والله اتمنى اجرب نومه الليل
ومثل باقي البشر يرتاح بالي
لا گادر واغير واقع الحال
ولا گادر اصيرن لا ابالي
ويگولون الوكت مقسوم نصين
نهار وليل شو كلهن ليالي
بلا زحمه الزمان شعنده وياي
شنو الباقين حنضل وانا حالي
لا كاتلي سيد لا خنت جار
ولا رديت محتاج من اجالي
من كثر الشلتهن فوك المتون
وصلت لمرحلة اتعب من خيالي
الي تصير الدموع افراج مسجون
ثبت بس الدمع صاحب مثالي
عجيبة الناس تحسدني اعلى يا حال
وانا الما كاض ربحي ولا حلالي .