🦋3🦋

835 118 4
                                    

Unicode
တိမ်ယံလွှမ်းတဲ့တောင်

                        🦋3🦋

       လော့လော် မျက်ခုံးတို့ကို အလိုမကျစိတ်ဖြင့် တွန်းချိုးပစ်လိုက်သည်။

"ဘယ်လိုအကြံလဲ"
"ဒါကတော့ ရှင်နောက်ကျရင် သိရမှာပါ...."

       လော့လော်လည်း ဆက်နားမထောင်ချင်တော့တာနဲ့ ကြိုးတံတားပေါ်ကို ခြေစောင့်ကာ ဖြတ်လျှောက်ခဲ့သည်။ ဘာလဲ စောစောစီးစီး ကျက်သရေမရှိ တိမ်လွှမ်းတောင်ထွတ် ဂိတ်တံခါးဝမှာ လာချိန်းတွေ့နေတဲ့အပြင် ရှစ်ဇွင်းကိုတောင် ချောက်ချချင်နေသေးတယ်။

       ထိုမိန်းကလေး၏ အကြံဆိုသော အရာကြီးကိုမသိသော်လည်း သူကတော့ ထိုသို့အဖြစ်မခံနိုင်ပါ။ ဟွမ်ကျင်းရွှေ သူ့ဆရာဖြစ်လာပြီ ဆိုကတည်းက ဆရာကိုလုံးဝ အထိခိုက်မခံနိုင်ပေ။ ဘယ်သူတွေ ဘာပြောပြော သူကဟွမ်ကျင်းရွှေကို နားလည်သည်။

       လော့လော်က ချိုင့်ကိုလက်တစ်ဖက်ကဆွဲ၍ ဆို၏။

"စောစောစီးစီး ကျက်သရေတုံးတွေ.... တောင်ထွတ်နားလာပြီး ပလူးပလဲလုပ်နေတာ သူတို့ကိုယ်သူတို့ အမှန်တရားဘက်တော်သား ဟုန်ကျင်းကျောင်းတော်ရဲ့ တပည့်တဲ့လား.... တိမ်လွှမ်းတောင်ထွတ်ရဲ့ ဂိတ်တံခါးက သူတို့ချိန်းတွေ့ရမယ့်နေရာလား...."

       ပွစိပွစိပြောပြီး လာခဲ့ရာ အိပ်ဆောင်နားပင် ရောက်လာခဲ့ပြီ။

"အဟား....."

       ထမင်းချိုင့်ကို ချ၍ ဟားတိုက်ရယ်ပစ်လိုက်သည်။

"ချုံအားကိုးနဲ့ ဇာတ်လမ်းတွေရေးနေတယ်ပေါ့.... တွေ့မယ် နင်တို့ရဲ့ နတ်ဘုံနတ်နန်းကို ငါကိုယ်တိုင်ရှင်း...."
"လော့လော်...."

       အိပ်ဆောင်တံခါးပွင့်လာကာ ဟွမ်ကျင်းရွှေ ထွက်လာသည်။

"ရှစ်ဇွင်း....."

        ဟွမ်ကျင်းရွှေက အဖြူရောင်ဝတ်ရုံရှည်ဖြင့် ထွက်လာပြီး အရင်ဆုံးအကြည့်ကို ထမင်းချိုင့်ဆီသို့လွှဲကာ တောက်ပသောမျက်ဝန်းတို့ဖြင့် မိမိကိုယ်ကို ပြန်၍လက်ညှိုးထိုးပြသည်။

"ငါ့အတွက်လား...."
"ဟုတ်....."

"ဟားဟား.... "

       ဟွမ်ကျင်းရွှေမှာ ဟန်တောင်မဆောင်တော့ဘဲ ထမင်းချိုင့်လေးကို ပြေးဖက်ထားမိသည်။

တိမ်ယံလွှမ်းတဲ့တောင် / တိမ္ယံလႊမ္းတဲ့ေတာင္ (Complete)Where stories live. Discover now