جدران الوغى

واگفه بباب الغرفه و عيوني مليانه دموع دنگت راسي اباوع شلابسه غير قماش ابيض ملفوف على جسمي هذا القماش الي لازم البسه و اروح بي لبيت زوجي لشخص يقدرني يحبني يحتويني اروح و اني فرحانه مودعه اهلي بالفرح و الحزن لان راح افارگه بس هسه لابسته و اني بلا روح مثل اللعبه تحكموا بية رچفت شفتي صدرت مني شهگه ها اني واگفة گبال غرفه الي راح اعيش بيهه ويا الشخص الي ظلمني اشتراني مثل السلعه الي تنباع بلا ثمن

اعاتب امي الي باعتني لو اعاتب نفسي لان اختاريت هذا الطريق المجهول ما اعرف نهايته شنو غير انو اعيش بقرب هذا الغريب هذا الشخص الي اخدني اله شخص مريض مهووس بيه ما له علاج بس يمي مريض لدرجه ياذيني نفسياً قبل جسدياً

حسيت ايده تحاوط خصري و ذقنه على چثفي همس بصوت خافت

- عروستي الگمريه

دنگت راسي اكتم صوت شهگاتي ببساطه اذا سمعهه راح انگتل يكره دموعي نقطه ضعفه دموعي فزيت من ضغط بشكل قوي على خصري

- جاهزه للجحيم

حجيت بخنگه

- اكو اسوء من شوفتك انت بالكاد جحيم

- ما شفتي شي عروستي الگمريه ، السانج اذا تطولتي عليه اشگه وصلتين و اخليج تحبيني مثل ما حبيتج

هنا ستبدأ قصتي وياه هذا المختل المريض المهووس لاحظت تعدى مرضه من اخو النفسي اخوان غربين كلاهما مرضى نفسين مختلين الاول مهووس بيه و التاني مهووس بالانتقام و التعذيب