جذبني فمك البني

خبر حلو

مرحبا 😊

البارحه ذكرت بالقصه اسم ( ضيغم وملاك )

ابناء عم ادهم..

هذوله قصتهم وصلتني ويه سيلين حبيتها كلش وحسيت بيها عبره قويه...

بس طلبت منهم افصل قصتهم كل قصه وحد

لان العنوان ميرهم عليهن ثنينهن

ولا الاحداث اكدر انطيها حقها وراح تضيع متعة القصة لذوله الكابلز ..

لهذا يا حبايبي اني علنت عن قصتهم سويه قبل فتره

وهاي صوره القصه موجوده بحسابي ضيفوها يمكم ..

ما اكتبها مباشره وره هاي القصه لا انتظر فتره

حتى ليصير عدكم ملل واشباع من المواضيع ..

عمو ادهم راح يرافقنه بالقصه الجديده وسيلين هم ..

بس راح يكونون ابطال ثانوين مو رأيسيين ..

الابطال همه ضيغم وملاك.

لان الاحداث القصه مالتهم بدت من العرس يعني ويه بدايه علاقه ادهم بسيلين..

( ملاحظه القصه بدت ويه علاقه سيلي وادهم لتاخذوها حرك احداث اعرفكم لان😂)

حفضوها يمكم بالمكتبه..

اسمها( دارت الدنيا لتدق طبول قلبي )

بالنسبه لكتب علم النفس اللي استعانيت بيهن بهاي القصه هنه هواي يعني قريتهن واخذت المواضيع اللي تخص القصه..

هواي طلبوها مني لهذا راح اكتبهن هنا...

١_ كيف تبني شخصيه قويه وايجابيه..
٢_ اسلوب جديد لفهم الناس
٣_ عيوب الشخصيه..
٤_ تحليل الشخصيات وفن التعامل معها
ه_ لغة الجسد
٦_ قراءه العقول
٧_ مراجعه الشخصيه
٨_ استكشف شخصيتك

اضافه الى كتب التنميه البشريه ..

فديوهات الدكتور ابراهيم الفقي كلش راح تفيدكم ..

واذا مكدرتو تشترون تلكوهن بالنت بس ماعرف اذا كلهن موجودات...