فصلية الشيخ فهد🔞

بارت الـ9...

لا توجد شجرة لم يهزها ريح ولا يوجد إنسان لم يهزهُ فشل لكن توجد أشجار صلبة... ويوجد أشخاص أقوياء...✨💙

.......................................

اكو ناس بهالدنيه ماعدهم حض ابد
ولا مكتوبلهم يفرحون ابد مثل حالي
اني بدت حياتي قبل ساعات ويه فهد

وكلمن اعترف بحبة لثاني وعدني يعيش وياي بحب وسعاده وميجرحني

بس الماعنده حض ماعنده واني ممكتوبلي اضحك ابد، الكل ضل يتراجف جبير وصغير

بعد الرمي احسه بنص البيت،وكلنه ندعي ميصير شي مو شوية بيت
شيخ ويدگوهم هاي اهانه بحق فهد

والله لو يدري فهد منو هذا يلزمه ويخلي يزوع حليب امه،فهد مو هين

دخل جاسرر يصيح فهددد تصوووب الشيخ فهدد تصوووب،كضيت قلبي بوجع وما صدكت الخبر،هوه كلي

انا ما ينخاف علي وارجعلج يغزل،وفهد لو وعد وعد ما يخلف بوعده،ضلن يتصارخن النسوان
ويلطمن ويبجن،بس اني واكفه على

صفحة ما مصدكه الخبر ومتانيه طلتة وهيبته الحلوه تمر عليه،حجه جاسر باسف وقلق شديد

جاسر:- هنوي الطلقة اجت يم قلبه،وهوه عنده خفقان بالقلب،اندعوله وصوتجن لا تتصارخن..

طلع وخله النار تسعر بقلبي،اخخ يا فهد بعدنه بأول الطريق بعدنه والله مشايفه منك شي،فهد حباب لتتركني والله انتَ صرت سندي وجنحي من بعد اهلي لا تكسرني بيك فهد لا تكسرني مالي غيرك..

ركضت صعدت للغرفة،واحجي ويه روحي مثل المخبلة،معقولة فهد يعوفني ويروح معقولة زين اني منو الي من بعد والله يشمروني اهله كلهم حيايه ويلسعون لا ربي لا تگولها

حتى لو ضلمني واذاني گومة بالسلامة لخاطر بنته عـ الاقل،ضليت حاضنه المخده مالته وابجي..

        ............................

فهد:- طلعت وبيدي الشاجور وبيد ولد عمي كل واحد رشاشه،بويه يدگون بيت الشيخ فهد،هذا منو اليندك بينه،عمي بالسلف كله ما صايره

هنوب تصير جدام بيت الشيخ فهد،لا هاي موش من عوايدنه،واجهونه ناس غرب ما نعرفهم منين ما منين وكل واحد بيده سلاح،واحنه بيدينه هم،واشتعل الجوو بالرصاص الحي

حسيت بشي زرف صدري،ناضرت وشفتها طلقة من الصوب الثاني

اجاني جاسر يركض،ويصيح شيخ سلامات سلامات،جنه طيف صگر

مرني اي والله طيف صگر،كتله اخذني وياك يا خوي ما خذاني،نقلني شعلان وجاسر للمستشفى

جاسر اسمعني،اذا صارلي شي امانتك ورده وغزل ترى مالهن غيري

جاسر:- لا شيخ لا تكول هيج ترجعلنه سالم نشالله..

_ خذوني للعمليات وبعد مادريت شصار،كعدت وغواش ابيض بعيني