[NIKA SERIES #1] Veronika Azusa Ficarro, isa sa mga kilalang fashion designer sa bansa at sadyang tinitingala ng lahat. Ang lahat ay kaniyang nakukuha maliban sa isang lalaking mahigit isang dekada na niyang hinihintay at hindi nagsasawang ipaalala sa taong iyon na kahit na anong gawing pangtataboy nito ay hindi siya pinalaking mabilis sumuko, nagawa niyang hindi tanggapin ang malaking oportunidad para lang sa isang lalaki. Ngunit tapos na ang isang dekadang paghihintay niya dahil sa isang gabing tuluyang bumago sa kaniyang buhay. Tuluyan itong napagod at piniling lumayo hindi para ipagpatuloy ang oportunidad na ibinigay sa kaniya, kundi para tanungin ang sarili, kung dapat ba niyang bigyan ng karapatan ang lalaking iyon na malaman ang buong katotohanan? Started: November 01, 2020 Ended: May 02, 2021

[NIKA SERIES #2] Nikasha Zorxy Ficarro, isang guro at ang manunulat na walang ibang ginawa kundi takbuhan ang reyalidad. Dahil lumaki itong walang kinagisnan na magulang ay itinatak na niya sa kaniyang isipan na kailanman ay hindi ito iibig, dahil ito ang sisira sa kaniya. Ngunit mayroong isang lalaking muling nagbalik upang patunayan na handa itong baguhin ang paniniwala ng dalaga. Bago sumulat ng kuwento, alam na ng manunulat ang magiging dulo nito, ngunit habang tumatagal, nawawalan na ng karapatan si Nikasha na isulat ang kanilang sariling nobela. Dahil katulad ng karamihan, walang nakakaalam kung saan matutuldukan ang kuwento ng isang tao. Started: May 08, 2021 Ended: July 03, 2021

[NIKA SERIES #3] Si Zerenika Cazue Ficarro, ang susunod na hahawak sa kumpanya ng kaniyang tiyuhin, kaya naman hangga't maaari ay kailangan niyang maging perpekto sa mata ng ibang mga tao. Walang lugar ang pagkakamali. Gusto mang umibig ay wala siyang karapatan at nakuntento na lang sa pagtingin mula sa malayo. Sa gitna ng problemang kinakaharap ni Zerenika, ay dumating ang isang lalaking kahit kailan ay hindi niya inisip na magiging dahilan kung bakit niya pakikinggan ang kaniyang puso, kahit na ang kapalit no'n ay ang pagkawala ng magandang estado nito sa buhay. Started: July 11, 2021 Ended: September 07, 2021