Between The Two Hearts

Introduction--

Sa isang mundo kung saan madalas pinapansin lang ang magaganda, may isang ordinaryong babae na hindi inaasahang magiging sentro ng isang kwento ng pag-ibig.

Jaira Jane Dimaculangan, o mas kilala sa tawag na -Jai Jai- , ay simpleng dalaga-hindi kagandahan, hindi rin sikat. Galing siya sa isang eskwelahan kung saan ang bawat araw ay puno ng pangungutya at pang-aalipusta. Pero nang lumipat sila ng bahay at siya'y napunta sa Pharang University, isang bagong simula ang bumungad sa kanya.

Sa bagong paaralan, dala niya ang pag-asa na mahanap ang sarili, lumaban, at magsimulang muli. Ngunit hindi niya inaasahang makilala ang dalawang lalaki na magpapagulo sa tahimik niyang mundo.

Una, si Pierre - ang mabait, matulungin, at laging handang dumamay. Isa siyang kaibigan na handang sumalo sa lahat ng bigat ni Jai Jai.

Pangalawa, si Criss - ang misteryosong, matalino, gwapong estudyante na tila walang pakialam sa lahat... maliban sa kanya.

Magkaibigan ang dalawa. Pero pareho silang magkakagusto sa iisang babae.