Restart

°32°

*ဟိုကောင် ဆေးရုံကဆင်းကထဲက ငါတို့ကို ပစ်ထားတာနော်*

အိမ်လာပြီး သောင်းကျန်းနေကြသည့် ဦးကျန့်သူငယ်ချင်းတွေကြောင့် ရိပေါ်မှာ ယွီပင်းကို အဖော်ခေါ်ထားရသည်။ အိမ်အကူအဒေါ်ကြီးတွေကိုလဲ ပိတ်ရက်အနေဖြင့် နားခွင့်၃ရက်ပေးထားပြီး ကျဲကလဲ နယ်ဆင်းတာက ဒီတစ်ခါတော်တော်နောက်ကြာသည်။

*အိမ်မှာ ယောကျာ်းနားပဲ ကပ်နေတာလား ..!*

အစ်ကိုဝူယဲ့က ခပ်နောက်နောက်စတော့ ဦးကျန့်က ခေါင်းခါပြရင်းရယ်လိုက်သည်ကို အမြည်းလုပ်ရင်း ရိပေါ်က မြင်ဖြစ်အောင် မြင်လိုက်သေးသည်။

*ငါလဲ အလုပ်တွေရှုပ်နေလို့..! အမြည်းရပြီလား ချာတိတ်*

*ဟုတ်*

အရက်တွေ၊ ဘီယာဗူးတွေ ကဒ်လိုက်ချထားသည့် ဦးကျန့်တို့က ဒီကျမမှောက်လျှင် ထမည့်ပုံမပေါ်။ ရိပေါ်နဲ့ ယွီပင်းမှာ အမြည်းတွေကို သေချာပြင်ဆင်ပေးကာ ချပေးလိုက်သည်။

သားသားကိုတော့ ဒီည ရှောင်ပါးကခေါ်ထား၍ အိမ်မှာရှိမနေ။

*ရိပေါ်တို့လဲ ဝင်joinလေကွာ*

ရိပေါ် ဦးကျန့်ကိုကြည့်လိုက်တော့ ဘာမှမဖြစ်သည့်ဟန် ဘီယာဗူးတောင် ဖောက်နေလေသည်။ သူလဲ စိတ်ကဆိုးချင်လာ၍ ယွီပင်းနဲ့အတူ ဝင်ထိုင်လိုက်သည်။

*ကဲ cheers..!!*

ယွီပင်းနဲ့ရိပေါ်မှာ ဘီယာဗူးကြီးကိုင်ပြီး ချီးယားစ် လုပ်ပေမယ့် တစ်ငုံသာ သောက်ပြီး ဆက်မသောက်ကြ။ ဦးကျန့်တို့ကတော့ အမြည်းက နည်းနည်း၊ အရက်က များများဆိုသလိုပင်။

*တော်တော်သောက်နိုင်ကြတာနော်*

ယွီပင်းက သူ့နားကပ်ပြီး လာပြော၍ ရိပေါ် ခေါင်းညိမ့်ပြလိုက်သည်။ ဦးကျန့်တို့က တကယ် သောက်နိုင်သည့် အဖွဲ့ပင်။

ယွီပင်းနှင့် ရိပေါ်မှာ ဦးကျန့်တို့ပြောနေသည်များကိုလဲ နားမလည်။ အမြည်းလေး နှိုက်စားလိုက်၊ သူတို့ပြောတာလေးတွေ နားထောင်လိုက်နှင့်ပင်။ ရိပေါ် ရေဆာလာ၍ သူ့ရှေ့က ဘီယာဗူးကြီးကို ထပ်မော့သည်။
အူရိုင်းဖြစ်သည့် ရိပေါ်က အရက်လေး နည်းနည်းဝင်တာနဲ့ ဇာတိစပြလေပြီ။