ هسه تنزل..

غزل:- راحت هيه وهوه شوية وگام باوعلي ورفع حاجبه الايمن هنوب قرب شفايفه وطبع بوسة خفيفة على طرف شفتي، جسمي سرت بي